Pilipai 3:20 - Nobonob Baibel

²⁰ Amge ig am hab aabppan danab. Ig Eɗua Awikkak Danab ihinig, Naɗi Jesus Kristus, Nug appanu eɗua uɗia awigkkunu tappaɗidta ameg mettem.

Pilipai 3:20 Referans Kwoze

Epesus 2:19

Anam daatte amunu, ag iitta aɗi ag baula wan laihnu danab, o aab diig danab iitta, ag amubia iitta. Ag Kayaknu danab ah oppiaawak ele, ag ag ele huu laippu; ag ele Kayak bekkod.

2 Korint 4:18

Anam daatte amunu, keeke ig amenigppa anadttem ele, ig amunu keeke am anuqak dab-ii-mettem. Iitta. Ig keeke ig amenigppa ii anidttem ele, ig amunu am keeke anuqak dabmak aottem. Aɗinu? Keeke ig amenigppa anidttem ele am haen tutuib daakku, amge keeke ig amenigppa ii anidttem ele am geha hanhan daakku.

Hibru 12:22

Amge ag gemu daatteb, ag oolagppa genab dootteb ele amu, ag keeke anamppa ii wappig. Iitta! Ag amu Sion qaukoppa teppig. Ag am Jerusalem hab aabppanu, Kayak bauklelnu appagppa teppig. Ag amu engel tausen tausen maɗoɗppan gamag ahak okkai ele qagmena daatteb ele, amuppa teppig.

Kolosi 1:5

Ag tatam nai doyak diig genabibppanu, amuam Jesusnu Nai Ena, ag amu doon, keeke Kayak Nug hab attan ahilagnu tituanom amu, ag amu aoglagnu ele doona, gemu ag aoglagnu dabmak aɗan oitteb amunu, ag ooppa genab doyak ahilag, oo mauhak ahilag ele aɗan daatteb.

Epesus 2:6

Kayak Nug Kristus, ig ele oh eɗua maɗeɗikke, ig Kristus Jesusnu daaut, Kayak nug he, Kristus ig ele, ig oh hab aabppa heɗep neta daattem.

2 Korint 5:8

Amge da ami aakku, ig hab aabppanu beɗunig aognignu dabmak aottem. Ig ii aognignu amu ii dabmettem. Ig wan imuppanu beɗunigppa daagnignu am ena doottem, amge ig beɗunig imu uuidpput, Naɗi ele appanig diigppanab daagnignu amu, ig amunu enanag doottem.

2 Timoti 4:8

amu gemu nob ena da aokkulnu amu, Kayak Nug aakku meum daatte. Nob ena amu Naɗi, Nug danab ah tutukkuib epeɗiadtte ele, Nug eɗua hibaittaknu deɗppa da meɗakku. Amge dakkaib iitta. Aun laa oh ag Nug eɗua uɗikkunu tappaɗidna daatteb ele, Nug ag ele madakku.

1 Tesalonaika 1:10

ag Kayak Bekka Nug hab aabppanu eɗua uɗikkunu haen ameg mettebnu ele maditteb. Nug anukka mauhe, Kayak Nug he, Nug mauhakppanu eɗua hibaittom. Amuam Jesus, Nug dimppanu hipuninnu bu aqak, Kayak eppegppanu uɗitte amu, ig amu aomtanu eɗua awikkom.

Hibru 9:28

amubia Kristus Nug danab kuɗum dilag hipunin uhuqa madakkunu Nug nukka haen laippu aakkuib, Nug beɗu mana mettak bia Kayak mettom. Nug anam heum amu dimppa Nug baula eɗua uɗikku, amge hipunin uhuqkkunu iitta. Nug danab ameg mena daatteb ele amu eɗua diikkunu uɗikku.

Galesia 4:26

Amge Jerusalem laa, Sarah amu ippunigtte amu, amuam hab attan daatte, am Kayaknu. Nug am maɗi ah iitta. Nug ig Kristen, ig aninig aakku daatte.

Taitus 2:13

Ig anam oitta, ig Jesus eɗua uɗiaknu deɗ okkai amu uɗikkunu dabmak aɗat ameg meta daattem. Deɗ amuppa amu Jesus Kristus, Nug am ihinig Kayak Naɗi, Padal ii maknu ehanittak ihinig ele daatte amu, Nug binag amahlak oppiaawak ele miag atiak uɗikku.

