Pilipai 4:6 - Nobonob Baibel

⁶ Ele amu, ag aɗi keeke laippunu dabmak qak aib doon daappig. Iitta! Ag keeke ohnu unuqittak digdigppa, “Ena heme,” anakppa ele, ag Kayak Nug ahilagnu aɗi aɗi hekkunu oolag daatte amu, ag oo hak amu Kayak amegppa aig!

Pilipai 4:6 Referans Kwoze

1 Pita 5:7

Kayak ag gumatta atognoadtte amunu, ag uug ahilag oh amu Nug eppegppa meig!

Sam 55:22

⌊Na aun,⌋ na nahip uug Yawe medappe, Nug na atognoidkku. Nug am genab tutukku hak danab uuatteb, nena ii qemana.

Matyu 6:8

amge iitta aɗi ag kobol hetteb, ag amubia aib heppig. Ag, ag Mamelag ii unuqidkkulagnu ii digmeppig haenppa Nug ag keeke ohnu tutu metteb ele amu, Nug dootte.

Jeremaia 33:3

‘Juda danab ah, ag da unuqiɗppeg, da unuqittak ahilag nob matten, da keeke okkainab, ag ii dootteb ele, danab ah ag ahilag dabmakppa mattin anidkkulagnu elele iitta, da keeke okkainab amu ag ippunadkkul,’ ” awe attem.

Prowerb 16:3

Na aɗi keeke hekkutnu ⌊dabmettem⌋ amu, na keeke amunu hak Yawe eppegppa me; ⌊na amu hekkut dayeb amu,⌋ Nug heeb, amu haknu maittak nahip am ena beeb, maittak amuam meu okku.

Sam 62:8

O danab ah dahilad, Kayak Nug am padal mak eɗitteb ena dayaknu ehanittak ihinig daatte. Ag hanhan Kayaknu oolagppa genab doyeg! Ge, ag nug oolag unuqagppanu unuqitteg! Sila.

Kolosi 4:2

Amu ag oh ag Kolosi daatteb amu, ag unuqittak hekkulagnu oolag mettan, ag unuqidnana, ag hamu aib heppig. Iitta. Ag dabmak ele unuqidkkulag, amu ag anam henana, ag Kayak amegppa, “Ena hen mekkame,” ele aon aig!

Epesus 6:18

Ag hanhan Kayak Ouɗippa Kayak Nug ag ehanadkkunu unuqittak digdigppa attem attem Nug ag ehanadkkunu unuqidkkulag. Ag keeke amu dabmenana ag aib bodoedappig. Amu ele ag Kayaknu danab ah oppiaawak ele laa oh dilagnu ele hanhan unuqidkkulag.

Kolosi 3:17

Ag nai madittebtai, o iitta ag uɗat hettebtai, o iitta ag aɗi keeke hetteb amu, ag Jesus onigppa Mame Kayak amegppa, “Ena heme,” anana, ag keeke amu oh Naɗi Jesus onigppaib heig!

Luk 18:1

Amu Jesus Nug keeke danab ag dootteb ii dootteb ele ouaqata ippuanatta, ag haen oh unuqidkkulagnu, ag bahilag yaamanu ele amelagppa aum.

Luk 12:22

Aria, Jesus Nug nuhikkud ippunittak awak danab amelagppa aum. “Anam daatte amunu, da ag amelagppa attem. Ag wanppan bau dayaknu dabmak aqadna, ‘Ig ee elete daagnig?,’ o iitta beɗulagnu, ‘Ig beɗunigppa takkaknu amu, ig lamen elete daagnig?’ aib appig.

Sam 51:15

O Naɗi, na da oɗel ehanidppe elele dayeb, da oɗelppa na humidkkulnu oɗ medattem.

Kolosi 3:15

Kayak Nug ag tamaniak laippu maɗoɗ ele daaglagnu ag onilagppa eum amunu, Kristusnu maɗoɗ, Nug ig megatte ele, maɗoɗ amu nug hanhan ag oolag gumebeb oiyeg! Amu ag hanhan Kayak amegppa, “Ena hen megattem,” aon aig!

1 Samuel 30:6

Dawitnu danab ag Amalek heppig anidna, ag baelkadppanu dabmena, ag oolagppa uug naunab dooppig amunu, ag menppa Dawit makkuɗppeg mauhkkunu madippig. Ag madippig amunu, Dawit nug amunu uug nau doyom, amge nug Yawe, nuhig Kayak, nug Nug toppanu ɠagattag mattia awom.

Epesus 5:20

Ag haen oh ihinig Naɗi Jesus Kristus onigppa keeke ohnu Kayak Mamenig amegppa, “Ena heme,” aon aig!

Sam 55:17

Buttua, amun, tuqan ele da unuqittak baal okkaippa uug nau toniɗom imunu hebippi, Yawe Nug da baal dookku.

Luk 10:41

Amge Naɗi Nug oɗeppa awa aum. “Marta, Marta, na dabmak kuɗum ootppa dayeye, na keeke kuɗumnu ottaittem

Luk 18:7

Nug ah amu ehanidkkunu aum amu, Kayak Nug danab ah nuhikkud, Nug ag tituanattom ele amu, ag hanhan tuqan amun ele deɗ oh unuqidppeppeg amu, Kayak Nug ag iite ehanadma? Nug ag baubau oɗmak haknu amelag maama, paha ii ehanadma? Anam iitta.

Matyu 10:19

Geha wan imuppan danab ag ag aɗualadna hettoɗiakppa maadppeg amu, ag haen amuppa aɗi akkulagnu, ib attenppa mattiglagnu ele dabmak huan aib aoppig. Iitta. Haen amuppaib Kayak Nug ag nai akkulagnu ippunadkku.

