Prowerb 1:15 - Nobonob Baibel

¹⁵ Amu genab, ag anam aakku na amenppa akkulagtai, amge da bekkal, na aib ag ouaqame. Ao, na aibnab ib ag gokkulag ele mattan gome.

Prowerb 1:15 Referans Kwoze

Sam 119:101

Da nahip nai dim lamidkkulnu elele daakkulnu, da ib eheɗ laappa oiyaknu uuen, appa ii oittem.

Sam 1:1

Danab aun laa nug danab laala ag nau hak danab daan oitteb ele, nug amu dilag ulum nai ii dim lamittatta, danab nug hipunin danab dilag hak ii haaha, danab nug awa awa qettak danab ele gadmak ii daatte amu, danab amu nug itittak ena awom daatte.

Prowerb 4:27

Na ib tutukku, amuib mattan oiye! Na aib naɗiap-ppa, o iitta, nanehppa gome. Na kobol eheɗ aib heme.

2 Korint 6:17

Nug anam aum, amu Nug baula ele aum. “Anam amunu, ag ahan hipunin danab uuadna, ag gona, aben laih piɗe daaglag. Ag keeke Kayaknu neekkakppa dubuttid ele aib aɗappig. Am ag anam heppeg, geha da dakka ag diiatten,

Prowerb 13:20

Aun nug danab doyak dabmak ena ele oitte, nug doyak dabmak ena ele awa oitte; amge aun nug danab ag Kayak dab-ii-menan ii dim lamitteb ele oitteb, nug nau anidkku.

Prowerb 5:8

O bekkalad, ag ahilag ɠagattag laa mattamnanu, ag laa nug laa guittak mettaknu uug ii dootte ele waappa daamnanu, ag ahilag en, ag en amu laa ag ii doyadtteb ele eppelagppa hamu mattamnanu, ag uɗat huanak henan en aona, ag en amu danab laa laulagppa memananu, ag ah ewau pakkua gappai hettenu ib oɗeppanu awaidna dayeg! Ao, ag aib nug laug od gukkuidna wappig.

Jeremaia 14:10

Da anam unuqidmi, amge Yawe Nug Juda danab ah dilagnu inam atte. “Ag da uuiɗna, laih oiglagnu oolag okkainab daatte. Ao, ag akka ag heppeg, ag eheɗ amu hemananu ib ahilag keldokkunu nakok laa iinab hetteb,” awa atte. Amu Yawe Nug anam dootte amunu, Nug ag Juda danab ah, Nug ahilagnu ena ii dootte. Nug gemu ahilag nau hak dabmekku. Ao, Nug ahilag hipunin ag heegeg uɗie, gemu ele hetteb, Nug diig amunu ag bu madakku.

Prowerb 9:6

Ag doyak ii awak ele aib tuɗidna daan oippig! Ag amu tuɗidna ii hekkulag dayeb, ag bau daaglag; ag diignu doyak tutukku aon oiyeg!” awa atte.

Prowerb 1:14

Ig anam hekkunig amunu, na doppe, ig ele tamanit, keeke ig aognig amu, ig panit diignig.” Ag anam aakku akkulagtai.

Prowerb 24:1

Na nau hak danab dilagnu aib amen qe, oot elele ii dayom. Ao, na ag ele daaglagnu aib heme.

Prowerb 3:31

Amu danab nug laa guittak nau mauhnoak mettaknu tiigppa daatte amu, na nuhignu aib amen qeeb oot elele ii dayom; na aib kobol nug hette ele, na amunu laippu laanu oot heeb dim lamidme.

Aisaia 33:15

Hipunin hak danab ag anam baɗan, uug doon oitteb, amge danab laa nug aben enanag, uug iittappa daakku, danab nug ɠagattag, enaib daakkunu padal mak eɗitteb ena dayaknu aben nuhigppa daakku amu, nug nuhig kobol am inam. Nug danab genab tutukku hak kobol dim lamitta oiyaya, nug nai tutukku, hambuppuak iitta maditte. Nug keeke lokkumakppa awaknu duttuna hak kobolppa men doɗo keeke ii aotte. Nug hettodiakppa lokkumakppa eheɗ haknu ehanittak aokkunu nai hambuppuak madikkunu, “Yo,” ii atte. Danab laa ag lailag laa qeppeg mauhkunu maditteb amu, nug nai amu doya, nug ehanittak madakkunu ii dabmette. Nug nau hekkunu dabmak nakok laa ii aotte. Danab nug anam hette ele, nug hanhan ee ele daakku. Nug le oug nuhig am iitta ii mema. Iitta.