1 Korint 1:7

Anam amunu, ag Naɗi Jesus Kristus, Nug geha miag atieb anidkkulagnu ameg menana, tappaɗidna daanna, ag Kayaknu uɗat hekkulagnu Kayak Ouɗinu ɗo hamu mettak laanu tutu ii metteb.

Aposel 1:11

aa apiɗ. “Galili danab, aɗinu ag hippaidna daanna, habppa neegna daatteb? Amu gemu Kayak Nug Jesus ahilagppanu awe, hab aabppa ukkom. Aria, geha Nug hab aabppa ugekke anidppig bia eɗua uɗikku,” aoya apiɗ.

Matyu 19:21

A amu Jesus Nug amegppa aum. “Na genab tutukku hak danab elelenab bekkutnu amu na gona, na enun oh meppe, danab laala daden meppeg, na men doɗo amu oh aon, daɗek danab mattona amu, na hab attan enun okkai ele daakkut. Anam hewona amu na eɗun dona, da dim lamiɗe!” awa aum.

1 Tesalonaika 4:16

Aɗinu? Haen amuppa danab ah ag haknunab laa anaknu ewak, engel okkainu ewak, amu Kayaknu trampet ele gayak doobppeg, Naɗi Nug hab aabppanu neeb, danab ag Kristusnu oolagppa genab dooppig ele amu, ag tatam eɗun hippaidkkulag.

Luk 14:14

Am danab amu, ag am nahip ee amu nob mettaglagnu elele iitta, am na anam heppe amu, Kayak na itittak ena medakku. Yo, dimppa Kayak Nug amunu haen genab tutukku hak danab ag eɗun hippaidkkulag amu, Nug na nob ena medakku,” awa aum.

Revelesen 1:7

Antteg! Nug eɗua lombigppa nekku. Danab oh ag Nug anidkkulag. Yo, danab ag Nug qetti banppa atulppig ele, ag ele Nug anidkkulag. Amu wan ohppan danab ag Nug anidna, ag nuhignu mahiak okkai hekkulag. Ao, keeke amu anam bekku. Genab.

Prowerb 15:24

Danab doyak dabmak ena ele dilagnu amu, ahilagnu bau dayak ib am taata gotte; ag mauhak abenppa nomananu anam hette.

Pilipai 1:10

Amunu diig am, ag amuppa geha kobol atten am enanagnab daatte epeɗidkkulagnu elele daaglag. Ag anam heppeg ukkeb ukkeb, Kristusnu deɗppa ag oppiak, Kayaknu neekkakppa danab oolagppa kaliak laa iitta ele daaglag.

Sam 17:15

Amu da, da genab tutukku hak kobolppa na anidkkul. Haen da niiak abenppanu ahen, na anitten amu, da elelenab dookkul.

Sam 16:11

Na bau dayaknu ib da ippuniɗme. Ao, na da ele daattep amunu, da maɗoɗppan gamag ahak okkainab doottem, Ge, haen da na eppen naɗiap-ppa dayeye, da enanag doottem, hanhan anam dookkul.

Luk 12:21

Jesus Nug nai amu ana, Nug nai gog ta aum. “Danab ag keeke kuɗum ahilagnu qagmetteb, amge Kayak noobppa amu ag danab ena iitta daatteb, ag am amubia anidkkulag,” awa aum.

1 Korint 15:48

Danab ag wanppanu danab daatteb amu, ag oh am danab digmak heum ele nug bia daatteb. Danab ag hab aabppanu danab amu, ag am laa hab aabppanu neum bia daatteb.

Pilipai 1:27

Anam, amge aɗi kobol bekku amu, ahilagnu keeke anuqak daatte am, ag oiyak ahilagppa, ag Kristusnu Nai Ena ag amu attem oiglagnu ippunadtte amu, ag anam dim lamidnana tutukku eleleppa oiyeg! Ag anam heppeg amu, da ag anadkkulnu gokkultai, iitta da naippulagib dookkultai am keeke okkai iitta, amge da ag oolag laippu ele daanna, ag dabmak laippu tamanin, ag nug ehanidnana, Jesusnu ooppa genab doyak ahilag aɗan daatteb dookkul.