Pilipai 3:12 - Nobonob Baibel

¹² Amu da Kristusnu kobol oh aomi daattem, o da aakku elelenab daattem, da amubia ii dabmettem, amge da Jesus Kristus, Nug da aun bia daakkulnu dabma aɗailom, da anam daakkulnu dabmein dayeye gottem.

Pilipai 3:12 Referans Kwoze

Sam 138:8

Yawe, Nug keeke oh dahilppanu hekkunu nai ana qakkom amu, Nug anamib hekku doottem. ⌊O Yawe,⌋ nahip oo mauhaknab kobol am hanhan daatte. Ao, na uɗat oh dahilnu hee betteb ele amu, na heppe, gogppa tekkunu ool daatte.

Hosea 6:3

Ig Yawenu doyaknu wagai metu! Ao, ig Yawe doognignu wagai metu! Ig anam hekkunig amu, aam nug genab buttua hanhan bette, genab amubia, Yawe Nug uɗia, ig ehanigkku. Ge, gu oug haen iitta metteppa hanhan nette, amubia Nug genab uɗia, ig ehanigkku.” Israel ag anam akkulag.

2 Korint 7:1

O da gamalad, Kayak Nug ihinignu nai qakka anak amu aum amunu, ig meunignu, amu ouɗinignu dubuttid ele oh geɗidta, ig Kayaknu ebehinig oh bodoetta le mak dootta, ig meunig ohppa Kayaknu oppiaawak ele daat oitu!

Aisaia 51:1

Yawe Nug atte. “Ag laa, ag genab tutukku hak kobol dim lamidna oiglagnu hetteb, ag da, Yawe, ag da aniɗna dim lamiɗkkulagnu mattiɗtteb ele amu, ag dahil nai doyeg! Men naunau kuɗum men okkai laippuppanu netteb, amubia ag alalti Abraham, Sarah ele aa am ahilag men okkai bia daaeheh, ag ahilahppanu uɗippig daatteb. Anam amunu, ag men laa, ag amuppanu neppig oitteb ele, ag men amu eɗun neekkitteg! Ao, ag men kuɗum awak aben, ag amuppanu uɗippig oitteb ele, ag amu eɗun neegna antteg!

Epesus 1:4

Kayak Nug wan ii beum haenppa Nug ihinignu oo mauhe, Nug ig Kristusnu uɗat okkaippa ig nuhikkud danab ah oppiaawak ele daagnignu, ig danab ah oonigppa kaliak laa iitta ele daagnignu tituanikkom.

Pilipai 3:16

Amge kobol ig aomut ele amu, ig aɗat autta auttanab tuɗidta hetu!

2 Pita 3:18

Amge ihinig Naɗi Jesus Kristus, Nug am ihinig Padal ii maknu ehanittak daatte, ag nuhig ehanittak okkai hamu mettak, amu nuhig doyak ena ele, amu waappa ena daanna, amuppa okkai mekkulagnu uɗat heig! Ig Nug binag naɗi gemu, haen oh ele metu! Genab.

Jems 3:2

Am ig oh haen kuɗum taataɗ qettak hettem, amge danab laa nug nai mattiak nuhigppa eheɗ laa ii hette dayeb amu, nug danab elelenab; nug nuhig meu oh ena atognokkunu elele.

Hibru 12:14

Amu ag danab laala ele ag oh maɗoɗ ele daanna oiglagnu uɗat ɠagattag hena, ag oppiaawak kobolppa daaglagnu ele wagai meig! Aɗinu? Danab laa nug oppiaawak iitta ele, nug Naɗi anidkkunu elele iitta.

Galesia 5:17

Beɗunu kobol amu Kayak Ouɗinu kobol ele aa laippu iitta, aa piɗe piɗe amunu, Kayak Ouɗi Nug beɗunu kobol guhuɗittette, beɗu amu Kayak Ouɗi guhuɗidtte. Anam daatte amunu, ag keeke laa hekkulagnu oolag unuqagppa daatte amu, ag elele iitta.

Job 17:9

Genab tutukku hak danab ag ib oittebppa daan oiglag; ag ib ii apiɗidmana. Ge, laa ag eheɗ ii hetteb ele, ag ɠagattag daatteb amu, ag tuɗidna, ɠagattagnab daaglag.

