Prowerb 10:10 - Nobonob Baibel

¹⁰ Danab nug laikkud ele heppeg, laa na qekkunu hetteb ele amu, laa amu nug laikkud attem dooglagnu amegppa amuhpapaɗ qetteppa ippunatta he, uug bette; amu laa nug Kayak dab-ii-maama ii dim lamitta oiyaya, nai hamu hamu mauhnoak maditte, nug na qa, padal mekku.

Prowerb 10:10 Referans Kwoze

Sam 35:19

O Yawe, dahilad kekeɗ dilagppa da eheɗ laa ii hemi, amge ag da eɗilkkulagnu hetteb. Anam amun na uuadppe, ag anam hemananu unuqidttem. Ao, danab ag dahilnu diig iittappa nau ninig ele dootteb, ag heppeg, da nein qekkulnu hetteb. Anam amu, na uuadppe, ag heppeg da nein qepanu oɗ medattem.

Prowerb 6:13

Nug amegppa, eppegppa, baegppa ele danab buppualadtte.

3 Jon 1:10

Amunu da ukke, appa tekkul dayeb amu, da nuhig hak miag appi dooglag. Nug ihinignu dimug nai nau maditte, ge nug nai amuib ii maditte. Iitta. Nug ig lainkad ele laippu dayaknu ooppa eleleib ii dootte, am danab ag ehanadkkulagnu hetteb amu, nug aib awa atte. Nug anam haaha, laa ag ig lainkad ehanadkkulagnu oolag daatte amu, nug ag Kristen tamaniakppanu ele lamadtte.

Prowerb 10:8

Laa ag doyak dabmak ena ele, ag Kayak aɗi haknu atte, ag aakku aon hetteb; amge laa nug Kayak dab-ii-maama ii dim lamitta oiyaya, nai hamu hamu mauhnoak maditte, nug na qa, padal mekku.

Prowerb 18:21

Na aɗi nai madittem, amuppa na meu aottem. Na amuppa bau daakkut, o mauhkkut. O iitta, laa nai amuppa bau daakku, o mauhkku; danab ag nai dabmettanna maditteb, ag amuppa nob ena aoglag.

Job 15:12

Aɗi dabmak nau nahip dabmak eeɗe, na eheɗ madittem? Ao, aɗinu na dada danab dilag hak dim lamidttem?

Prowerb 10:14

Danab ag doyak dabmak ena ele, ag doyak ena tuɗidna aon, qagmetteb; amge danab ag Kayak dab-ii-mena ii dim lamidna oinna, nai maditteb, ag amu padal mekkulagnu aakku daatteb.

Prowerb 16:30

Laa nug amegppa amuhpapaɗ qette amu, nug kobol eheɗ, tutukku iitta laa hekkunu maittak aotte. Ao, laa nug layag guhuɗitta, oɗe qamuttak oitte amu, nug eheɗ laa hekkunu dabmak awa male, ɠagattag eppom daatte.