Pilipai 3:2 - Nobonob Baibel

² Amu ag danab laa ag qai bia daanna kobol nau hetteb, ag kobol eheɗ henan oitteb, ag gaɗa otaɗak kobol dim lamidna oin, laa ele hekkulagnu atteb, amge gaɗa otaɗak kobol ahilag am beɗu mauhnoak oppatak kobol bia, aakkuib.

Pilipai 3:2 Referans Kwoze

2 Korint 11:13

Danab amu ag am totol danab hambuppuak. Ag am hambuppuak uɗat danab, ag danab amelagppa totol danab bia daatteb, amge ag gaɗalag aakkuib Kristusnu totol danab daatteb.

Taitus 1:16

Ag oɗelagppa, “Ig Kayak doottem,” atteb, amge ahilag hakppa ag Kayak dimedatteb. Ag danab naunab, oɗe dim lamittak danab iitta. Kobol ena laa ahilagppa ii daatte amunu, ag ena hekkulagnu elele iitta.

Revelesen 22:15

Amge baɗ mak danab, gappai danab, qe mauhak danab, kayak hambuppuak binag mak danab ele, amu laa oh ag hambuppuak kobol oolag mettan hetteb ele, ag Kayaknu aab okkai dimittim qai bia daaglag.

Galesia 5:15

Amge ag oolagppa akka akka naippa nug qemananu, ag nug emalak hemananu amu dabmeig! Ag anam hekkulag am ag oh padal mekkulag!

Pilipai 3:19

Ag akka ag beɗulagnuib dabmetteb, amu dabmak amuam ahilag kayak aakku daatte. Ag uɗa nak keeke digdignu oolag gamag ahehe, ag wanppanu keekenuib dabmetteb. Danab amunu ag geha padal mak aoglag.

Galesia 5:6

Danab nug Kristus Jesus ele ouqak daattep amu, nuhigppa gaɗa otaɗak kobol, o iitta gaɗa ii otaɗak kobol, aɗit amu oh am keeke hamu. Nuhigppa keeke laippuib am okkai daatte. Amuam danab nug ooppa genab doya, laa dilagnu oo mauhtte.

Sam 22:16

Kekeɗ dahil ag qai ameg laa bia, ag da taliliɗppig daatteb. Yo, nau hak danab ameg laa, ag da taliliɗna daatteb. Laion danab beɗu emale nauhtte, amubia ag da eppel, bael ele heeg nauhppig.

Matyu 7:15

Ag propet hambuppuak dilag dabmeig! Propet hambuppuak ag, ‘Da Kayak ippu ippunadttem,’ aon atteb, amge amuam nai hambuppuak. Propet hambuppuak ag wulp sipsip emala lakkunu, sipsip gaɗa awa ma, sipsip oolagppa oitte, ag amubia oitteb.

Sam 22:20

Laa qep-ppa iweb mauhpanu, na da ehaniɗppe qagaiettakppa ii daapanu oɗ medattem. Yo, na da ehaniɗna heppe, dahil kekeɗ ag qai bia amu, ag da ii iumnanu unuqidttem.

Revelesen 21:8

Amge laa ag baɗanna, akka ahilagnu dabmena hak kobol dim lamidna, laa ag oolagppa genab doyak iitta, laa ag kobol nau uɗig wak hetteb ele, laa ag danab aqaeg mauhtteb, laa ag gappai kobol hetteb, laa ag baɗ mak danab, laa ag dup noa kayak hambuppuak binag mak danab, amu nai hambuppuak danab oh ele, amu oh aab ameg kalu laa huana eotte onig salpa eotteppa, ag amuppa aben aoglag. Amuam mauhak ebqak 2 aakku,” awa aum.

Revelesen 3:9

Iikkud antte! Da heppi laa ag, ‘Ig am Juda,’ aon atteb, amge ag am Juda tutukku iitta, ag am Satannu daupib, ag geha na noomppa dup nokkulag, da nahipnu ool mauhtte ele dooglag.