1 Pita 5:10

Kayak Nug am ehanittak okkai hamu mettak kobolnu diig daatte, Nug ag Jesus Kristusnu uɗatppa ag geha nuhig binag amahlak oppiaawak hanhan daatte ele, ag amu ooppa daaglagnu onilagppa eum amunu, ag geha uug haen tutuib doonna daappeg, dimppa Nug eɗua heeb, ag eɗun ena daan, ag lag ukku enappa ɠagattag daatte bia ag ɠagattag daaglag.

2 Tesalonaika 2:13

Amge O ig lainkad ag, Naɗi Nug ahilagnu oo mauhtte amu, ig ahilagnu hanhan Kayak amegppa, “Ena heme,” aot akkunignab. Aɗinu? Kayak Nug digmakppanu ag eɗua diikkunu tituanattom; amu eɗua diiak amunu diig laa am Kayak Ouɗi Nug he, ag oppiaawak daatteb, diig laa am ag doyak diig genabibnu oolagppa genab dootteb.

Epesus 4:12

Kristus Nug beɗu ena, ɠagattag daakkunu amu, Nug Kayaknu danab ah oppiaawak ele ag uɗat ena hekkulagnu, uɗat anen anen danab amu anam mattom.

2 Korint 13:9

Ig am ɠagattag iitta daautut, ag ɠagattag daaegeg amu, ig amunu gamanig ahatte. Haen oh ig ag tutukku elelenab ahan daaglagnu Kayak unuqidttem.

1 Korint 13:10

amge dimppa haen qa oppiaawak kobol miag atieb, qa oppiaawak iitta kobol am iitta mekku.

Prowerb 4:18

Amu genab tutukku hak danab ippulag am digmakppa ena daatte, gamagppa enanag daatte, batakppa am enanagnab daatte; am aam haɗaedette, amahlak nakok nakok wanppa daye ukke, aam be, amahlak naɗi daatte, amubia daatte.

Sam 119:5

O Yawe, da haen oh nahip ɗo dim lamidkkulnu ool okkai daatte. Ao, da amu hekkulnu ool okkainab daatte. Da keeke laa hekkulnu ool hette ele amu, da amunu ool nakokib hette.

Sam 84:2

Da Yawe daatteppa wain daakkulnu ool huanaknab hette. Ao, da ool, meul ohppa ele, da wain Kayak bau daatte ele daagnihnu ool daatte.

Sam 63:8

Da na guguitten dim lamitti oiɗɗa, na da atognoiɗna autnanab aottem.

1 Tesalonaika 5:15

Danab ag ahilagppa kobol nau laa heppeg, ag amunu eɗun nob nau aibnab meppig. Ag haen oh kobol ena, lailkad amu danab laa ele ahilagppa hekkulagnu ɠagattag dayeg!

1 Timoti 6:19

Ag anam hekkulag amu ag keeke kuɗum dimppa ehanadkkunu, ag bau dayak genab aoglagnu qagmekkulag.

Aposel 9:15

Nug anam aum, amge Naɗi Nug amegppa aum. “Na ukke! Aɗinu? Nug da onil awa ukka, iitta aɗi, amu king aɗi, am Israel ele amelagppa ab dooglagnu da danab amu tituanmi; nug am dahil maɗi nid.

1 Timoti 5:10

amu danab ah laa ag nug kobol ena heum, nug nuhikkud nid ena atognoatta omalattom, nug ehanittak kobol dim lamittom, nug Kayaknu danab ah oppiaawak ele atognoattom, nug laa qagaiettakppa daaegeg ehanattom, amu nug kobol ena laala kuɗum heum ele anidtteb dayeb amu, ah qab amu na nug onig ah qab laa, ehanittak aoglagnu onilag ele laippu ye!

Sam 94:15

Laa amu, Nug heeb, hettoɗiak danab ag genab tutukku hak kobol dabmenana, ag nai doya mala hettoɗia epeɗia elele mettak kobol dim lamidkkulag. Amu laa oh ag oolagppanab Kayaknu dabmetteb ele, ag amu dim lamidkkulag.

