Prowerb 1:22 - Nobonob Baibel

²² Nug atte. “Ag danab ah ag doyak ii awak ele, haen gane laa ele ukkeb, ag doyak ii awak kobol ahilag uun oiglag? Ao, ag danab ah ag awa awa qettak nai mattiglagnu enanagnab dootteb ele amu, haen gane laa ele ukkeb, ag kobol amu uuglag? Ge, ag danab ah ag Kayaknu ii dabmena, ii dim lamidtteb ele, ag doyaknu nau ninig ele dootteb amu; haen gane laa ele ukkeb, ag kobol amu uuglag?

Prowerb 1:22 Referans Kwoze

Prowerb 5:12

Am na geha akkut. “Laa ag da toliɗna, bu meɗaglagnu heppig amu, da uue autenab aomi! Ao, laa ag da daul batappig amu, daug batak ahilagnu doyak nakok laa aokkulnu, da uue autenab aomi!

Prowerb 1:29

Ag doyaknu nau ninig ele dooppig. Ao, ag Yawenu ebehilag oh bodoetta le mekkunu uuppig.

Sam 1:1

Danab aun laa nug danab laala ag nau hak danab daan oitteb ele, nug amu dilag ulum nai ii dim lamittatta, danab nug hipunin danab dilag hak ii haaha, danab nug awa awa qettak danab ele gadmak ii daatte amu, danab amu nug itittak ena awom daatte.

Revelesen 22:17

Amu Kayak Ouɗi amu Sipsip Nag wau, aa attep. “Na do!” Am aun nug nai amu doya nug, “Na do!” anaɗ! Am laa ele, laa nug le baag diieb, am nug doaɗ! Am laa nug bauklel le lakkunu oo hette ele amu, nug doa, bauklel le lanaɗ! Kayak Nug le amu hamu medatte.

2 Pita 3:3

Amu ag tatam inam dooglagnu, daulagppa dokkunu ele amelagppa attem. Gog tak haenppa eheɗ hak danab laa ag bekkulag. Amu ag beɗu kobol eheɗ ahilag dim lamidna, kobol ena genab amu aon aon qettana imidkkulag.

Jon 3:20

Anam amu, danab oh ag hak nauppa daatteb amu, ag amahlaknu nau ninig ele dootteb. Ahilag hak nau miag atimanu amu, ag amahlakppa daaglagnu oolag ii daatte.

Luk 19:42

Nug aum. “O gadon, ag maɗoɗ daaglagnu ib ii dootteb. Uug awak haen ahilag am miagnab, amge ag attemun maɗoɗ daaglagnu ib amu anidlob, ag uug amu ii anidlob, amge ib amuam ag amelagppa lokkumak daatte.

Matyu 9:13

Gemu ag nai imu Kayak Nug mattiom, nuhig naippa daatte, ag nai amu anidna doyeg! Nai am inam. ‘Da ag laanu oolag gai-iitta doon oolag mattan ehanadkkulagnu anuqak doottem. Da ag doɗ main meɗaglagnu anuqak ii doottem.’ ” Jesus Nug anam anana, Nug tuɗitta aum. “Da genab tutukku hak danab ag oolag eɗukkunu ii uɗimi. Iitta! Da hipunin danab ag oolag eɗukkunu uɗimi,” awa aum.

Prowerb 21:11

Haen awa awa qettak danab nug bu aotte amu, danab nug doyak ii awak ele, ag doyak dabmak ena ele aotteb; haen danab doyak dabmak ena ele ippunittak aotte amu, nug amuppa doyak ena aotte.

Matyu 23:37

O Jerusalem, Jerusalem, na propet aqae mauhtteb, maɗi nid Kayak nahip-ppa maatte uɗitteb ele, na ag ele menppa aqae mauhtteb. Da haen kuɗum na begapad, matuk anig nakkud haugppa qagmaatta tonadtte, amubia qagmaadkkulnu hemi, amge ag uuppig.

Matyu 17:17

Nug anam a amu, Jesus Nug oɗeppa awa aum. “Ag oh oolagppa genab doyak iitta. Ag eheɗ haknu ag tiilagppa daatte! Da ag ele haen elab daamut, amge ag dahilnu oolagppa genab ii dootteb amunu, da ool uug ele. Ag haen ganeb ag dahilnu oolagppa genab dooglag? Ag nid omalna dahilppa doig!” awa aum.

Prowerb 19:29

Danab ah ag awa awa qettak nai maditteb, ag bu aoglag. Ao, danab ag Kayak dab-ii-menan ii dim lamidtteb ele, ag bu ɠagattag aoglag.

Prowerb 15:12

Awa awa qettak danab nug tolitta mettak uutte; nug danab doyak dabmak ena ele nug ulum mettaglagnu gumatta iinab goma.

Prowerb 14:6

Laa nug awa awa qettak kobolppa oitte amu, nug doyak dabmak ena ele aokkunu hekku, me nug iinab aoma; amge laa nug diignu doyak tutukku ele amu, doyak ena, nug igippa daakkun uug iitta.

Prowerb 8:5

Ag laa ag doyak ii awak ele amu, ag ⌊dahilppanu⌋ eheɗ bemanu dabmak awa dabmak amu dim lamittak kobol doon aon oiyeg! Ao, ag laa ag dabmak tutukku iittappa keeke hetteb ele, ag diignu doyak tutukku aweg!

Prowerb 7:7

amu da laa ag doyak ii awak ele anatten, da ag oolagppa laa anidmi. Ao, nid bau oolagppa da nid danab bau laa anidmi, Genab, da nid bau laa, nug doyak dabmak ena ele nuhigppa iitta ele anidmi.

