Prowerb 10:14 - Nobonob Baibel

¹⁴ Danab ag doyak dabmak ena ele, ag doyak ena tuɗidna aon, qagmetteb; amge danab ag Kayak dab-ii-mena ii dim lamidna oinna, nai maditteb, ag amu padal mekkulagnu aakku daatteb.

Prowerb 10:14 Referans Kwoze

Prowerb 18:7

Danab nug Kayak dab-ii-maama ii dim lamidtte ele nai atte amu, nai amu he, nug na qette. Ao, danab nug Kayak dab-ii-maama ii dim lamidtte ele nug nai atte, nai amu he, nug mauhaknu pelemppa tette.

Prowerb 10:8

Laa ag doyak dabmak ena ele, ag Kayak aɗi haknu atte, ag aakku aon hetteb; amge laa nug Kayak dab-ii-maama ii dim lamitta oiyaya, nai hamu hamu mauhnoak maditte, nug na qa, padal mekku.

Prowerb 13:3

Aun laa nug aɗi attenu dabmetta auta aotte, nug am bau daakku; amge aun laa nug nai doyak iitta, diignu doyak tutukku iitta ele maditte amu, nug am nauhkku.

Prowerb 10:10

Danab nug laikkud ele heppeg, laa na qekkunu hetteb ele amu, laa amu nug laikkud attem dooglagnu amegppa amuhpapaɗ qetteppa ippunatta he, uug bette; amu laa nug Kayak dab-ii-maama ii dim lamitta oiyaya, nai hamu hamu mauhnoak maditte, nug na qa, padal mekku.

Prowerb 9:9

Na danab doyak dabmak ena ele nai enappa doyak medappe, nug anamib doyak dabmak ena tuɗid ele daakku. Ao, na genab tutukku hak danab laa doyak aokkunu ippunidppe, nug tuɗid ele doyak okkai ele daakku.

Matyu 13:52

Ag, “Yo,” aon aeg amu, Nug ag amelagppa aum. “Anam amu ɗo mehuqak danab oh, ag Kayaknu ɗo maɗoɗ ooppa noppig ele amu, ag am lag okkai mameg bia daatteb. Nug keeke maknu oo nuhigppanu keeke alag, bau ele akke do madatte,” awa aum.

Matyu 13:44

Jesus nai anam mattiowa, Kayaknu ɗo maɗoɗnu, keeke danab dootteb ii dootteb ele ouaqata, ippuanatta, imu mattiom. Mattiaya Nug aum. “Kayaknu ɗo maɗoɗ am enub okkainab ele dad okkaippa lokkumak dayom, am amubia. Danab laa nug enub amu antta, baula awa lokkumowa, nug gamag ahak okkainab doya, nug nukka keeke nuhig oh me, daden meeg, men doɗo amu awa ukka, nug wan amu daden meum.

Matyu 12:35

Danab ena nug ooppa dabmak ena kuɗum niitte, amuppa nug kobol ena he bette, amge eheɗ hak danab nug ooppa dabmak eheɗ kuɗum niitte, amuppa nug kobol eheɗ he bette.

Prowerb 21:23

Danab nug aɗi nai madittenu dabmetta auta aotte; nug uug naunab nuhigppa bemanu aakku hette.

Prowerb 19:8

Aun nug doyak dabmak ena ele aotte, nug nukka nug ehanidtte. Ao, laa nug diignu doyak tutukkunu oo huana hette, nug ena daatte.

Prowerb 18:15

Danab nug oo maittak awaknu ehah awom daatte, nug doyak ena aotte. Ge, danab ag doyak dabmak ena ele, ag doyak ena aoglagnu neegtteb.

Prowerb 18:1

Danab nug laa oh ele nug mehqak hette, nug nukka nug oo hette amuib aokkun wagai mette; nug epeɗia ha dabmak ena awak oh dimedatta, tappe nette.

Prowerb 1:5

danab nug oiyak ehanittaknu nai tutu, aria keeke danab ag dootteb ii dootteb ele ouaqata ippuanattak nai ele dookkunu, diig amu ohnu amu, oiyak ehanittaknu nai tutu imu am amunu daatte. Aria, danab nug doyak dabmak ena ele, nug daug huma doya, nug nuhig doyak dabmak ena ele nai imuppanu tuɗitta awaɗ! Ge, danab nug oo maittak awaknu ehah ele amu, nug ele nai imuppa ulum awaɗ!

Prowerb 12:23

Eheɗ bemanu dabmak awak, dabmak amu dim lamittak danab nug haenppaib nuhig doyak laala madatte; amge danab ag Kayak dab-ii-menan ii dim lamidtteb ele, ag Kayak dab-ii-maama haknu ge iitta maditteb.

Eklisiastis 10:12

Danab doyak dabmak ena ele nai maditte amu, nug oo bodoette enanag maɗoɗ ele hak kobol dim lamitta maditte amunu, nuhig nai ele am anam, am doyaknu enanag; amge danab nug Kayak dab-ii-maama ii dim lamidtte ele, nug nai mauhnoak mattiaya uug aotte.

Prowerb 17:20

Danab nug eheɗ haknu nug tiigppa daatte, nug ena ii anidma. Ge, danab nug nai hambuppuak maditte, nug uug anidkku.