Prowerb 1:17 - Nobonob Baibel

¹⁷ Ai awaknu uhui laa mauhnoak otalppeg, ai ag miagib anidkkulag, amuam uɗat meu ele iitta, ⌊amunu hipunin danab amubia kobol nau hena, miag atiakib nauhkkulagnu hetteb amu, na amubia aib heme.⌋

Prowerb 1:17 Referans Kwoze

Prowerb 7:23

Dia nug pelemppa tette amu, pelem mameg nug latppa qe mauhtte. Ao, ai laa nug uhuippa no amu, uhui mameg nug qe mauhtte. Amubia nid bau amu, nug doyak dabmak ena ele iitta, nug hette, nug amuppa mauhkku, amge nug amu ii dabmette.

Jeremaia 8:7

Stok nug oug haen uɗitte doya, nug aha, hagagɗa, laih oug haen iittappa gokkunu dootte. Ao, uppuɗil beɗulag nakok, ai swipt, amu trus ele, ag ele anam dootteb. Ai ag anam dootteb, amge dahilad danab ah ag ɗo da, Yawe, da ag dim lamidkkulagnu mattami ii dootteb.

Job 35:11

Nug doɗ dabmak madatte, amge Nug ig danab ah dabmak okkai, doɗ dilag eɗittak megatte. Ge, Nug he, ihinig doyak dabmak ena ele am ai dilag doyak dabmak ena ele eɗidtte.

Aisaia 1:3

Makau okkai ebehi ele ag mamelag dootteb. Donki ag aben adekkuppa mamelag ee madatte, aben amu ag dootteb, amge Israel danab ah ag ⌊da⌋ ii dooiɗtteb. Ge! Dahilad danab ah ag da, ⌊laa iitta, daib ag ehanadttem amu, ag amunu⌋ diignu doyak tutukku iitta ele,” awa atte.

Prowerb 1:16

Na ag ele oh ii gomananu diig am inam. Ag pahaettak hipunin hekkulagnu hetteb. Ao, ag laa qeppeg mauhkkunu oolag huana hette.

Prowerb 1:18

Hipunin danab ag aakku akka ahilkad pelem maadtteb. Ao, ag pelem maadtteb, ag amuppa nona mauhadkkulag.