Pilipai 4:14 - Nobonob Baibel

¹⁴ Amge ag da ou iun, dahil uug ag ele maoppig amu, amuam kobol ena.

Pilipai 4:14 Referans Kwoze

Hibru 13:16

Amu ag kobol ena hekkulagnu, ag lailkad keekenu tutu mak ele nug ehanittak kobol ele hekkulagnu aib daulag atiom. Aɗinu? Kayak Nug amunu mana mettak bia doya, oo ena daatte.

Pilipai 1:7

Amu haen laa da maniguittakppa dayeye, haen laa da dimittim dayeye, da danab laala Jesusnu nai tabappeg nekkunu hetteb amu, nuhig nai nemanu da wagai mein, da ele nuhig nai ɠagattag qedette, Jesusnu Nai Ena ele madittem, haen amu oh amu da ag ele, ig oh Kayaknu ehanittak okkai hamu megatte ele amu aomut amunu, da oolppa ahilagnu enanag doottem am kobol ena; kobol tutukku.

Hibru 10:34

Amu ag danab maniguittakppa daappig, ag amu dilag oolag doyom. Amu haen laala dimittim danab ag uɗin, ahilkad keeke ena ena aɗadna diippig, amge ag amunu oolag ii nauhom. Iitta. Ag maɗoɗppan gamag ahak doon uueg aoppig. Aɗinu? Ag ahilag keeke ena hanhannu, dimppa aoglagnu appa ana daatte dooppig.

Galesia 6:6

Danab nug Kayak nai dookkunu ippunittak danab laa waappa daatte amu, nug nuhig keeke ena ohppanu laih nuhig ippunittak danab amu mettaɗ!

1 King 8:18

Nug anam dabmeum, amge Yawe Nug da mamel Dawit amegppa aum. ‘Na mettid lag laa, da onil amuppa daakkunu buukkutnu dabmeme amu, dabmak nahip amuam ena,

1 Timoti 6:18

Laa amu, na danab ah enulag ele ag ena, ao ag kobol ena okkai hena, ag danab ah oo qak iitta ele ehanadna, ag enulag laih oppatna, danab laa ɗo mattaglagnu babaittak daaglagnu haknunab nai ag matteg!

Pilipai 4:18

Ag Epaproditus eppegppa keeke meeg dahilppa uɗiom amu, da awen, da keeke kuɗumnab, elelenab daattem. Keeke ag meɗappig ele, keeke amuam mana mettak muttuɗig ena ele ag Kayak medappig bia daatteb. Kayak Nug mana mettak anam awa amu, Nug oo enanag ele daatte.

Matyu 25:21

Anam a amu nuhig okkai nug aum. ‘Na maɗi nid ena, na oo metta ii uuak kobol dim lamidna, uɗat enanag heme. Na keeke nakok amu dabmettan autna aome amunu da heppi, na keeke kuɗum dilag okkai daanna gumadkkut. Na doppe, da ele oonih gamag ahaɗ!’ awa aum.

Rom 15:27

Am genab ag oolag ena daye, akka ahilag dabmakppa anam heppig. Aɗinu? Ag Jerusalem dilagnu keeke nob eɗua mettak bia hekkulagnu daatte dootteb. Ag anam hekkulagnu dottebnu diig am, Kristusnu nai nug Juda ahilagppanu aha, iitta aɗi dilagppa ukkom amunu, iitta aɗi ag beɗunignu keeke, amuppa Juda danab keeke nob eɗun mattaglag am ena dootteb.

2 Stori 6:8

Nug anam dabmeum, amge Yawe Nug da mamel Dawit amegppa aum. ‘Na mettid lag laa, da onil amuppa daakkunu buukkutnu dabmeme amu, dabmak nahip amuam ena,

Revelesen 1:9

Da Jon, da ag lailag, da ag ele ig oh Jesus nuhigppa laippu daat, uug mua ele imu maottem. Da Kayaknu ɗo maɗoɗ ooppa, amunu uɗat haknu, ag ele daattem. Ig oh Jesus ig hekkunignu atte amu, ig nuhig ɠagattag aot daatta, ig tuɗidta, uug doyaya eɗittaknuib dabmak awak kobol dim lamidttem. Da Kayak nai mattimi da Jesus Kristusnu oolppa genab doottemnu ami, amunu ag da nud laa onig Patmos, amuppa meiɗppig.

Hibru 10:33

Amu haen laala danab laa ag danab ah dilag qagmakppa danab ah noolagppa ag aon aon aqan, eheɗ ele hedappig. Haen laala ag Kristen ag lailkad uug anam dooglagnu beɗulagppa beum amu, ag lailkad ehanadppig.