Prowerb 10:21 - Nobonob Baibel

²¹ Genab tutukku hak danab dilag nai am kuɗum laa ehanadtte; amge danab ag Kayak dab-ii-mena ii dim lamidna oitteb ele, ag am epeɗia ha dabmak ena awak kobol ii dootteb amunu, ag geha mauhkkulag.

Prowerb 10:21 Referans Kwoze

Hosea 4:6

Dahilad danab ah ag da ii dooiɗtteb amunu, laa ag heeg nauhtteb. Mana mettak danab ag, ag da dooiɗaknu uuppig amunu, gemu da ag, ag dahilad mana mettak danab daaglagnu geɗadttem. Ge, ag da, Kayak, ahilag Kayak, ag dahil ɗo nai ii dabmeppig amunu, da geha nid naunau ahilkad ii dabmadapa.

Prowerb 17:16

Danab nug Kayak dab-ii-maama ii dim lamidtte ele, nug men doɗo aɗakkunu am meu iitta; amunu diig am, nug doyak dabmak ena ele aokkunu nakok laa ii dabmette.

Matyu 13:19

Haen danab laa nug Kayaknu ɗo maɗoɗnu nai doya, oo ii maidtte amu, Satan nug paha he, Kayak nai nug ooppa dayom iitta mette. Ee aeg ibppa nena qeppig ele amu, nai amu anam ippunigtte.

Prowerb 1:29

Ag doyaknu nau ninig ele dooppig. Ao, ag Yawenu ebehilag oh bodoetta le mekkunu uuppig.

Prowerb 15:4

Ad nug meu ena o, meu danab ehanatte bau daatteb, amubia, danab nug nai ena maditte, nug danab ehanatte, ena daatteb; amge danab nug nai hambuppuak maditte amu, nug he, danab ag oolagppa na qak dootteb.

Prowerb 5:23

Nug tolittak aokkunu uua oiyaya, nukka nuhig oiyak ii atognoum amunu, nug mauhkku; nug dabmak tutukku ii awa, Kayak dab-ii-maama hak kobol amuib dim lamittom.

Prowerb 5:12

Am na geha akkut. “Laa ag da toliɗna, bu meɗaglagnu heppig amu, da uue autenab aomi! Ao, laa ag da daul batappig amu, daug batak ahilagnu doyak nakok laa aokkulnu, da uue autenab aomi!

Prowerb 1:31

Ag amu heppig amunu, ag ahilag oiyaknu meu heeg beum, am meu nau ninig ele amu, ag aakku lakkulag. Ao, ag keeke laala hekkulagnu lokkumakppa dabmena, maittak eheɗ aoppig amu, maittak amunu meu nau, ninig ele, ag lappeg, oolag didikku.

Job 23:12

Da haknunab nai Kayak oɗeppanu doomi amu, da nai amu ii uumi. Da dim lamidmi. Ao, da ee lakkulnu ool hette, amge da Kayak nai, Nug oɗeppanu aomi amu, da nai amunu ool huanaknab hette.

Jeremaia 15:16

O Yawe, na Yawe Kayak Nakka Ɠagattag Oh Ele, na onin dahilppa daatte amunu, na ae, nahip nai dahilppa uɗie, da danab ee lanaknu baag enanag lanana, gamag ahak dootte, amubia da nahip nainu enanagnab doomi.

Prowerb 12:18

Nai mauhnoak, dabmak iitta ele mattiak am laa nug layag qep-ppa yaatte bia hette; amge danab doyak dabmak ena ele, nug amunu nai maditte amu, nug laa ehanadtte.

1 Pita 5:2

Ag Kayaknu danab sipsip bia ag eppelagppa daatteb atognoadna autna aweg! Ag ɗo duttunakppa bia daanna, ahilag uɗat aib heppig. Iitta. Ag Kayak oo niitte amubia ena doonna hekkulag. Ag men doɗo aoglagnu aib dabmenana heppig, ag oolag ahebeb hekkulag.

Rom 1:28

Laa ele amu, ag Kayaknu dabmak aɗan oiglagnu uuppig amunu, Kayak Nug ag ahilag kobol nau, dabmak nauppanu bette, ag amu dim lamidkkulagnu uuattom. Amu ag kobol nau, danab ag hekkulagnu elele iitta amu, aakku hetteb.

Jeremaia 3:15

Da Sion omalatten uɗien, da ag, Israel, da ag gumak danab, sipsip gumak danab bia, da gumak danab ena, ag da ool hette bia oolag hekku, da ag maadppi, ag gumadkkulag. Ag doyak ena, diignu doyak tutukku ele aɗan, ag gumadkkulag.

Sam 37:30

Genab tutukku hak danab ag doyak dabmak ena elenu nai maditteb. Yo, ag aɗi kobol nai doya mala hettoɗia epeɗia elele mettak kobol dim lamidtteb ele, ag amunu dabmena maditteb.

Matyu 12:35

Danab ena nug ooppa dabmak ena kuɗum niitte, amuppa nug kobol ena he bette, amge eheɗ hak danab nug ooppa dabmak eheɗ kuɗum niitte, amuppa nug kobol eheɗ he bette.

Prowerb 6:32

Anam aakku yab danab nuhigppa bette, amge danab nug ewau pakkua he laa wau ele gappai hettep amu, nug epeɗia ha dabmak ena awak kobol ii dootte ele; nug nukka nug ha, nug padal mette.

Prowerb 10:11

Genab tutukku hak danab ag oɗelagppa nai maditteb ele amu, nai amu danab laa ehanatte, ag bau daatteb; amge nau hak danab amu, laa guittak nau mauhnoak mettaknu nai ag oɗelagppa ambak daatte.

Prowerb 1:32

Aɗinu? Danab ah ag doyak ii awak ele daatteb amu, ag ahilag eheɗ hakppa mauhkkulag. Ao, danab ah ag Kayak dab-ii-menan ii dim lamidtteb ele, ag kaaka bia oinna, uug laa iinab bema anana oitteb ele amu, ahilagppa padal mak aakku bekku.

Prowerb 15:7

Danab doyak dabmak ena ele ag laa doyak ena ele madatteb; amge danab ag Kayak dab-ii-menan ii dim lamidtteb ele, ag anam ii hetteb.

Eklisiastis 12:11

Danab ag doyak dabmak ena ele, ahilag nai am ad laa aeg hawaɗ hoiyak ele danab ag amuppa makau okkai ebehi ele yaalatteg uɗat hetteb bia. Ao, ahilag nai am ad laa noobppa tutui ɠagattag ye nak ele doɗ guittak mettette gotteb bia. Ahilag nai am Kayak, Nug ig gumigtte, nuhigppanu uɗitte.

Aisaia 5:13

Anam amunu, genabnab genab geha kekeɗ ag uɗin, ag dahilad danab ah, ag Yawe ɗonu, nuhig kobolnu ele doyak pehettak iitta amu, diig amunu kekeɗ ag ag diin, uma goppeg, ag diia ukka laih me dayak danab ah, wan laappa anam daaglag. Danab okkai okkai enugnu mauhkkulag. Danab ah laa ag le ele iitta daappeg, ag lemaɗulag qaɗaiedakku.