Prowerb 1:28 - Nobonob Baibel

²⁸ Amu da Doyak Dabmak Ena ele anam hekkul, amu haen amuppa aun aɗi ag dahil nai ii doon dim lamidppig ele amu, ag dahilnu ekkulag, amge da nob laa ii madapa. Ag da mattiɗkkulag, amge ag da ii aniɗmana.

Prowerb 1:28 Referans Kwoze

Maika 3:4

⌊Amu ag Israel dilag okkai danab, ag anam hetteb amunu, Yawe Nug bu madakku.⌋ Haen amu uɗieb amu, ag Yawe ehanadkkunu gaaglag, amge Nug ag ii ehanadma. Ag eheɗ heppig amunu, haen amuppa Yawe Nug ag ehanadkkunu ii neekkadma. Iitta.

Jems 4:3

Ag keeke aoglagnu Kayak unuqidtteb, amge ag ii aotteb. Aɗinu? Dabmak ahilag am tutukku iitta. Ag keeke ag oolag hettenuib, ag akka aon aɗaglagnu unuqidtteb.

Sekaraia 7:13

Amu Yawe Nukka Ɠagattag Oh Ele Nug atte. “Israel danab ah ag da ag amelagppa nai mattimi, haen amuppa ag dahil nai dooglagnu uuppig amunu, ag da onilppa eeg, da ele ii doomi.

Jeremaia 11:11

Amu Yawe Nug atte. “Juda ag anam hetteb amunu, da heppi, uug naunab laa, ag eɗidna, ii anidmananu elele iitta, ahilagppa bekku. Uug naunab amu beebeb, ag da ehanadkkulnu da onilppa ekkulag, amge da ahilag ewak da ii doopa.

Aisaia 1:15

Amunu, ag geha ag eppelag attan human, da unuqilkkulag amu, da ag ii doyadpa, da ag ii anadpa. Ag unuqittak kuɗum hekkulagtai, ⌊amge⌋ ag amu hekkulag dayeb, diig amunuib da dookkulnu daul ii humapa. ⌊Aɗinu?⌋ Ag eppelagppa danab tiilag ambak daatte.

Job 27:9

Uug nau nuhigppa bette haenppa amu, Kayak Nug nuhig unuqittak doottete?

Jeremaia 14:12

Danab ah imu ag ee ohnu kud mena daaglagtai, amge diig amunuib da ahilag unuqittak ii doopa. Ag manaknu ofa, amu ee aegnu ofa ele hekkulagtai, amge diig amunuib da ahilagnu ena ii doopa. Iitta. Da heppi, ag banppa, enugppa, amu oɗe nau danab kuɗum aqe mauhtteb eleppa ele mauhadna, padal mekkulag,” awa aum.

Sam 18:41

Ag ehanattaknu eppig, amge auntai laa ag ehanatteb, padal makppa ii daamnanu laa ii dayom. Ao, ag Yawe ehanadkkunu unuqidppig, amge Nug ii ehanattom.

Esekiel 8:18

Ag amu hetteb amunu, da oo nauhak doyeye, da nob madakkul. Da ag anatte, oo doyak ii doopa! Ge, da ag anatte, bu madakkulnu ii uupa! Israel ag da daulppanab da ehanadkkulnu ekkulagtai, amge da ii doopa; ii ehanadpa,” awa aum.

Job 35:12

Danabnu amu, ag uug doon, Kayak amegppa gaatteb. Amge ag nau hak danab daan, dada kobol dim lamidna hetteb amunu, Nug gayak ahilagnu nob laa ii madatte.

1 Samuel 8:18

King nug anam hekku amunu, haen amu uɗieb, ag king, nug ag gumadkkunu appig ele amu, ag nuhig hak amunu uug doon, ag nug waappa daamnanu Yawe unuqidkkulag, amge Yawe nug ahilag nai ii dooma,” awa aum.

Prowerb 8:17

Amu aun laa ag dahilnu oolag mauhtte amu, da ahilagnu ool mauhtte; am laa ag da aniɗna dim lamiɗkkulagnu mattiɗtteb, ag da aniɗtteb.

Genesis 6:3

Amu Yawe Nug aum. “Dahil Ouɗi Nug hanhan danab oolagppa ii daama. Aɗinu? Ag am danab; ag mauhtteb. Ahilag dayak am maɗ 120 batak daakku,” awa aum.

Hosea 5:15

Da dahilad danab ah guittak mattoya, da eɗue ukken, da daattemppa daappi ukkeb, dahilad danab ah ag, ‘Ig eheɗ hemut, ig hipunin ele,’ dooglag. Haen amuppa ag da aniɗna dim lamiɗkkulagnu mattiɗkkulag. Ge, ag uug nau doon, ag oolag unuqagppanu da aniɗna dim lamiɗkkulagnu mattiɗkkulag,” awa aum.

Sam 66:18

Da dabmak dahilppa hipunin qekkulnu dabmelom amu, Naɗi Nug unuqittak dahil ii doolo.

Prowerb 15:29

Yawe Nug nau hak danab, ahilag unuqittak dookkunu ag gukkuatta ii daatte; amge Nug genab tutukku hak danab dilag unuqittak dootte.

Solomonnu Ahi 5:6

Da aɗen, od matulen, laa dahilnu oo mauhtte ele mettami; amge nug appa ii dayom, nug ukka malom. Da nug baag baula dookkulnu ool huana dayom. Da nug anidkkulnu mattimi, amge da nug ii anidmi. Da onigppa emi, amge nug da oɗelppa nakok laa ii awom.

Hosea 5:6

Ag geha Yawe anidna, Nug dim lamittaknu Nug mattinna, ag ahilkad sipsip, meeme, amu makau main, Nug mettaglagnu akkan uɗiglag, amge ag Nug ii anidmana; Nug nukka awaitta, piɗe ukkom daatte.

Duteronomi 1:45

Anam daye, ag Israel ag gona, Yawe noobppa gaappig, amge Nug doyak uuom.

Sam 18:42

Da oɗoɗatti, ag gappud ulah ehale gotte bia daappig. Ge, da danab nug gappud tate, ib daugppa gotte, amubia da hei, ag nauhppig.

Amos 8:12

Haen amuppa amu, danab ag da, Yawe, ag dahil nai dooglagnu, ag Mediterenia yu, Mauhak Le ele gamagppa laih wana, eɗun laih dona, ag yawalti uɗitteppanu gona, eɗun kaɗag uɗitteppanu gona oin mattinna, aben amu ohppa dahil nai ii anidmana. Iitta.