Prowerb 6:9

Na danab bahin iittanab ele amu; haen gane laa ele ukkeb, na anam niinna daakkutnu uukkut? Ao, na haen ganeb niiakppanu ahakkut?

Prowerb 3:34

Danab ag dada kobol dim lamidna, Kayak aon aon qedatteb ele amu, Nug imadtte, amge danab ag akka onilag qeeg nette ele, Nug ahilagnu ii helo bia me, Nug ag ehanadtte.

Prowerb 1:7

Amu Yawenu ebehi oh bodoetta le mak kobol am doyak digma awak aakku; amge danab ag Kayak dab-ii-menan ii dim lamidtteb ele ag doyak dabmak ena elenu, aria tolittak awaknu ele, ag amu dilahnu ena iinab dootteb.

Prowerb 1:4

nug doyak ii awak ele daatte dayeb, nug eheɗ bemanu dabmak awa dabmak amu dim lamittak kobolnu doyak aokkunu, nid o nid ahin bau nug doyak, aria laanu neekkakppa nug dabmak eheɗ ii aomanu kobol ele aokkunu,

Sam 94:8

Amge ag danab ah ag dabmak pehettak ii aon oitteb ele ag dabmeig! Ag danab ag Kayaknu ii dabmena, ii dim lamidtteb ele, ag haen gane laa ukkeb, ag danab ah doyak dabmak ena ele bena daaglag?

Job 34:7

Anam amunu, auntai laa nug Job bia daatte? Nug Kayak eheɗ nau awa awa qedatte.

Namba 14:27

“Danab ah nau imu ag da hettemnu haen kuɗum naittuɗ meegeg uɗie, gemu ele hetteb; amu haen gane laa ele ukkeb, ag amu hak uuglag. Israel danab ah imu, ag am naittuɗ mak danab ah, da ahilag naittuɗ mak amu doomi.

Eksodas 16:28

Ag anam heeg amu, Yawe Nug Moses amegppa aum. “Ag dahil nai, dahil haknunab anak ele dim ii lamidtteb; amu haen gane laa ele ukkeb, ag kobol amu uuglag?” awa aum.

Eksodas 10:3

Yawe Nug anam a, Moses, Aron ele aa Paro gumidya goya, aa nug amegppa inam apiɗ. “Yawe, Nug ig Hibru, ihinig Kayak, Nug atte. ‘Na nai dahil tappae neene, da waalppa ele ii daanna, anam henan daattem; amu na haen gane laa ele ukkeb, na kobol amu uukkut? Da attem! Na danab ah dahilad amu paɗadppe, ag gona, da noolppa dup nona binal meig!’ ” awa aum.

Prowerb 1:21

Nug aab okkai ooppa, ib laalappa, aben danab ah kuɗum ag keeke meegeg, laa ag daden metteb ele, nug aben aguppa ukka, nai nuhig doyak dabmak ena ele ag dooglagnu baag okkaippa maditte. Ao, nug aab okkainu od oɗeppa dayaya, nai nuhig maditte.

Prowerb 1:32

Aɗinu? Danab ah ag doyak ii awak ele daatteb amu, ag ahilag eheɗ hakppa mauhkkulag. Ao, danab ah ag Kayak dab-ii-menan ii dim lamidtteb ele, ag kaaka bia oinna, uug laa iinab bema anana oitteb ele amu, ahilagppa padal mak aakku bekku.

Prowerb 21:24

Danab nug dada danab, beɗuppa tak danab ele amu, nug onig am Awa Awa Qettak Danab; beɗuppa tak kobol nuhig am bodok iitta.

Prowerb 22:3

Eheɗ bemanu dabmak awa dabmak amu dim lamittak danab nug uug bette antta, nug dekkaɗa, aben uug ii bekku ele, nug appa gotte; amge danab ag doyak ii awak ele, ag hettebib tuɗidna gonana, guittak aotteb.

Jeremaia 4:14

O Jerusalem danab ah, Juda danab ah ele, ag oolag dubuttid ele amunu, ag padal ii memananu, ag ehanittak aoglagnu, ag dubuttid amu oppieg! Ag nau hekkulagnu dabmak aɗan daatteb; amu haen gane laa ele ukkeb, ag dabmak amu uuglag.

Jeremaia 13:27

Ag Juda ⌊ag kayak hambuppuak dim lamadnana, ag noolagppa dup nona binalag meegeg uɗie, gemu ele hetteb amu, haen ag amu henana, kayak hambuppuak amu dilag kobolppa ag⌋ danab ah ewau matulak ii awak ele, ag laa ele mauhnoak niiglagnu duttunak eheɗ doon, hos hetteb bia uɗa nak iitta ele henana, ag ib baag ah hetteb bia aakku heegeg uɗie, gemu ele hetteb. Ag amu heegeg, uɗie gemu ele hetteb amunu, da heppi, laa ag amu anidna dooppeg, ag Juda, ag uɗalag eheɗ nekku. Laa ag haen amuppa anadkkulag, amge da ahilag eheɗ hak nau, da hak amunu oolppa uuaknab doottem, da hak ahilag amu aakku antten malami. Ag qauko nakok igippa, dadppa ele ⌊kayak hambuppuak noolagppa dup nona binalag menana,⌋ eheɗ hak amu oh heppig, gemu ele hetteb. O gadon, Juda danab ah, ahilagnu gadonnab gadon. Ag heegeg, oolagppa dubuttid daatte; amu haen gane laa ele ukkeb, ag anamib daaglagnu uuglag.” Yawe Nug anam atte.