Biblia Todo Logo
Bib sou entènèt

- Piblisite -




Prowerb 10:18 - Nobonob Baibel

18 Am laa nug laanu, nug layag bia hette, amge nug ooppa, nug nuhignu nau ninig ele dootte, nug am hambuppuak danab; danab nug laa onig nauhkkunu nai maditte, nug am Kayak dab-ii-maama ii dim lamitta oiyak danab.

Gade chapit la Kopi




Prowerb 10:18
18 Referans Kwoze  

Nuhig nai amu enanag, ee enanag bia, amge nug ooppa amu, nug nug qaknuib hette. Yo, nuhig nai amu enanag, beɗu laittaknu goɗen enanag bia, amge nug oo unuqag amu, nug danab ah aqakkunu hette!


ag laa dilagnu ag onilag nauhkkunu nai nau ii atteb, ag ahilkad mudippan laippu guittak ii madatteb, ag lailkad dilagnu nai nau ii atteb,


Anam daye, haen Apner nug eɗua Hebron uɗie amu, Joap nug aabnu aɗ odppa dayaya, nug Apner ele aa laih danab ii daattebppa goya, aya daayya, nai mattiglahnu he goya, appa Joap nug Apner big qep-ppa ye mauhom. Apner nug Asahel ye mauhom amunu, Joap nug gemu nob ma, Apner ye mauhom.


⌊Da am king⌋. Da heppi, aun laa nug nai nau nuhig mudippan layag onig heeb nauhkkunu atte amu, nug baula ii hema. Da laa ag dada hena laa eɗittaknu dabmak aotteb, ag dada kobol laala ele hetteb amu, da hadappi, ag kobol amu tuɗidna ii hemana.


Na awante o iitta, na amapte, na nuhignu nai nauib hanhan madittem. Ao, na awante, o amapte, anilah laippuppan, na nug onig nauhkkunu na nai nau nuhignu madittem.


Am danab ah oh ag lailkad mudippan ele ag nug bubuittak hetteb. Ao, ag nug amegppa mattiak hetteb, amge ag oo eeɗaknu ittag nai maditteb.


Aɗinu? Kekeɗ dahil ag nai genab mattiglagnu elele iitta. Ao, ag oolag unuqagppa laa hadappeg nauhkkulagnuib oolag ahak daatte. Mattiak ahilag am uɗig wak nau, mauhak moɗ ooppan bia. Ge, ag nai maditteb, amge nai amuam nai hambuppuak.


nug Dawitnu tatam baɗak doyom amu, gemu nug baɗak amu eɗittak doyom. Nug Dawitnu kekeɗ dayom amu, nug anamib daye ukke, haen nug mauhom batak.


Aria, laa amu, laa ag hambuppuak nai laa mattiglag dayeb, ag nai genab iitta amu aib tuɗidppeg okkai meum! Amu danab nug nau heeb, laa ag nug hettoɗiakppa meppeg dayebeb amu, aria ag nug ehanidna, nai hambuppuak, ‘Nug eheɗ laa ii heum,’ aib appig!


Yawe Nug atte. “Juda ag lailkad dilagnu dabmeig! Ao, ag baelkadppa dilagnu oolagppa genab aib dooppig! Aɗinu ag anam hekkulag? Ag ohnab ag hambuppuak danab ah daatteb. Ge, ag lailkad oh ag nug onilkad nauhkkunu nai nau atteb.


Laa baeg aib qeme. Na keeke laa heppe, diig amunu na layap nug mauhkkutai amu, na amu aib heme. Da am Yawe.


Na epeɗiadna, na inam anidkkut. Ag oh da eheɗ dimeɗan, dahil nai tappaeg nette. Ag oh ahan, laa onilag nauhkkunu nai nau maditteb. Ag oh oɗe dim lamidmananu dabmak ahilag ɠagattag eppom daatte; bras o aen ɠagattag, ɠagattag amubia daatte. Ag oh kobol diig ena iitta uɗig wak ele dim lamidtteb.


Swiv nou:

Piblisite


Piblisite