Pilipai 4:7 - Nobonob Baibel

⁷ Ag anam heppeg, maɗoɗ, Kayak Nug maɗoɗ amu ig megatte ele, maɗoɗ amu danab dilag doyak oh eɗadtte, maɗoɗ amuam ag Kristus Jesusnu daaegeg, ag oolag, dabmak ahilag ele atognoateb daaglah.

Pilipai 4:7 Referans Kwoze

Jon 14:27

Da maɗoɗ awe ii gopa. Iitta! Da maɗoɗ ag madattem. Ge, da dahil maɗoɗ ag madattem. Wan imuppan maɗoɗ am laa, da amubia ii madattem amunu, ag oolag uug aib qeum. Ag aib baɗappig.

Aisaia 26:3

O Yawe, danab ah ag nahipnu dabmenan oin, dabmak amu ɠagattag aɗan oitteb ele amu, na hee, maɗoɗ enanagnab ag oolagppa daatte. Aɗinu? Ag nahipnu oolagppa genab dootteb.

2 Tesalonaika 3:16

Naɗi Nug maɗoɗ kobolnu diig, Nug nukka ag hanhan, keeke ohppa, maɗoɗ madakkunu oonig daatte. Naɗi Nug ag oh ele dayeg!.

Kolosi 3:15

Kayak Nug ag tamaniak laippu maɗoɗ ele daaglagnu ag onilagppa eum amunu, Kristusnu maɗoɗ, Nug ig megatte ele, maɗoɗ amu nug hanhan ag oolag gumebeb oiyeg! Amu ag hanhan Kayak amegppa, “Ena hen megattem,” aon aig!

Sam 29:11

Yawe Nug danab ah nuhikkud ɠagattag madatte. Yawe Nug danab ah nuhikkud itatta, maɗoɗ madatte.

Galesia 5:22

Beɗunu kobol am aakku, amge Kayak Ouɗi Nug he, oiyak ihinigppa meu laala imu bette. Oo mauhak kobol, maɗoɗppan gamag ahak kobol, maɗoɗ dayak kobol, dagom kobol, oo bodoettak kobol, ena hak kobol, oo metta ii uuak kobol,

Rom 15:13

Amu Kayak Ouɗinu ɠagattagppa ag butti aɗi hab aabnu keeke aoglagnu dabmak aɗan daan autna aoglagnu, da ag Kayak, Nug am aɗi keeke oh ena bekkunu dabmak aɗa dayaknu diig, ag nuhignu oolagppa genab doobppeg, Nug heeb, ag oolagppa maɗoɗppan gamag ahak okkai, amu maɗoɗ ele naɗi daaglahnu ool daatte.

Jon 16:33

Da nai imu ag dahilppa maɗoɗ aon daaglagnu elele daaglagnu amelagppa ami. Wan imuppa amu ag uug anidkkulag, amge ag uug aib aqom! Aɗinu? Da wan imuppanu ɠagattag eɗidmi,” awa aum.

Rom 8:6

Danab nug oo alagnu keekenu dabmak anuqak awawa oitte, danab amu nug mauhkku. Danab nug Kayak Ouɗinu keekenu dabmak anuqak awawa oitte, danab amu nug bauklel awa, maɗoɗ daakku.

Rom 5:1

Aria, ig oonigppa genab doout, Kayak Nug ihinignu, “Genab tutukku hak danab,” awa aum amunu, ihinig Naɗi Jesus Kristus, nuhigppa amu ig Kayak ele maɗoɗ daattem.

Epesus 3:19

Aria, da ag Kayaknu oo mauhakppa ɠagattag daaglagnu unuqidttemnu diig laa am, keeke ena ena Kayak Nug nuhigppa ambak daatte amu, Nug keeke amu ahilagppa elele elele madakkunu, ag Kristusnu oo mauhak, danab dilag dabmak eɗidtte amu, ag oo mauhak amu ele dooglagnu elele daaglag.

Aisaia 48:18

Ag dahil nai, dahil ɗo ele tutukku dabmena dim lamidlob am ena, amge ag ii heppig. Ag anam helob amu, ahilag maɗoɗ am le hanhan ugakkaib daatte bia daalo. Ag helob amu, ahilag genab tutukku hak kobol am yu duban qa gotte uɗitte, ahilag genab tutukku hak kobol am anam daalo.

Job 22:21

Anam amunu, Job, na nakka na hena, na Kayak waappa daakkut dayeb amu, na Nug ele maɗoɗ daaglah. Ao, na anam hekkut dayeb amu, na ena daakkut.

Rom 14:17

Aɗinu? Ee lanak amu le lanaknu kobol ele aa Kayaknu ɗo maɗoɗnu diig iitta. Kayaknu ɗo maɗoɗ diig am genab tutukku hak kobol, maɗoɗ kobol, amu maɗoɗppan gamag ahak kobol ele. Keeke amu oh am Kayak Ouɗi Nug he bette.

