Prowerb 1:30 - Nobonob Baibel

³⁰ Ag dahil ulum nai ena doon, dim lamidkkulagnu uuppig. Ge, ag daug batak nai dahilnu am keeke hamu bia dooppig.

Prowerb 1:30 Referans Kwoze

Prowerb 1:25

Amu genab, ag dahil ulum nai ena, ag amu oh dooglagnu uuppig. Ao, ag daug batak nai da hemi amu, ag amu uuppig.

Sam 81:11

Amge iitta, danab ah dahilad ag dahil nai dooglagnu ii heppig. Ao, Israel ag da waalppa daaglagnu uuppig.

Jeremaia 8:9

Danab ag akka, “Ig doyak dabmak ena ele aɗattem atteb,” amge ag da, Yawe, ag dahil nai geɗidna, ii dim lamidtteb, ag am doyak dabmak ena ele genab am iitta. Ag amu hetteb amunu, ag uɗa nak nau aoglag. Ag oo uug nau qak doon, ag doɗ pelemppa teum daatte, ag amubia daaglag.

Sam 119:173

Da nahip oo yaak nai ɗo bia oh dim lamidkkulnu amu, da ib amu tituanmi amunu, na ehaniɗkkutnu babaittak daakkunu oɗ medattem.

Sam 119:111

Nahip ɗo am dahil en hanhannu daatte. Nahip ɗo am gamag ahak da meɗatte.

Jeremaia 36:23

King nug aab anam uɗikka dayeye, Jehudi nug buk itoɗiak ele ebqaaqa, nug maha ewam o waɗele ebqa male, king nug buk amu awa, qep nagppa maha ebqa malom ele okkula awa, aabppa buɗie te ewewe, Jehudi baula maha ewam o waɗele ebqe, nug baula anam heum. Anam heeh ukke, king buk oh aabppa mane ewom.

2 Stori 25:16

Propet nug anam mattieye, nai nuhignu mattiom am gog ii teum, amge King Amasaia nug aha, nuhignu nai am okkula, nug amegppa aum. “Da am king, amu ig na da ulum meɗak danab daakkutnu tituanidmutte? Uue! Na ii uukkut dayeb amu, da appi, na mauhkkut,” awa aum. Amasaia nug anam a, propet nug mattiak uuom, amge nug tatam nai tutu laa mattia, inam aum. “Na tatam eheɗ heme, gemu na dahil ulum mettak nai dookkutnu uume amunu, da doottem, Kayak Nug nuhig dabmak na nitteb mauhkkutnu ɠagattag eppom daatte,” awa aum.

Prowerb 5:12

Am na geha akkut. “Laa ag da toliɗna, bu meɗaglagnu heppig amu, da uue autenab aomi! Ao, laa ag da daul batappig amu, daug batak ahilagnu doyak nakok laa aokkulnu, da uue autenab aomi!