Pilipai 2:27 - Nobonob Baibel

²⁷ Amu genab, anukka nug oɗe ma mauhkkunu miagnab dayom, amge Kayak nuhignu oo gai-iitta doya oo metta ehanitta he, nug eɗua bau daatte. Am Kayak Nug nuhignuib oo ii doyom. Iitta. Nug dahilnu ele, uug okkainab da toniɗmanu oo doyom amunu Nug he, Epaproditus eɗua bau daatte.

Pilipai 2:27 Referans Kwoze

Sam 34:19

Uug kuɗum am genab tutukku hak danab dilagppa uɗitteb, amge Yawe Nug uug amu ohppan ehanatte, ag padal ii metteb.

Pilipai 2:30

Aɗinu? Nug Kristusnu uɗatppa mauhkkunu miagnab dayom, amge nug bau daakkunu am anuqak dab-ii-meum. Iitta. Nug ag da ehaniɗkkulagnu elele iitta daaeg doya, nug amu elele medakkunu am anuqaknu dabmak okkai awa, uɗat amu heum.

2 Korint 2:7

Amunu uug naunab danab amu tonamanu, ag bu mettak amu uuna, ag nuhig hipunin amu uhuqna mettan, ag oo mekkunu nug oo aweg!

1 Korint 10:13

Eheɗ haknu eeɗak laanab ag beɗulagppa ii bette. Iitta. Danab oh aotteb amuib. Amu Kayak Nug hanhan ehanigkkunu oo metta ii uuak kobol dim lamidtte amu, Nug eheɗ haknu eeɗak haenppa ele ehanigkku. Eheɗ haknu eeɗak amu na eɗidmanu Kayak Nug na ehanitta, eheɗ haknu eeɗak okkainab, na eɗidkkunu elele, amu bemanu amu Nug aib akku. Ge! Haen na eheɗ haknu eeɗak aottem ele amu, haen amunab Nug na eheɗ haknu eeɗak waappa daamnanu ɠagattag medakku, amu amuppa Nug eeɗak amu eɗidkkunu ib medakku.

Aposel 9:37

Amu Pita nug Lida dayeye, haen amuppa ah amu nug oɗe awa mauhe, laa ag mauhom gaɗa amu le laaidna, lag oo attan laa amuppa meeg dayom.

Job 5:19

Kayak Nug baubau ehanitteb, na qagaiettakppa ii daamna. Ge, haen kuɗum uug nahip-ppa bekkunu daakku, amge nahip-ppa ii bema.

Aisaia 43:2

Ag dahilad daatteb amunu, haen uug nau, uug amuam danab nug le umanab noa ukkak mataɗa laih gotte, amubia uug nau amu ahilagppa bekku amu, da ag ele daagnig. Ag dahilad daatteb amunu, haen uug nau, uug amuam danab nug le ui ele mataɗa laih gotte, amubia uug nau amu ahilagppa bekku amu, da ehanatten heppi, ag nena ii qemana. Ag dahilad daatteb amunu, haen uug nau, uug amuam danab nug aab aɗuppa oiyaya gotte, amubia uug nau amu ahilagppa bekku amu, da ehanatten heppi, ag aab ewakppa guittak ii aomna. Ge, aab aɗu amu ewattebeb, ag guittak ii aomna.

Habakuk 3:2

O Yawe, da na onin, binan okkai elenu nai doomi. Ao, O Yawe, nahip haknu amu, da dabmein, da ebehil oh bodoetta le mette. Da na nahip hak okkai baula gemu hekkutnu oɗ medattem. Ao, na ihinig haenppa nahip ɠagattag hak baula ippunigkkutnu oɗ medattem. O Yawe, na ihinignu oppoɗin beum daatte, amge na oppoɗin anam dayeye, na oo gai-iitta doya oo metta ehanittak kobol ele dabmekkutnu oɗ medattem.

Jeremaia 10:24

O Yawe, na dahil eheɗ hak anidna, da padal mepanu na nai doya mala hettoɗia epeɗia elele mettak kobol aakkuib dim lamidna, bu meɗakkutnu oɗ medattem. Na oot nauheb, bu meɗamnanu unuqidttem.

Jeremaia 8:18

O Ehanittak dahil, da uug doottem. Da ool am gai-iitta meum daatte.

Aisaia 38:17

Am genab, da ehaniɗkkutnu na uug naunab dahilppa bekkunu ib oo ii neme. Na dahilnu oot mauhe, na dahil hipunin oh uhuqna meɗe, iitta mena, da beɗulppa iinab daatteb amunu, na ehaniɗe, da padal ii memi.

Aisaia 27:8

Nug heeb, Israel ag guittak aoglag, amge ag nauhna autnanab ii aomna. Nug heeb, kekeɗ ag uɗin, Israel eɗadna, diin gona maadppeg, Israel ag diia ukka laih me dayak danab ah wan laappa daaglag. Ge! Nug heeb, kaɗag ɠagattagnab uɗia, ad uɗug keeke iwale gotte, amubia Israel ag wan laappa maniguittak bia anam gona daaglag.

2 King 20:1

Haen amuppa amu, Hesekaia nug oɗe ma, nug mauhkkunu miagnab dayeye, Amos bekka propet Aisaia nug aha, gumitta ukka, amegppa aum. “Yawe Nug atte. ‘Na mauhkkut amunu, na nahip keeke oh bappaidna, na mauhkkut. Na eɗun ena ii daamna,’ ” awa aum.

Jeremaia 45:3

‘Na ame. “O dahilnu gadonnab gadon. Aɗinu? Yawe Nug he, guittak dahil dayom amu, gemu guittak amu aakkuib ii daatte. Iitta. Gemu da oo doyak okkai ele doottem. Da gayeye, beɗul bahi ye, hik awe ena daakkulnu ib laa iitta,” ’ aon ame,” awa aum.

Pilipai 2:26

Aɗinu? Nug ag anadkkunu oo okkainab daatte. Ele amu, ag nug am oɗe elenu dooppig amunu nug amunu oo uug ele daatte.

Pilipai 2:28

Kayak anam heum amunu, da nug eɗue ahilagppa meppi gokkunu dabmak okkainab aottem. Aɗinu? Nug ukkeb, haen ag nug anidna, ag oolag gamag aheb, da amu dooppi amu, doyak amuam dahil ooppa uug doyak ele qeeb nekku.