Pilipai 4:9 - Nobonob Baibel

⁹ Amu kobol oh da ag ippuanatti aoppig amu, kobol oh dahilppa ag anidna dooppig ele amu, ag hanhan heig! Ag anam heppeg amu Kayak, Nug am maɗoɗnu diig, Nug ag ele daaglag.

Pilipai 4:9 Referans Kwoze

Jems 1:22

Ag akka ag oolag buppuidna, Kayak nai am keeke hamu bia aib dooppig. Ag nai amu doon, genab dim lamitteg!

Pilipai 3:17

O lailad, ag oh antte oo maittak kobol dahil dim lamitteg! Amu ag danab laa ihinig kobol dim lamidtteb ele, ag amu dilagppanu ele dabmak aweg!

2 Pita 1:10

Amunu, O lailad, Kayak Nug ag onilagppa ewa, ag tituanattom, diig amunu ag Nug dim lamidkkulagnu wagai meig! Aɗinu? Ag anam hena amu ag iinab nena qemana.

Jon 13:17

Ag keeke imu aakku dooppig amunu, ag anam hekkulag dayeb, ag itittak ena aoglag.

Pilipai 4:7

Ag anam heppeg, maɗoɗ, Kayak Nug maɗoɗ amu ig megatte ele, maɗoɗ amu danab dilag doyak oh eɗadtte, maɗoɗ amuam ag Kristus Jesusnu daaegeg, ag oolag, dabmak ahilag ele atognoateb daaglah.

Rom 16:20

Haen elab iitta Kayak, Nug am maɗoɗ diig amu, Nug geha Satan tappeb na, ag baelag waappa daakku. Naɗi Jesusnu ehanittak okkai hamu mettak ahilagppa dayaɗ!

2 Korint 13:11

O lailad, da gemu nai bagqein, da ag humadttem. Ag tutukku elelenab bena daaglagnu dabmak aon oiyeg! Ag da nai attem imu doona, ag dabmak laippu aɗan, oolag laippu mena, maɗoɗ dayeg! Ag anam heppeg amu Kayak, Nug oo mauhak diig, oo maɗoɗ diig ele daatte, Nug ag ele oh daaglag.

Luk 6:46

Aɗinu ag dahilnu, ‘O Naɗi, O Naɗi,’ aon atteb, amge ag dahil nai dim ii lamidtteb?

Matyu 28:20

Ag keeke oh da ag amelagppa haknunab ami amu, ag amu oh ele ippuanatteg! Ag doyeg! Da haen oh ag ele daapput ukkeb, gog tak haenppa batakku,” awa aum.

Matyu 7:21

Danab ah ag da amelppa, ‘O Naɗi, O Naɗi,’ atteb ele, amu oh ag dahil ɗo maɗoɗ ooppa ii nomana. Iitta. Danab nug da Mamel, hab aabppa daatte, nug nuhig dabmak dim lamidtte ele, nugib dahil ɗo maɗoɗ ooppa nokku.

2 Tesalonaika 3:4

Am Naɗi Nug ihinig dabmak maɗette, ig ahilagnu inam dabmeta doottem. Kobol oh ig ag hekkulagnunab amelagppa mattimut amu, ag henana daatteb, dimppa ele ag anam hekkulag.

1 Tesalonaika 1:6

Ag ihinig kobol dim lamidnana, Naɗinu ele dim lamidppig. Ag uug teppu ele maoppig, amge Kayaknu nai ii uuppig. Iitta. Ag Kayak Ouɗinu maɗoɗppan gamag ahak ele nai amu aoppig.

1 Tesalonaika 5:23

Kayak, Nug aakkuib am oo maɗoɗ diig, Nug nukkaib heeb, ag beɗulag dimittim, oolagppa ele oppiaawak daaglagnu ool daatte. Nugib ag ouɗilag, dottolag, amu beɗulag ele atognobob, ihinig Naɗi Jesus Kristus eɗua uɗikku haenppa ag oolagppa kaliak laa iitta ele daaglagnu, ig Kayak unuqidttem.

Rom 15:33

Kayak, Nug am maɗoɗ diig, Nug ag oh ele daaglagnu ool daatte. Genab.

Jon 2:5

Jesus anam a amu, anig nug maɗi nid amelagppa aum. “Nug aɗi nai laa ag amelagppa ab amu, ag Nug oɗe dim lamitteg!” awa aum.

Luk 8:21

Awa a amu, Jesus Nug aum. “Danab ah ag Kayaknu nai doon dim lamidtteb ele, ag am da anil, amalad ele,” awa aum.

1 Tesalonaika 2:14

O lainkad, ag Kayaknu Kristen tamaniak, Juda wanppa Jesus Kristusnu daatteb ele amu, ag ag ele laippu bia daatteb. Ag Tesalonaika daatteb amu ag, ag lailkad eppelagppa guittak aoppig amubia Kristen tamaniak, Juda wanppa daatteb ele, ag Juda laala eppelagppa guittak aoppig.

1 Korint 10:31

Amge ag ee le ele lakkulag, o keeke laa hekkulag amu ag keeke amu ohppa ag Kayak binag amahlak oppiaawak ele mekkulagnu aakkuib dabmenan heig!

Duteronomi 5:1

Amu Moses Israel danab ah oh qagmaatta, nug ag amelagppa aum. Gemu da ag ɗo iɗu iɗu madattem imu amu, O Israel danab ah, ag nai amu daulag human doyeg! Ag aon oolagppa mena dim lamitteg!

Aposel 9:6

Amge na ahan, aab okkai ooppa nona daabppe, geha na keeke aɗi hekkutnu amu, danab laa nug na amenppa akku,” awa aum.

Aisaia 41:10

Da ag ele daattem amunu, ag aib baɗappig. Ao, da ahilag Kayak daattem amunu, ag oolag uug nau aib qeum. Da ɠagattag aqatten ehanadkkul. Ao, da hanhan genab tutukku kobol dim lamitten heinne, da eppel naɗiap-ppa ag nena qemananu aɗualadppi, ag ɠagattag aon daaglag.

2 Timoti 4:22

Naɗi Nug, amu nuhig ehanittak okkai hamu mettak ele nahip-ppa dayeɗ!

1 Korint 14:33

Aɗinu? Kayak Nug mauhnoak dayak ii he bette. Iitta. Nug he, oo laippu, maɗoɗ ele dayak bette. Kristen tamaniak qagmak ohppa

Jon 15:14

Amu ag da haknunab anak nai ag mattami dim lamidtteb dayeb amu, ag da lailad daatteb.

1 Jon 3:22

amu ig Nug aɗi keeke laanu oɗ medattem dayeb, Nug ig megatte. Aɗinu? Ig haknunab nai nuhig doot dim lamidta, kobol Nug oo niitte, amu ele ig hettem.

Matyu 1:23

“Doyeg! Ah makkun laa nug oo ele daya, geha nug nid danab menukku. Menueb, ag nid onig Imanuel ataɗkkulag.” Onig amu diig am, “Kayak ig ele daattem.”

1 Korint 4:16

Da ag mamelag daattem amunu, ag oiyak dahil anidtteb ele amu, ag kobol amuppa oiglagnu dabmak ahilkad maɗedattem.