Prowerb 10:22 - Nobonob Baibel

²² Yawenu itittak ena he, danab nug elelenab daatte; amuppa uug laa ii daatte.

Prowerb 10:22 Referans Kwoze

Sam 107:38

Nug ag itatta autanab awe, ag baelkadppa kuɗum ele daappig. Ahilkad makau ele abategeg, kuɗumnab daappig.

Genesis 26:12

Nug anam a, dimppa Aisak wan amuppa dayeye, Yawe nug itittom amunu, Aisak nug keeke laala eppa, maɗ amu ooppa nug eppomnu meu kuɗumnab awom.

Genesis 24:35

Yawe Nug dahil okkai Abraham keeke ohnu itittom amunu, nug enub kuɗum ele; sipsip, makau, kamel, donki, silwa, gol, maɗi nid maɗi ah ele.

Genesis 12:2

Amu da heppi, na buɗunad ag appatna, huu okkainab, ɠagattag ele daaglag. Da na itittak ena ele medakkul. Na onin okkai humappi, na laala itittak ena madakkut.

Sam 37:22

Amu Yawe Nug danab ah itadtte ele amu, ag geha ag aulag wan imu aɗan daaglag, amge nug laa ag eheɗ laa awaknu anak waappa daaglagnu atte, ag mauhkkulag.

Prowerb 20:21

Laa nug nid bau dayaya, kalu mettak iitta haenppa mameg eppegppa aug aokku dayeb amu; gog takppa aug amu nug ii ehanidma.

Genesis 13:2

Haen amuppa nug enub kuɗumnab ele; nug doɗ kuɗum, silwa kuɗum, amu gol ele kuɗum.

Prowerb 28:22

Danab nug, nug ehanittak uua, nukka nuhignuib dabmette, nug enub okkai aokkunu hik qette; amge nug ii dootte, uma iitta nug daɗek daakku.

Sekaraia 5:4

Yawe Nukka Ɠagattag Oh Ele Nug inam atte. ‘Da heppi, eheɗ awaknu nai amu danab aun nug yabhok hette, nug laugppa ukka dayaya, danab aun nug nai hambuppuak mattia, nai amu da onilppa ɠagattag qedatte ele, nug laugppa ele ukka daakku. Eheɗ awaknu nai amuam, danab amu hetteb ele ag laulkadppa ukka dayeb, lag amuppan danab ah oh nauhppeppeg, laulkad ele nauhna autnanab aoglag. Lag ebehi, ad, men, keeke oh ele nauhakib daakku.’ Yawe Nug anam atte.” Engel nug da amelppa anam aum.

Genesis 14:23

‘Da nahip keeke huppu nakoknab laa ii aopa. Aɗinu? Na, “Da Abram keeke kuɗum mettami amunu, nug keeke ele daatte,” na amu dahilnu amananu, da anam ami.’

Josua 6:18

Ag Yawenuib nuhig pelemppa daamnanu, ag aibnab keeke Yawenuib nuhig pelemppa daatteb, ag amu laa aɗappig! Ag keeke laa Yawenuib nuhig pelemppa daatte aoglag dayeb amu, amuppa ag akka ag hena, ag Israel oh ag Yawenuib nuhig pelemppa daan, ag hena, Israel dilag haen tutu dayaknu aab kalak nauhkkun daakku.

1 King 21:19

Amunu na gona, Ahap amegppa inam appe doyaɗ! ‘Da Yawe, da attem. Na Nabot iite qe mauhom? Na nuhig wan amu na yab iite aome?’ Amge da na tutukku amenppa attem. ‘Aben qai ag Nabot tiig lappigppa, aben amuppaib am geha qai ag na tiin ele lakkulag,’ awe attem,” awa aum.

Genesis 26:13

Aria, Aisak nug enub danab ba, deɗ laala ele keeke kuɗum ele awawa, nug danab enub okkainab ele ba,

Duteronomi 26:10

Amunu, O Yawe, gemu da ee tatam oɗutte wan na da meɗameppanu aomi amu, da na medakkulnu uɗimi.” Na anam Kayak noobppa daanna akkut. Na amu oh awona, na kaleg amu, keeke ele Yawe, nahip Kayak, na Nug noobppa uuppe dayebeb, na Yawe noobppa dup nona binag mekkut.

Duteronomi 28:11

Yawe Nug ag wan madakkunu ag mamelkad aɗi amelagppa anam hekkunu nuhig nai ɠagattag qetta aum, amuppa keeke ena ena ma madakku. Amuam nid naunau kuɗum, doɗ manan kuɗum, amu keh iɗu iɗu kuɗum ele madakku.

2 Stori 25:9

Kayaknu danab amu nug anam a, Amasaia nug oɗ mettom. “Anam, amge da Israel dilag daup imu ag uɗin, da ehaniɗkkulagnu Israel dilag king silwa 3,400 kilogram metten malami. Silwa amuam hamu qettoɗmanu am da attem hekkul,” awa od mettom. Nug anam oɗ mette, Kayaknu danab amu nug nob ma aum. “Yawe Nug amu eɗittaknab eɗua medakkunu elele,” awa aum.

Prowerb 8:21

Da laa ag dahilnu oolag mauhtte ele, da en okkai madattem; da hei, ahilag en maknu oo anen anen am ambetteb.

Prowerb 14:24

Danab doyak dabmak ena ele, doyak dabmak ena ele amuam ahilag en, amu ahilag en amu, am ahilkad igippan haɗ bia daatte; amge danab ag Kayak dab-ii-mettan ii dim lamidtteb ele ag Kayak dab-ii-maama hak henana, ag kobol amuib tuɗidna hetteb.

Daniel 1:15

Nug anam a, deɗ eblaih laih ele uue, nug Daniel laikkud ele italatta anatta, nid bau laa ag kingnu ee lappig ele, nug ag ele italatta anatta, Daniel laikkud ele ag beɗulag am enanag, nid bau laa oh eɗattak daaegeg anttom.

1 Stori 4:10

Jabes nug Israel dilag Kayak unuqitta, inam aum. “O Kayak, na da itittak ena meɗan heppe, dahil wan am okkai daakkunu, da guittak ii doopanu, da na eppenppa daappi, na ehaniɗppe, uug laa dahilppa ii bemanu unuqidttem,” awa unuqittom. Jabes nug anam unuqitte, Kayak Nug Jabes unuqittom bia nuhigppa heum.

2 Stori 32:27

Hesekaia nug en naɗi ele, amu nug ele binag okkai ele. Nug en naɗi ele amunu, nug silwa, gol, men daden nob okkainab ele, spais, guppiɗ, amu en digdig laa ele appa maknu nug en maknu oo laala buuattom.

2 Stori 32:29

Kayak he, Hesekaia nug en okkai, naɗi ele amunu, nug aab laala kala hatta, nug makau, sipsip, meeme ele huanak awom.

Sam 127:2

Yawe Nug danab ah Nug ahilagnu oo mauhtte ele, Nug danab ah amu niiak ena madatte amunu, na aun, na ee aon lakkutnu hik huana nidette, uɗatib buttuanab ukka tueb batak henan daattem amu, kobol na hettem amu, kobol amuam meu iitta.