Prowerb 10:15 - Nobonob Baibel

¹⁵ Danab ah enulag ele ag ahilkad keekenu, “Imuam ihinig aab ɠagattag aɗ ele,” atteb; amge daɗeknab dayak am uug ele, danab ag daɗeknab anam daatteb ele, ag nena qena autna aotteb.

Prowerb 10:15 Referans Kwoze

Prowerb 18:11

Danab ah enulag ele ag ahilkad keekenu, “Imuam ihinig aab ɠagattag aɗ ele,” atteb; ag keeke amunu am aab okkainu aɗ naɗi itak dayeye, laa ag aɗ amu tena letana nokkulagnu elele iitta, ag anambia dootteb.

Prowerb 19:7

Daɗek danab tiig laippu, ag nug guhuɗidtteb dayeb, laa ag nug laikkud, amge tiig laippu iitta, ag guhuɗidna autna aotteb. Ge, diig amunu daɗek danab nug ag ele laippu daaglagnu, oo doyakppa ag oɗ madakku, amge iitta, ag nuhig nai dooglagnu ii hemana.

Sam 52:7

“Danab nug Kayaknu padal mak eɗitteb ena dayaknu ehanittak daatte ii dabmette ele amu, nuhigppa bette umu antteg! Nug nuhig en okkai nug ehanidkku dabmeum, ⌊amge ii ehanittom⌋. Yo, nug nuhig eheɗ hak nug ehanidkku dabmeum, ⌊amge ii ehanittom⌋,” aon akkulag.

Prowerb 14:20

Laa kuɗum, aria daɗek dilag mudippan laippu ele, ag daɗek danab guhuɗadtteb; amge danab enulag ele ag amu lailkad kuɗum ele.

Eklisiastis 7:12

Aɗinu? Men doɗo danab ehanidtte, amubia doyak dabmak ena ele am ele danab ehanidtte; anam amge men doɗo danab ehanitteb, bau daakkunu elele iitta. Danab nug doyak dabmak ena ele, doyak dabmak ena ele amuam danab amu ehanitteb, bau daya oikkunu elele.

1 Timoti 6:17

Danab ah wannu haen imuppanu keeke kuɗum ele amu, Na tutukku imu ag amelagppa appe doyeg! Ag beɗuppa tak kobol aib heppig. Ag keeke oh paha nauhtteb ele, ag amunu oolagppa genab aib dooppig. Ag Kayak, Nug nukka aakkuib keeke ena ena kuɗum, ig oonig gamag ahakkunu megatte ele amu, ag nuhignu aakkuib oolagppa genab doyeg!

Luk 12:19

da dakka, da inam dabmekkul. “Da lagnu keekenu laa ii bahuhupa, dahil keeke ena ena daatte, maɗ kuɗum daakkunu elele. Aria, da hik awe dayeye, da ee, le ele oh lanakib lainne, gamag ahakppa daakkul,” ’ awa aum.

Mak 10:24

Jesus Nug anam a amu nuhikkud ippunittak awak danab ag nai amu doon, dabmak kuɗum aoeg anatta amu Nug baula ag amelagppa aum. “O nid nakkud, Kayaknu ɗo maɗoɗ ooppa noaknu am uug okkai ele.

Jeremaia 9:23

Amu Yawe Nug atte. “Danab nug doyak dabmak ena ele, nug doyak dabmak ena ele amunu dabmaama, nug nukka nug onig aib humom. Danab nug beɗuppa ɠagattag ele, nug ɠagattag amunu dabmaama, nug nukka nug onig aib humom. Danab nug enub okkai ele, nug en amunu dabmaama, nug nukka nug onig aib humom.

Sam 49:6

Kekeɗ dahilad amu, ag ennu oolagppa genab dootteb. Ao, ag enulag okkai okkai amu ehanatteb, padal ii memana atteb.