Prowerb 10:13 - Nobonob Baibel

¹³ Danab ag oo maittak awaknu ehah aoppig daatteb, ag doyak dabmak ena elenu nai maditteb; amge danab ag epeɗia ha dabmak ena awak kobol ii dootte ele, ag bu aoglag.

Prowerb 10:13 Referans Kwoze

Prowerb 26:3

Hos, donki ele ag dabmak ii aotteb amunu, danab nug makkuɗaknu muɗippa hos ulum medatte, o iitta, donki ikki muɗippa qakka eeɗaɗa, ulum medatte; amubia, danab ag Kayak dab-ii-menan ii dim lamidtteb ele, ag buppa ulum aotteb.

Prowerb 6:32

Anam aakku yab danab nuhigppa bette, amge danab nug ewau pakkua he laa wau ele gappai hettep amu, nug epeɗia ha dabmak ena awak kobol ii dootte ele; nug nukka nug ha, nug padal mette.

Aisaia 50:4

Naɗi Yawe Nug da oɗel ehanitte, da nai ena madikkulnu elele amunu, da nai enappa danab ah ag uug nau doon oitteb ele, da ag ehanadkkulnu elele daattem. Deɗ oh buttua Nug maɗeɗile, da ahattem. Nug da maɗeɗile ahai, Nug he, da daul hume, Nug aɗi atte amu, da dim lamidkkulnu dabmein aute awe daattem.

Prowerb 27:22

Danab nug ee aeg awa, ganuɗaknu masinppa me ukke, kalu daatte. Anam amge, na danab nug Kayak dab-ii-maama ii dim lamidtte ele, na nug anam bia eheɗ hedakkut dayeb amu; nug nuhig Kayak dab-ii-maama hak kobol ii uuma.

Prowerb 20:15

Gol daatte, amu men laa onig rubi, daden nob okkainab ele, ag ele huanak daatteb; amge nai mattiak doyak ena ele, amuam nakoknab aakkuib daatte.

Prowerb 19:29

Danab ah ag awa awa qettak nai maditteb, ag bu aoglag. Ao, danab ag Kayak dab-ii-menan ii dim lamidtteb ele, ag bu ɠagattag aoglag.

Prowerb 17:10

Am danab nug laa diignu doyak tutukku ele daug batakku amu, laa amu nug ena oikkunu oo maittak okkai aokku; amge danab nug Kayak dab-ii-maama ii dim lamidtte ele amu, laa nug nug bu medakku dayeb, nug ena oikkunu oo maittak nakokib aokkutai.

Prowerb 15:23

Danab nug laanu nai nob elele mette, nug oo gamag ahak dootte. Ao, nai elelenab haenppa mattiak am he, danab nai maditte ele nug oo gamag ahak okkai dootte.

Prowerb 15:7

Danab doyak dabmak ena ele ag laa doyak ena ele madatteb; amge danab ag Kayak dab-ii-menan ii dim lamidtteb ele, ag anam ii hetteb.

Prowerb 10:31

Genab tutukku hak danab ag oɗelagppa doyak dabmak ena ele nai maditteb; amge danab nug nai eheɗ tutukku iitta maditte amu, laa heeb, nug oɗe qamutak daakku.

Prowerb 10:21

Genab tutukku hak danab dilag nai am kuɗum laa ehanadtte; amge danab ag Kayak dab-ii-mena ii dim lamidna oitteb ele, ag am epeɗia ha dabmak ena awak kobol ii dootteb amunu, ag geha mauhkkulag.

Sam 32:9

Na hos, miul ele ag diignu doyak tutukku iitta ele, ag mamelagnu nai dooglagnu, ag muɗippa qakkaladna gokkulagnu ulum mattaegeg gotteb amu, na amubia aib heme.” Yawe Nug anam awa atte.

Luk 4:22

Nug a, ag doonna, ag Nug binag menana, ag nai genab ittag ele Nug mattiom amu, ag amunu dabmak kuɗum ele aoppig. Amu ag appig, “Adekkutai? Danab umu Nug am Josep bekka iittatai?” aon appig.

Prowerb 7:22

Ah amu nug nid bau amu amegppa anam mattie, pahanab nid amu nug ah amu dim lamittom. Nug dim lamittom, amu makau okkai ebehi ele mameg nug omale, qe mauhak abenppa tette, amubia nid amu nug makau okkai ebehi ele hette bia heum. Ao, nid bau nug heum amu, doɗ dia nug pelemppa tette, nug amubia heum.

Eksodas 10:12

Ag anam heeg, Yawe Nug Moses amegppa inam awa aum. “Na eppen attan humana, Isip wan epponppe, geha tap-lokus ag uɗin, keeke oh ais doɗo naɗi na, ii aqom ele, ag amu lakkulag,” awa aum.

Sam 37:30

Genab tutukku hak danab ag doyak dabmak ena elenu nai maditteb. Yo, ag aɗi kobol nai doya mala hettoɗia epeɗia elele mettak kobol dim lamidtteb ele, ag amunu dabmena maditteb.

Prowerb 16:21

Danab ag laa, nug doyak dabmak ena ele, ag nuhignu, “Nug am oo maittak awaknu ehah awom daatte,” aon atteb; amu laa nug nai maɗoɗ ele maditte, danab ah ag nuhig naippa ippunittak aoglagnu elele.