Pilipai 3:17 - Nobonob Baibel

¹⁷ O lailad, ag oh antte oo maittak kobol dahil dim lamitteg! Amu ag danab laa ihinig kobol dim lamidtteb ele, ag amu dilagppanu ele dabmak aweg!

Pilipai 3:17 Referans Kwoze

Pilipai 4:9

Amu kobol oh da ag ippuanatti aoppig amu, kobol oh dahilppa ag anidna dooppig ele amu, ag hanhan heig! Ag anam heppeg amu Kayak, Nug am maɗoɗnu diig, Nug ag ele daaglag.

1 Korint 4:16

Da ag mamelag daattem amunu, ag oiyak dahil anidtteb ele amu, ag kobol amuppa oiglagnu dabmak ahilkad maɗedattem.

1 Pita 5:3

Ag ikki danab, ag Kayaknu danab sipsip bia, Kayak Nug ag eppelagppa maattom daatteb ele amu, ag amu dilagnu hamu bia anadna, kobol ɠagattagppa gumadkkulagnu aib heppig. Iitta! Ag antte oo maittak danab daanna, amuppa ag ib tutukku ippuanatteg!

2 Tesalonaika 3:9

Ig anam hemutnu diig am, ag ihinigppa anidna oolag maitteb, ag ele bau daaglagnu uɗat hekkulag. Ig totol danab amunu, ig ag oolagppa daatta, ag eppelagppa ee aolomnu ɗo daatte, amge ig anam ii hemut.

Hibru 13:7

Tamaniaknu ikki danab tatam tatam ag Kayak nai mattiegeg ag dooppig amu, ag ag daulagppa doaɗ! Ag daulagppa doobob, ag danab amu ag attem oin daanna, uɗat hena, attem mauhadppig, ag amu oh dabmena, ag ele ahilkad ooppa genab doyak bia doyeg!

1 Timoti 4:12

Na am nid bau amunu, danab laa nug nahipnu ena iinab doomanu na enaib oiye! Na mauhnoak aib oime. Iitta! Na nahip nai mattiak, oiyak, oo mauhak, ooppa genab doyak, amu kobol oppiak nahip eleppa, danab ag Jesusnu oolagppa genab dooppig ele, ag nahip kobol amu oh anidna dim lamidkkulagnu elele daaglagnu oiye!

2 Tesalonaika 3:7

Ag akka, haen ig ag ele daatta, ig uɗat heutut anikkegeg, hamu ii daamut ana dootteb, amu ag kobol amu dim lamidkkulag am ena.

1 Korint 10:32

Ag Juda danab laa, Grik danab laa, amu Kayaknu Kristen tamaniak dilag laa ele kobol ahilagppa heppeg, ag nena qemananu, ag tutukku daan oiyeg!

2 Tesalonaika 3:14

Am laippu laa nug nai ig uɗug imuppa yaamut imu dim ii lamitteb anidna, ag danab amu dab mena, nug uuidna piɗe dayeg! Ag anam heppeg, geha nug nuhig kobol eheɗ amunu uɗa nekku.

1 Tesalonaika 1:6

Ag ihinig kobol dim lamidnana, Naɗinu ele dim lamidppig. Ag uug teppu ele maoppig, amge Kayaknu nai ii uuppig. Iitta. Ag Kayak Ouɗinu maɗoɗppan gamag ahak ele nai amu aoppig.

Rom 16:17

O lailad, nai ag aoppig amu, danab laala ag nai amu tappaeg neene, ag heeg, tamaniak ooppa obatak obatak daatteb, danab ah dilag ooppa genab doyak ele kobolitteb amu, da ag Rom daatteb, da danab amu dilagnu dabmena autna aoglagnu dabmak ahilkad maɗedattem. Ag danab amu dilagnu awaidna, dekkaɗnana dayeg!

Sam 37:37

Ag laa, ag danab ah beɗulagppa aab iitta am anatteg! Ao ag tutukku hak danab ah dilagnu dabmak aweg! Aɗinu? ⌊Danab ah amu ag maɗoɗ ele dayaknu oolag mauhtte, amu⌋ Yawe Nug danab ah ag maɗoɗ ele dayaknu oolag mauhtte am ehanatta heeb, ag butti aɗi ii iitta memana.

1 Korint 11:1

Am da Kristus Nug kobol aɗi aɗi heum ele andette, da kobol amu dim lamidttem, amubia ag ele da aniɗnana, da hettem bia heig!