Aisaia 48:22

Israel dilagppa anam daakku, amge Yawe inam ele atte. ‘Laa ag nau hak danab ah daatteb ele, ahilagnu maɗoɗ nakok laa iinab daama,’ ” awa atte.

Revelesen 1:4

Da Jon, da Kristen tamaniak eblaih aɗit ele Asia wanppa daatteb ele, da ahilagnu iikku yaattem. Kayak Nug gemu daatte, anukka dayom, dimppa uɗikkunu ele daatte, Nug, amu nuhig Ouɗi, kobol ena oh nuhigppa ambak daatte, Nug Kayaknu sia king noobppa daatte, amu Jesus Kristus, Nug keeke imu ohnu aɗi anttomnu mattiak danab dayaya, oo metta ii uuak kobol dim lamitta ippunikke anidttem, Nug danab mauhppig ele dilag eɗua hibaittak danab anuqak, wanppanu king oh dilag okkai ele daatte amu, ewam amu oh ag ahilag ehanittak okkai hamu mettak, ahilag maɗoɗ ele amu, ag danab ag tamaniak eblaih aɗit ele ooppa daatteb, ahilagppa daaglahnu ool daatte. Kristus, Nug ihinignu oo mauhe, Nug tiigppa ihinig hipunin oh uhuqom,

Luk 1:79

Danab ag gatatuppa mauhkkulagnu miag daatteb amu, amahlak madakku. Nug ig ib maɗoɗ ele amu tappat gokkunignu ulum daakku,” awa aum.

2 Korint 13:11

O lailad, da gemu nai bagqein, da ag humadttem. Ag tutukku elelenab bena daaglagnu dabmak aon oiyeg! Ag da nai attem imu doona, ag dabmak laippu aɗan, oolag laippu mena, maɗoɗ dayeg! Ag anam heppeg amu Kayak, Nug oo mauhak diig, oo maɗoɗ diig ele daatte, Nug ag ele oh daaglag.

Namba 6:26

Yawe Nug ag enaib hatta, Nug maɗoɗ ele ag madakkunu ool daatte.’ Ag anam aon aeg!” awa aum.

Luk 2:14

“Kayak Nug attannab daatte; ig Nug binag amahlak oppiaawak ele metu! Wanppanu danab, ag nuhignu daatteb amu, ag maɗoɗ mattom,” aon appig,

Sam 85:8

Amu da Kayak Yawe Nug aɗi atte, da amu dookkulnu daul humakkul. Aɗinu? Nug nuhikkud danab ah, ag nuhignu oo metta ii uuak kobol dim lamidtteb ele, Nug ag maɗoɗ matteb daaglagnu nai ana qagatte, amge ag eɗun, anukkanu Kayak dab-ii-maama hak kobol aib heppig.

Pilipai 4:9

Amu kobol oh da ag ippuanatti aoppig amu, kobol oh dahilppa ag anidna dooppig ele amu, ag hanhan heig! Ag anam heppeg amu Kayak, Nug am maɗoɗnu diig, Nug ag ele daaglag.

Prowerb 6:22

Haen na adeppa adeppa oikkut amu, ihinih nai am ulum medakku. Ao, haen na niikkut amu, nai amu na atognoidkku. Ge, haen na eɗun ahakkut amu, nai amu na aɗi aɗi hekkutnu ippunidkku.

Aisaia 26:12

Ig aɗi uɗat ena hemut ele amu, na ihinig uɗat amunu ulum mekkae, ena beum amunu, O Yawe, na heppe, nahip maɗoɗ ihinigppa ba daakku, ⌊da oolppa genab doottem⌋.

Prowerb 4:6

Amu na doyak dabmak ena ele aon oikkutnu aib uume! Aɗinu? Na ii uukkut dayeb, doyak dabmak ena ele ehanitteb, na ena oikkut. Ao, na doyak dabmak ena elenu oot mauhaɗ! Nug na gumittebeb oikkut.

Rom 1:7

Amu da Pol, da ag Rom danab, Kayak ahilagnu oo mauhe, ag nuhikkud danab ah oppiaawak ele daaglagnu onilagppa eum ele amu, da ahilagnu yaattem. Kayak, ig Mamenig, amu ihinig Naɗi Jesus Kristus ele, ahilah ehanittak okkai hamu mettak, amu ahilah maɗoɗ ele ahilagppa daaglahnu ool daatte.

Prowerb 2:11

Amu laanu neekkakppa nug dabmak eheɗ ii aomanu kobol am heeb, danab guppiɗ dimugppa daya, ena daatte bia, na ena daakkut. Ao, diignu doyak tutukku am na eheɗ aomnanu nahip guppiɗ bia daakku.