Prowerb 15:8

Haen nau hak danab nug mana mettak laa hette amu, Yawe Nug mana mettak amunu ooppa uuaknab dootte; amge haen genab tutukku hak danab ag unuqittak hetteb amu, Nug amunu ooppa ena dootte.

Luk 12:29

Amu ag aɗi ee le ele lakkulagnu hik aib aqom. Ag keeke amubianu aib dabmak aqom.

1 Samuel 1:15

Eli nug anam a amu, Hana nug nob ma aum. “O naɗi dahil, amuam genab iitta. Da le ɠagattag laa ii lami; da uug naunab doottem, amunu da Yawe unuqitte aute aottem.

1 Korint 7:32

Da ag keeke kuɗumnu uug ii doon oiglagnu ool daatte. Danab ah ii awom ele nug am Naɗinu keeke dabmaama, Naɗi Nug aɗi keekenu oo hette amu, nug amu hekkunu hette.

1 Pita 4:7

Aria, keeke oh iitta mekkulagnu haen aakku guguittak daatte amunu, ag unuqittak hekkulagnu elele daaglagnu, ag dabmen autna aona, ag nukka nug nuhig oiyak pehettak atognoak kobol ele dim lamidna dayeg!

Matyu 13:22

Ee aeg wan uud keeke qaun ele beppigppa nena qeppig ele amu, nai amu inam ippunigtte. Danab laa nug nai dootte, amge wannu haen imunu uug laala, enub awak uɗatnu ameg qak kobol ele, keeke amu oh danab amu nug ooppa he, Kayak nai iitta ma, meu ii otte.

Daniel 3:16

King Nebukatnesar nug Satrak, Mesak, Abetnego ele amelagppa anam a, ag nob mena appig. “O Nebukatnesar, keeke beum imunu amu, ig na eɗun, ena anigkkutnu nai qinonob, nai ittag ele ii mattimta.

2 Stori 32:20

Asiria dilag daup dilag okkai ag anam mattieg amu, King Hesekaia, Amos bekka Aisaia, nug propet, nug ele, aa Yawe amegppa amunu apiɗ.

1 Samuel 7:12

Israel ag Pilistia anam lamatteg, Samuel nug men naɗi laa awa, aab aɗit Mispa, Sen ele gamalahppa qappe dayeye, nug, “Yawe ehanikke uɗie uɗie, iikku batom,” anana, nug men amu onig, “Ebenisa,” ataɗom.

Solomonnu Ahi 2:14

“O ah dahil, na am uppuɗil beɗulag nakok laa men bai giɗoɗoppa daatte bia daattem; o iitta, na uppuɗil beɗulag nakok laa baippa gegeti ena laappa lokkuma daatte bia daattem. Na baatnu oqotti am ena, ubuhi ele; na iɗun am enanag, tuqak ele, amunu iɗun da ippuniɗe! Ao, na heppe, da na baat doye!

1 Korint 7:21

Amu danab nug begbeg maɗi nid uɗat haaha dayeye, Naɗi nug onigppa eum amu, gemu Naɗi noobppa nug am begbeg maɗi nid iitta. Anamib, danab laa nug begbeg maɗi nid iitta dayeye, Naɗi nug onigppa e amu, gemu nug am Kristusnu begbeg maɗi nid daatte amunu, na begbeg maɗi nid uɗat heehe, Naɗi na oninppa eum dayeb amu, aria na begbeg maɗi nid daame, na amunu ootppa uug aib doome, amge na maɗi nid uɗat amu eɗun ii hemananu ib ena nahip dayeb amu, na keeke laa hekkutnu ukke!

1 King 8:28

Anam, amge O Yawe, dahil Kayak, da nahip maɗi nid amu, da na dahil unuqittak dookkutnu oɗ medattem. Da na ihinignu oo gai-iitta doya oo metta ehanittak kobol hekkutnu unuqidttem. O Yawe, da nahip maɗi nid, da na gumitte uɗien daattem amu, na dahil oɗmak, dahil unuqittak imu dookkutnu oɗ medattem.

Jeremaia 32:16

Da Jeremaia, da pepa aɗit amu Neria bekka Baruk mette male, da Yawe amegppa unuqitten ami.

Daniel 6:10

Danab okkai amu ag anam heeg, king nug ɗo amu he ye, onig me, haen Daniel nug ɗo amunu doya amu, nug aha, lakka ukka, nug oo attan laa gililppa ulah ibuppa, danab nug appa dayaya, neekkeb laih Jerusalem daatteppa gokkunu elele, nug gililppa ulah ippu amuppa gateg qaun o, nug Kayak amegppa, “Ena hen mekkame,” anana, Kayak unuqittom. Nug deɗ ohppa haen ewam Kayak anam unuqittom. Nug kingnu ɗo nai amu ii babaittom haenppa heum bia tuɗitta heum.

Matyu 6:34

Anam amunu, ag keeke buttinu aoglagnu dabmak aib aqom. Buttinu amu, nukka piɗe nuhig keekenu dabmekku. Am uug laa deɗ amuppa bekku amu, deɗ amunu am aakku elele.

1 Timoti 2:1

Amunu da tatam ag tamaniakppa daatteb amu, da ag unuqittak uɗatnu inam hekkulagnu oolag maɗedattem. Ag unuqittakppa, danab oh dilagnu, unuqittak digdigppa Kayak unuqidna, Kayak Nug danab oh dilagnu aɗi aɗi hettenu Nug amegppa, “Ena heme,” aon aeg!

1 Timoti 5:5

Ah qab nug genab nukka baeg laippu daatte, nug Kayak ehanidkkunu dabmak aɗa dayaya, tuqanppa amunppa ele unuqidtte.