Prowerb 10:2 - Nobonob Baibel

² Na ib eheɗppa en okkai aokkut dayeb amu, en amu ii ehanidma; amge genab tutukku hak kobol am na ehanitteb, laa ag eheɗ hak ahilagppanu mauhtteb, amubia na ii mauhmana.

Prowerb 10:2 Referans Kwoze

Prowerb 11:4

Kayak Nug danab ah hipunin heegeg bu madatte, haen amuppa en okkai am danab ah ii ehanadma; amge genab tutukku hak kobol am danab ehanitte, danab ii mauhtte.

Prowerb 21:6

En okkainab, danab nug hambuppuakppa awom ele, en amuam paha iitta ma, guittak ele en mameg medatte; en amu, doɗ pelemppa ta guittak aotte, amubia en mameg guittak medatte.

Prowerb 12:28

Genab tutukku ha oiyak am bau dayaknu ib aakku. Ge, ib amuam mauhakppa ii notte.

Rom 5:21

amunu, hipunin nug he, mauhak danab tonattom daatte, amubia Kayaknu ehanittak okkai hamu mettak, amuam he, ihinig Naɗi Jesus Kristus, nuhigppa danab ag genab tutukku hak danab bena, bauklel hanhannu aotteb.

Sepanaia 1:18

Deɗ Yawe Nug danab ah bu madakku amu, deɗ amuppa ahilag silwa, o gol am nakok laa ii ehanadma. Yawe Nug danab ah nuhikkudnu, dahil doya laa aomanu doyak aɗa daatte, amge ag nuhikkudib daaglagnu ii heegeg, nug oo huana nauhtte. Oo nauhak amuam aab ewak laa huan ewawa, keeke oh he nauhtte, amubia daatte. Nuhig oo nauhak amuam heeb, wan oh nauhkku. Aɗinu? Danab ah oh ag wanppa daatteb, Nug heeb, ag padal mena autna aoglag.

Esekiel 7:19

Bu qak ii nak haenppa ag ahilag silwanu, ahilag golnu ele, ‘Am keeke anuqak’ dooppig amunu, ag amu aɗan oiglagnu wagai mena oinna, ag hipunin heppig. Ag anam heppig amunu, gemu ag ahilag silwanu hamu bia doon, ag ib manppa agappeg gokkulag. Ag ahilag golnu am keeke dubuttid ele dooglag. Deɗ Yawe Nug bu madakku amu, deɗ amuppa ahilag silwa, ahilag gol ele, ag ehanadppeg ena daaglagnu elele iitta. Ag enug aqakku, amge ag silwa, gol ele lappeg, oolag didikkunu elele iitta.

Rom 2:5

Kayak Nug na oot eɗukkunu oo daatte, amge na nakka na he nahip dabmak am ɠagattag eppak daye, na oot ii eɗutte. Kobol amuppa amu na nakka eheɗ hak nahip-ppa na Kayaknu oppoɗi bak na nidakkunu huana aakku qagmettem. Yo, deɗ laa Kayaknu oppoɗi bak miag atieb, Kayak Nug nuhig kobol tutukkuppa na epeɗitteb amu na geha nob nau aokkut.

Daniel 4:27

Anam aakku amunu, O king, da ulum nai laa medappi, na nai amu aon dim lamidkkutnu oɗ medattem. Na hipunin baula aib heme, amu na aɗi hettem amu, na hanhan kobol genab tutukkuib he! Ao, na eheɗ laa aib heme, amu na danab ah, ag laa eppelagppa daaeg, eheɗ hadatteb ele, na amu dilagnu oo gai-iitta doya, oo metta, ehanattak kobol he! Na amu hekkut dayeb amu, Kayak Nug ehanitteb, na tuɗidna, maɗoɗ ele daakkuttai.” Daniel nug King Nebukatnesar amegppa anam aum.

Prowerb 13:11

Am danab nug ib ena iittappa men doɗo aokku dayeb amu, men doɗo amu iitta mekku; amge danab laa nug uɗat haaha, men doɗo hubhub qagmekku dayeb amu, men doɗo amuam okkai mekku.