Prowerb 1:32 - Nobonob Baibel

³² Aɗinu? Danab ah ag doyak ii awak ele daatteb amu, ag ahilag eheɗ hakppa mauhkkulag. Ao, danab ah ag Kayak dab-ii-menan ii dim lamidtteb ele, ag kaaka bia oinna, uug laa iinab bema anana oitteb ele amu, ahilagppa padal mak aakku bekku.

Prowerb 1:32 Referans Kwoze

Hibru 12:25

Amunu ag dabmeig! Ag aib daulag itun, Kayak nai maditte qeppeg neum. Anukka wan imuppa Sinai appa amu, Kayak Nug nai ɠagattag danab amelagppa aum, amge ag nuhig nai tappaeg neum. Ag tappaeg neum amunu, ag ahilag hipuninnu nob nau qe-eɗidna gokkulagnu elele iitta daappig. Gemu Kayak Nug hab aabppa dayaya, nai ɠagattag ig megatte amunu, ig Nug dimettata, ig oolta hipunin ihinignu nob nau qe-eɗidkkunignu elelete? Iittanab!

Prowerb 8:36

Amge laa nug da ii mattiɗa aniɗtte amu, nug aakku nukka nuhignu eheɗ hette. Ao, laa oh ag dahilnu nau ninig ele dootteb amu, ag aakku mauhkkulagnu ib oɗeppanab daatteb.” Doyak Dabmak Ena Ele nug anam aakku ette.

Jon 3:36

Am laa nug Kayak Bekkanu ooppa genab dootte ele amu, nug bauklel hanhannu awom daatte. Laa nug Bekka geɗitte amu, nug bauklel hanhannu ii awom. Iitta. Kayaknu oppoɗi bak nuhigppa daatte,” awa aum.

Jeremaia 2:19

Ag nau hetteb amunu, nau hak ahilag am ag bu madakku. Ao, ag da dimeɗona kayak hambuppuak laala dim lamattegeg uɗie, gemu ele hetteb amunu, ahilag kobol amu, am ag daulag batakku. Anam amunu, ag da, Yawe, ahilag Kayak, ag da uuiɗna, ib laa oiyegeg, ag ebehilag oh dahilnu bodoetta le ii mette, diig amunu uug okkai ahilagppa anam bette, amu kobol amuppa ag nob eheɗ aona, mua naunab nau dootteb dabmenan oiyeg!” Naɗi, Yawe Nukka Ɠagattag Oh Ele, Nug anam aakku atte.

Hibru 12:8

Danab oh ag nid ahilkadnab ena bekkulagnu toliadna bu aqatteb amunu, Kayak Nug ag oolagppa genab dootteb ele, Nug ag ii toliatta bu ele ii aqatte dayeb amu, ag Nug bekkodnab iitta; ag am ib imuagnu nid bia daatteb.

Sam 69:22

O Kayak, na heppe, kekeɗ dahil ag hobul henana, ag doɗ pelemppa tena qakkak daatteb, amubia hobul ahilagppa ag anam daaglagnu oɗ medattem. Ao, ag nena qena, nob nau aoglagnu unuqidttem.

Jems 5:5

Ag wanppa daanna, ag keeke ena ena oh aon, oolag gamag ahehe daan, ag akka ag keeke kuɗumnab akka ahilagnu aɗappig. Ag akka ag hena, epeɗiak okkai deɗppa ag nob nau okkai aoglag.

Prowerb 1:22

Nug atte. “Ag danab ah ag doyak ii awak ele, haen gane laa ele ukkeb, ag doyak ii awak kobol ahilag uun oiglag? Ao, ag danab ah ag awa awa qettak nai mattiglagnu enanagnab dootteb ele amu, haen gane laa ele ukkeb, ag kobol amu uuglag? Ge, ag danab ah ag Kayaknu ii dabmena, ii dim lamidtteb ele, ag doyaknu nau ninig ele dootteb amu; haen gane laa ele ukkeb, ag kobol amu uuglag?

Prowerb 5:22

Nau hak danabnu amu, nuhig eheɗ hak am pelem laa doɗ awom bia nug awom daatte. Ao, nuhig hipunin am danab muɗippa hippalak daatte, amubia nug hippalitte daatte.

Prowerb 8:5

Ag laa ag doyak ii awak ele amu, ag ⌊dahilppanu⌋ eheɗ bemanu dabmak awa dabmak amu dim lamittak kobol doon aon oiyeg! Ao, ag laa ag dabmak tutukku iittappa keeke hetteb ele, ag diignu doyak tutukku aweg!

Aisaia 66:4

Danab amu ag amu heegeg, da ag onilagppa ei, ag nai dahil ii aoppig. Ao, da nai ag amelagppa ami, amge ag dooglagnu uuppig. Ag da noolppa nau heppig. Ao, ag kobol digdig da ool ii hette ele hekkulagnu dabmenan heppig. Ag amu oh heppig amunu, da bu eheɗ madakkulnu dabmein madakkul. Ao, da heppi, ag kobol bemanu baɗatteb ele, kobol amu ahilagppa bekku.” Yawe Nug anam atte.

Duteronomi 28:17

Ag ad meulkad keeke, iitta ele daaglagnu, ee laa ele iitta ele daaglagnu, ag eheɗ laa awaknu anak amu waappa daaglag.

Prowerb 2:18

Nug laug am mauhak ib oɗeppanab daatte! Ao, ah amu ippu am, laa mauhppig ele, ag daattebppa gotte amunu,

Prowerb 9:18

Nug anam ⌊hambuppualatta⌋ atte amunu, laa ag nug nai mattie dootteb ele, ag laa, ag nug aɗi maditte, ag amu dim lamidna hena mauhtteb, ag amu dab-ii-mettanna mauhtteb. Ao, laa ag nuhigppa watteb, ag mauheg, boumadtteb.

Prowerb 10:21

Genab tutukku hak danab dilag nai am kuɗum laa ehanadtte; amge danab ag Kayak dab-ii-mena ii dim lamidna oitteb ele, ag am epeɗia ha dabmak ena awak kobol ii dootteb amunu, ag geha mauhkkulag.

Prowerb 14:16

Danab doyak dabmak ena ele nug Yawenu ebehi oh bodoetta le me, nug kobol nau hekkunu uua oitte; amge danab nug Kayak dab-ii-maama ii dim lamidtte ele nug am oppoɗi paha paha beebe, kobol mauhnoak, dabmak iitta ele hette.

Amos 6:1

Ag ikki danab aab okkai Sion appa daan, “Ig enaib daat oignig,” doon oiyegeg, amu ag ikki danab Samaria appa daanna, “Ihinigppa uug laa ii bema,” dabmenan oitteb; ag am huu laa Yawe tituanatte, ag Israel danab ah oh dilag danab okkai daaeg, Israel danab ah ag ahilagppa ehanittak aoglagnu uɗitteb ele amu, ag oh, ahilagnu am gadonnab gadon.