Prowerb 1:25 - Nobonob Baibel

²⁵ Amu genab, ag dahil ulum nai ena, ag amu oh dooglagnu uuppig. Ao, ag daug batak nai da hemi amu, ag amu uuppig.

Prowerb 1:25 Referans Kwoze

Luk 7:30

Amge Juda dilag ɗo mehuqak danab amu ɗo gumak danab-Parasia ele ag amu, ag Kayak Nug ib ena ippuanattom amu ag uun dimettan, Jonnu layattak ii aoppig.

Sam 81:11

Amge iitta, danab ah dahilad ag dahil nai dooglagnu ii heppig. Ao, Israel ag da waalppa daaglagnu uuppig.

Prowerb 12:1

Aun laa nug tolittak awaknu oo mauhtte, nug doyak enanu oo mauhtte; amge aun laa nug tolittak awaknu nau ninig ele dootte, nug am doɗ dabmak iitta ele bia.

Prowerb 1:30

Ag dahil ulum nai ena doon, dim lamidkkulagnu uuppig. Ge, ag daug batak nai dahilnu am keeke hamu bia dooppig.

Prowerb 5:12

Am na geha akkut. “Laa ag da toliɗna, bu meɗaglagnu heppig amu, da uue autenab aomi! Ao, laa ag da daul batappig amu, daug batak ahilagnu doyak nakok laa aokkulnu, da uue autenab aomi!

Sam 107:11

Ag Kayak waappa daaglagnu uun, ag nuhig nai tappaeg neum. Ag Kayak Attannab Laa Oh Eɗattak, ag nuhig ulum nainu ena iinab doon uuppig amunu, ag hippalakppa daappig.

2 Stori 36:16

Anam maatte goppig, amge Juda danab ag Kayaknu nai awa ukkak danab nai aon goppig ele, ag nai amunu ena iinab doon, ag Yawenu danab amu aon aon aqanna, ag Yawenu propet ele aon aon aqaegeg, Yawe Nug amunu oppoɗi bak doya, bu madakkunu dabmak awe, laa heeb bu ii aomnanu ib laa ii dayom.

1 Samuel 8:18

King nug anam hekku amunu, haen amu uɗieb, ag king, nug ag gumadkkunu appig ele amu, ag nuhig hak amunu uug doon, ag nug waappa daamnanu Yawe unuqidkkulag, amge Yawe nug ahilag nai ii dooma,” awa aum.

Prowerb 8:14

Danab ulum nai ena mettak, aria epeɗia ha dabmak ena awak ele dahilppa daattep. Ge, diignu doyak tutukku, amu ɠagattag ele dahilppa daattep.

Prowerb 15:10

Danab nug doyaya ib apiɗidtte, nug tolitta bu mettak ɠagattag aokku; amu danab nug daug tolitta mettaknu nau ninig ele dootte amu, nug mauhkku.

Jeremaia 35:17

Ag amu hetteb amunu, da, Yawe, da am Kayak Dakka Ɠagattag Oh Ele, da Israel dilag Kayak, da attem. “Doyeg! Da heppi, uug naunab oh, amu da Jerusalem danab ah oh dilagppa, amu Juda danab ah laa oh ele dilagppa bekkunu ami amu, uug amu oh am bekkulag. Da ag amelagppa nai mattimi, amge ag daulag ii human dooppig. Da ag onilagppa emi, amge ag nai nob laa ii meɗappig.” Da Kayak, da anam awe attem.

Duteronomi 1:45

Anam daye, ag Israel ag gona, Yawe noobppa gaappig, amge Nug doyak uuom.

2 Stori 33:10

Manase nug anam heehe, Yawe Nug Manase, nuhikkud danab ah ele ag nau aomnanu nai ag mattom, amge ag dab-ii-meppig.