Pilipai 2:4 - Nobonob Baibel

⁴ Ag anen anen akkaib ag ahilagnuib aib dabmeppig. Iitta. Ag danab laa dilagnu ele dabmatteg!

Pilipai 2:4 Referans Kwoze

1 Korint 10:24

Danab laa nug nukka nuhignuib aib dabmeum. Iitta. Nug danab oh ag ena daaglagnu nug ag ehanattaɗ!

Rom 15:1

Ig danab ig oonigppa genab ɠagattag doottem ele, ihinig uɗat am danab ag oolagppa genab ɠagattag ii dootteb ele ag ehanadkkunignu daatte. Ag akka ahilag uug maoglagnu elele iitta amunu, ig ehanadta, uug ahilag maotu! Amu ig ikka ig aɗi hekkunignu oonig daatte amu, ig ihinig dabmak amuib aib dim lamidta oimut.

Jems 2:8

Kayaknu ɗo maɗoɗ ooppa dayaknu ɗo anuqak laa Kayak naippa daatte am inam. “Na nakka nahipnu oot mauhtte, amubia na laipad dilagnu ele oot mauhaɗ!” Anam amunu ag ɗo amu genab dim lamidkkulag dayeb, ag aakku kobol ena hekkulag.

Rom 12:15

Danab ag maɗoɗppan gamag ahak dootteb ele, ag ele oh maɗoɗppan gamag ahak doyeg! Danab gaappeg, ag ele oh gayeg!

2 Korint 11:29

Am danab auntai laa nug ɠagattag iitta dootte amu, da ele ɠagattag iitta bia iite doottem. Am danab auntai laa nug laanu eeɗakppa hipuninppa na qette amu, da amunu oo nauhak okkainab iite doottem.

Matyu 18:6

Danab laa nug nid nakok laa, nug dahilnu ooppa genab dootte ele, nug nuhig ooppa genab doyak heeb nauhkku dayeb amu, amuam naunab. Danab amunu amu, nug ii heum haenppa danab ag nug baagppa ee aeg ganuɗaknu men okkai qakkan, maoppeg yuppa noa mauhlo, amuam nakok nau, amge nug dayaya, nid nakok laanu ooppa genab doyak heeb nauhkku, amuam naunab nau.

2 Korint 6:3

Ig uɗat imu hetata daattem amu, danab ag ig anigna, uɗat imunu eheɗ doomnanu amu ig oiyak ihinig atognotata, danab ag ib apiɗidna nena qekkulagnu kobol laa ii hettem.

Pilipai 2:21

Danab laa oh ag akka ahilagnuib dabmenana, Jesus Kristusnu uɗat atognokkulagnu dab-ii-metteb.

Namba 32:6

Gad, Ruben danab ele ag anam aeg amu, Moses nug nai ahilag nob ma aum. “Ag lailkad ban hekkulagnu gobeppeg, ag imuppa daaglag am enate?

Esta 2:22

Amge Mordekai nug aa anam hekkulahnu hepiɗ amu doya, nug Kuin Esta amegppa aum. A amu, nug king amegppa amunu aum, amge nug Mordekai a doyomnu ele aum.