Nehemaia 8:10

Amu Nehemaia nug aum. “Gemu deɗ imunu amu, ihinig Naɗi Nug amunu, dahilnu tituanak daatte anidtte amunu, ag ahan gona, ag ee ena, le ubuhi ele lanana, ag laa keeke anam iitta ele madappeg, ag ele laig! Ag aib gaappig. Aɗinu? Yawenu gamag ahak doyak am aab aɗ ɠagattagnab ele ahilag bia daatte,” awa aum.

Jeremaia 33:6

Anam, amge qinob da heppi, ag eɗun ena daaglag; danab oɗe ele eɗua ena daatte, ag amubia daaglag. Da danab ah dahilad ehanadppi, ag eɗun ena daappeg, da heppi, ag maɗoɗ, baɗak ele iitta daan, ag oo gamag ahak dooglag.

Aisaia 45:7

Da hei, amahlak amahaltte; da hei, gatatu daatte. Da hei, danab ag maɗoɗ aon daatteb, amu da hei, danab ag uug naunab waappa daan oitteb. Da Yawe, da keeke imu oh hettem.

Hibru 13:20

Aria Kayak, Nug am maɗoɗ diig daatte amu, Nug he, ihinig Naɗi Jesus Nug mauhak oolagppanu eɗua hibaittom. Jesus tiig ne mauhom, amu Kayak Nug Jesus tiigppa nug tituana nai qakkak bau hanhannu ɠagattag qettom. Amu Kayak Nug heeb, keeke ena oh ag nuhig dabmak dim lamidkkulagnu elele daaglagnu ahilagppa dayeb, Nug ig oonigppa aɗi hekkunu oo daatte amu hekkunu ool daatte. Jesus Nug am sipsip gumak danab bia ihinig gumikkak danab anuqak okkai daatte. Binag amahlak oppiaawak ele hanhan alet ele nuhigppa dayaɗ! Genab!

Job 34:29

Kayak Nug manin haen daakkunu akku dayeb amu, laa nug manin amu heeb nauhkkunu elele iitta. Ao, Kayak Nug laa Nug anidmanu iɗu hautkku dayeb amu, laa nug neekkeb ukkeb anidkkunu elele iitta. Ge, Kayak Nug laa, nug Kayaknu, nuhig haknu ele uuak dootte, danab amu nug danab ah dilag gumak danab daamanu, danab amu nug danab ah dilag eheɗ hattamanu, Kayak nug wanppan wan anen anen, danab anen anen ele dilag okkai dayakib daatte.

Revelesen 2:17

Danab nug daug ele dayeb, nug Kayak Ouɗi Nug Kristen tamaniak dilkadppa nai mehuqtte doyaɗ! Aun laa nug ban eɗidkku amu, da maana gemu lokkumak daatte, da amunu laa medakkul. Da nug men hakkab laa ele nug medakkul. Men amuppa onig bau yaak ele daatte. Laippu laa nug onig amu diig ii dooma, aun nug da mettami ele amu, nug aakkuib dookku,” awa aum.

Jut 1:1

Da Jut, da Jesus Kristusnu maɗi nid laa iikku. Da Jems ele i am eamag. Nai imu amu Kayak, ig Mamenig, Nug baekkudppan danab, Nug ag onilagppa eum, ag nuhig oo mauhak ooppa daatteb, Jesus Kristus Nug ag atognoadtte ele amu, da ahilagnu yaattem.

Pilipai 1:2

Kayak ig Mamenig, amu ihinig Naɗi Jesus Kristus ele, ahilah ehanittak okkai hamu mettak, amu ahilah maɗoɗ ele ahilagppa hanhan daaglahnu oonih daatte.

Jeremaia 32:16

Da Jeremaia, da pepa aɗit amu Neria bekka Baruk mette male, da Yawe amegppa unuqitten ami.

2 Korint 10:5

Ig a ona a doak nau kobol, amu kobol laa oh ele ag Kayak oɗe ii dim lamidtteb amu, ig kobol amu oh loppaɗttem. Amu ig dabmak oh maniguadta, dabmak oh amu Kristusnu dabmak aakkuib dim lamidkkunu hettem.

Pilipai 1:1

Da Pol, amu Timoti ele, i oh am Kristus Jesusnu maɗi nid, i uɗug imu Kayaknu danab ah oppiaawak ele oh Jesus Kristusnu daan Pilipai daatteb, amu ahilkad gumak ikki danab, amu ahilkad toliak danab oh ele, ahilagnu yaattep.

Pilipai 4:19

Amu Kayak dahil, Nug ag keeke laa nuhig neekkakppa ag aoglagnunab daattenu tutu meppeg antta, Nug keeke ena ena oh Kristus Jesusnu uɗatppa nuhigppa daatte amu, Nug amuppa elelenab madakku.

Pilipai 4:21

Da Kayaknu danab ah oppiaawak ele Kristus Jesusnu daatteb amu, da ag humadttem. Amu da lailad, da ele daattem imu, ag ele humadtteb.