Jut 1:4

Da nai inam yaattemnu diig am, ippunittak danab hambuppuak ag matu tamaniak ooppa lokkumna noppig daatteb. Danab amu, ag am Kayaknu nuhig haknu ele uuak danab amu, ag atteb. “Ig Kayak baegppan danab bewota, kobol eheɗ kuɗum hetata, ig Kayaknu ehanittak okkai hamu mettak, ig amuppa ig nuhig hettoɗiak deɗ eɗidkkunig,” aon atteb. Ag ele Jesus Kristus guhuɗidtteb; Nug am ihinig Naɗi, ihinig Gumak Danab Anuqak. Anukka danab laa nug Kayak naippa danab amubia dilagnu nai yom daatte, amubia ag am genabnab nob nau aoglag.

1 Timoti 1:19

Na Kristusnu ootppa genab doyak nahip ɠagattag aɗan heppe, beɗunppa aab iitta oiyak ele aib paɗame. Danab laa amu ag amu paɗappig amunu, ahilag ooppa genab doyak nug uub gikkuɗ attan ta aoɗa nauhom bia nauhppig.

Pilipai 3:3

Aɗinu ag amu dilagnu dabmena autna aoglag? Ag am gaɗa otaɗak danab genab iitta. Ig Kayak Ouɗippa Kayak noobppa dup nota binag meta, ig Kristus Jesusnu uɗatppa aakkuib ig padal mematanu ehanittak aognignu dabmeta, ig beɗunignu kobol ig ehanigkkunu elele oonigppa genab ii doottem ele amu, ig ikka am gaɗa otaɗaknu kobolnu danab genab daattem.

Galesia 5:13

Genab O lailad, Kayak Nug ag uhuqak daaglagnu onilagppa eum, amge ag ahilag dabmakppa aib inam appig. “Ig uhuqak elele daattem amunu, ig beɗunu kobol ele hekkunig.” Ag anam aib appig, amge ag lailkad dilagnu oolag mauheb, ag oh nug dabmattanna ehanatteg!

Rom 2:28

Amu danab laa nug beɗuppaib Juda daatte, nug amu Juda danab genab iitta. Amu gaɗa otaɗak kobol amu beɗuppanuib kobol iitta.

Matyu 7:6

Qai ag eɗun eheɗ emaladmananu amu, ag ahilag keeke oppiaawak ele aib madappig. Amu laa ele, bo ag baelagppa tappamnanu amu, ag ahilag kalele ena ena perlppa heppig amu aib madappig.

Prowerb 26:11

Qai nug bahowa, nug eɗua awa latte; amubia, danab nug Kayak dab-ii-maama ii dim lamitte ele, nug Kayak dab-ii-maama hak kobol eɗua baubau hette.

Revelesen 2:9

Da guittak uug ele nahip-ppa beum, na keeke iitta, amuppa qagaiettaknab daame amu, da doottem, amge na keeke kuɗum ele! Da danab laa ag nahipnu baeg qak nai madippig amu, da doomi. Laa ag amu appig amu ag, ‘Ig am Juda,’ aon atteb, amge ag am Juda tutukku iitta; ag am Satannu daupib.

2 Pita 2:22

Amu oiyak ehanittaknu nai tutu aɗit laa aa genab attep. Nai amuam inam. “Qai nug bahowa, nug eɗua awa latte.” Amu laa ele, “Bo laa nug beɗu leppa ihak ele amu, nug eɗua hikoɗ laatte.” Nai amu ahilagnu atte.

Matyu 24:10

Am haen amuppa danab ah kuɗum ag dahilnu oolagppa genab doyak ele, ag amu uun, da dimeɗan, akka akka nug dimug mekkulag.

Sam 119:115

Da dahil Kayaknu ɗo dim lamidkkulnu amu, laa ag nau hetteb ele, ag dahilnu awaidna ukkeg!