Pilipai 4:4 - Nobonob Baibel

⁴ Ag Pilipai daatteb amu, ag hanhan Naɗinu maɗoɗppan gamag ahak doyeg! Yo, da baula ag amelagppa attem, ag hanhan maɗoɗppan gamag ahak doyeg!

Pilipai 4:4 Referans Kwoze

Rom 12:12

Amu ag Naɗi ehanadkkunu dabmak aɗan daanna, ag maɗoɗppan gamag ahak doyeg! Uug laa ahilagppa uɗieb amu, ag ɠagattag dayeg! Amu ag hanhan unuqitteg!

Pilipai 3:1

O lailad, da nai imu inam mattie malakkul hettem. Ag Naɗinu oolag gamag ahaɗ! Da am nai imu baula ahilagnu yaattem amu, da amunu oolppa uug iitta. Imu amu ag ehanadkkunu yaattem.

Matyu 5:12

Danab kobol nau amu hetteb ele, anukka danab ag Kayaknu propet ele anam eheɗ hadappig amunu, ag gemu ahilagnu ele anam heppeg, aria, ag gamalag ahebeb, ag oolag enaib dayaɗ! Aɗinu? Nob ahilag hab attan am okkainab.

1 Pita 4:13

Iitta. Dimppa Kristus binag amahlak oppiaawak ele miag atiak bekku, haen amuppa ag maɗoɗppan gamag ahak naɗi dooglagnu, ag uug mawak haenppa ag uug anamppa ag Kristus uug mawom bia ag uug maotteb doonna, maɗoɗppan gamag ahak doyeg!

Sam 146:2

Da bau dayeye, da Nug binag mekkul. Ge, da dahil Kayak binag mekkulnu amu, da ahi edetteib daappi ukkeb mauhkkul.

Aposel 16:25

Qagate, aa anam daayya, tuqan tugmag Pol, Silas ele Kayak unuqidya daayya, ahi ele ettayya daapiɗ. Anam heeheh, maniguittak danab laa ag doyatppig.

Aposel 5:41

Ag anam heeg, totol danab 12 ag Juda dilag hettoɗiak okkai onig Sanhidren, amuppanu dimittim gona, ag maɗoɗppan gamag ahak doona, inam dabmeppig. “Kayak nug ig Jesus onignu uɗa nak, guittak ele aognignu elele anikkom amu, amuam ena.” Ag anam dabmeppig.

Galesia 1:8

Ig Nai Ena anukka ag amelagppa mehuqmut, amge gemu ig nai amubia iitta, ig nai laa mehuqkkunig dayeb, o iitta hab attannu engel laa nug Nai Ena anukka ig ag amelagppa mehuqmut, nug nai amubia iitta mehuqkku dayeb amu, aria laa amu hette amu, nug eheɗ laa awaknu anak waappa dayaɗ!

Sam 33:1

Ag genab tutukku hak danab ah, ag Yawe binag mekkulagnu ahi etteg! Ao, ag genab tutukku hak danab ah, ag Nug binag mekkulag am ena!

Habakuk 3:18

⌊Uug nau amu oh anam bena daaglagtai,⌋ amge da Yawenu gamag ahak dookkul. Ao, da Kayak, Nug da ehaniɗe, da padal ii mettem amu, da nuhignu ool gamag ahakku.

2 Korint 6:10

Ig am oonigppa uug elenab, amge haen oh ig maɗoɗppan gamag ahak doottem. Ig daɗek danab bia daattem, amge ig am danab kuɗum keeke kuɗum madattem. Ig am eppenigppa keeke laa ii daatte bia, amge keeke oh am ig aɗattem.

Pilipai 2:18

Anam amunu ag ele maɗoɗppan gamag ahak doobppeg, ag da ele oh ig maɗoɗppan gamag ahak dootu!