Hibru 12:23

Amu ag Kayak bekkod tatamnu, Kayak Nug ag onilag matu hab aabppa yom daatteb, ag amu dilag qagmak naɗi amuppa wappig. Ag Kayak, Nug am danab oh epeɗiadtte ele amu, Nug gukkuidna wappig. Amu ag danab anukkanu, Kayak Nug ahilagnu, “Genab tutukku hak danab,” aum, ag mauhadna hab aabppa elelenab daatteb ele amu, ag gemu daatteb, ag oolagppa genab dootteb ele, ag amu gumadna, ahilagppa teppig.

Sam 42:1

Dia laa nug lenu baag diie, baag qaɗaietta auta awe, nug le antta lakkunu lenag mattia auta autanab aotte amu, O Kayak, anamib, da na anidkkulnu ool daya auta autanab aotte.

Matyu 5:48

Anam amunu, ag Mamelag, hab aabppa daatte amu, Nug qa oppiaawak daatte, amubia ag qa oppiaawak dayeg!

Rom 8:39

o iitta aɗi keeke wan imu attannu, o iitta aɗi keeke wan imu honapnu, amu oh oolagppanu laippu laa nug ig Kayaknu oo mauhakppa daattem imuppanu iinab matakkigkkunu elele iinab daama. Genab, aɗi ohnab Kayak heum daatteb ele, amu oh oolagppa aɗi laippu laa nug Kayaknu oo mauhak, Nug Kristus Jesus, ihinig Naɗi, Nug nuhig mauhakppa amu ippunikkom ele amu, keeke laa oo mauhak nuhig amu ooppanu matakkigkkunu elele iinab daama!

1 Korint 9:24

Danab ag qaiqaɗ gona, nug eɗid eɗid hetteb ele, ag oh qaiqaɗ gotteb, amge danab laippuib nug nob ena aotte, ag iite dootteb? Aria, ag ele qaiqaɗ gonana, laih laih aib neegppig. Iitta! Ag nob ena aoglagnu aakkuib dabmenana qaietteg!

1 Korint 13:12

Anamib gemu ig Kayak baegppa daatta, Nug attem daatte anidkkunignu amu ig nuhig kobol amu laih nakok nakokib, ig keeke lettod ena iittappa anidttem, amubia anidta doottem, oh ii doottem. Dimppa gogtak haenppa amu, ig Kayak attemnab daatte anidkkunig. Gemu da laihib doottem. Dimppa da Kayak Nug dooiɗtte, amubia da haen amuppa keeke oh antten dookkul.

Pilipai 1:1

Da Pol, amu Timoti ele, i oh am Kristus Jesusnu maɗi nid, i uɗug imu Kayaknu danab ah oppiaawak ele oh Jesus Kristusnu daan Pilipai daatteb, amu ahilkad gumak ikki danab, amu ahilkad toliak danab oh ele, ahilagnu yaattep.

Pilipai 3:3

Aɗinu ag amu dilagnu dabmena autna aoglag? Ag am gaɗa otaɗak danab genab iitta. Ig Kayak Ouɗippa Kayak noobppa dup nota binag meta, ig Kristus Jesusnu uɗatppa aakkuib ig padal mematanu ehanittak aognignu dabmeta, ig beɗunignu kobol ig ehanigkkunu elele oonigppa genab ii doottem ele amu, ig ikka am gaɗa otaɗaknu kobolnu danab genab daattem.

Pilipai 3:8

Amu da keeke amunuib ii attem. Iitta. Da aɗi keeke laa awen, Jesus ele ouaqaten, laippu elele bia daattep dookkulnu elele iittanab iitta doottem. Jesus nukka am enanag. Keeke laa ohnu, da keeke amunu am keeke ena, keeke genab ele ii doottem. Laippuib am Kristus Jesus, Nug am dahil Naɗi, doyak amuam keeke genabnab doottem. Amu da Kristusnuib daakkulnu dabmein, keeke laa oh akkai goppig. Keeke amuam kinipan bia doottem. Amu da Kristusnuib daakkulnu, Nug ele laippu daagnihnu aakkuib ool daatte. Amu da ɗo dim lamittak kobolppa genab tutukku hak danab daakkulnu ool ii daatte. Iitta. Da genab tutukku hak danab daakkulnu amu, da Kristusnu oolppa genab doottem, amuppa Kayak Nug dahilnu, “Genab tutukku hak danab,” awa akkunu ool daatte. Genab tutukku dayak amunu diig am da iitta, am Kayak, amu danab nug ooppa genab doyakppa aotte.