Pilipai 2:22 - Nobonob Baibel

²² Amge ag dootteb, Timoti nug am danab enanag. Nug am nid mameg ele uɗat hettep, amubia nug da ele Nai Ena mehuqak uɗat heuɗ ukkom.

Pilipai 2:22 Referans Kwoze

1 Korint 4:17

Diig amunu da Timoti meppi, ahilagppa gokkunu hettem. Nug dahil nid danab, da nuhignu ool huana mauhtte. Nug Naɗinu oo metta ii uuak kobol dim lamidtte. Nug da Kristus Jesusnu daattem, nuhig kobol dim lamidttem ele amu, nug kobol amu ippunadkku. Da kobol anamib Kristen tamaniak aben ohppa ippunadttem.

2 Timoti 1:2

amu, da na Timoti, da nahipnu nai imu yaattem. Nahipnu amu da bekkalnab doyeye, ool ele mauhtte. Mame Kayak, amu Kristus Jesus, ihinig Naɗi ele, aa ahilah ehanittak okkai hamu mettak, amu ahilah oo gai-iitta doya oo metta ehanittak kobol, amu ahilah maɗoɗ ele nahip-ppa daaglagnu ool daatte.

1 Timoti 1:2

Amu da na Timoti, na Jesusnu ooppa genab doyakppa da bekkalnab daattem, da nahipnu uɗug imu iikku yaattem. Mame Kayak, amu Kristus Jesus, ihinig Naɗi, Nug ele, ahilah ehanittak okkai hamu mettak, amu ahilah oo gai-iitta doya oo metta ehanittak kobol, amu ahilah maɗoɗ ele nahip-ppa daaglagnu ool daatte.

2 Korint 2:9

Da ad uɗug anukka yaami amu, da ahilag kobol attemunab, da ag amelagppa nai keeke ohnu ain ippunadttem amu, ag nai amu dim lamidttebte o iittate, amu da dookkulnu yaami.

1 Timoti 1:18

O da bekkal Timoti, da propet nai na aɗi aɗi hekkutnu tamaniak ag na medappig amunu dabmein, da na ban danab ag ena daanna ban hetteb, na amubia daanna, uɗat nahip amu attem pehettak hekkutnu mattiak nai imuppa na ippunidttem.

2 Korint 8:22

Aria, ig am ig lainig laa ele meut, nug aa ele oh gotteb. Ig haen kuɗum uɗat digdigppa ig nuhig hak meta anidmut, am nug uɗat amu hekkunu nug elele ɠagattag heum. Gemu nug ag Korint daatteb amu, ag aɗi hekkulagnu appig amu ag hekkulagnunab daatteb dootte amunu, nug am uɗat amu hekkunu elelenab dootte.

Taitus 1:4

O Taitus, i oh ooppa genab doyak laippu aɗattep, ooppa genab doyak amuppa na da bekkalnab daattem amu, da nahipnu iikku yaattem. Mame Kayak, amu ihinig Eɗua Awikkak Danab Jesus Kristus ele, ahilah ehanittak okkai hamu mettak, amu ahilah maɗoɗ ele nahip-ppa daaglahnu ool daatte.

2 Timoti 3:10

Amge na da ele oiɗa, na dahil ippunittak nai, dahil oiyak kobol, uɗat da hettem ele diig aɗinu da hettem amu, na amu oh doottem. Na amu doon, na ooppa genab doyak dahil, oo bodoettak kobol dahil, oo mauhak kobol dahil, amu uug mawewe ɠagattag dayak kobol dahil ele na doottem.

Pilipai 2:20

Da danab laa Timoti bia iitta; Nug nukka aakkuib ag ena daaglagnu dabmak genab aotte.

2 Korint 8:24

Aria, ag oo mauhak ahilag amu ag ippunadppeg, Kristen tamaniak oh ag ahilag oo mauhak genabnab dooppeg amu ag dooglag, ig ag Korint hamu binalag ii mettem.

2 Korint 8:8

Da ami amuppa amu, da ag ɗo ii madattem. Iitta. Amge da danab laala ag uɗat pehettak hetteb ele andette, ag Korint ag aɗi heppeg ele anttena, da ahilag oo mauhak am keeke hamutai o iitta keeke genab eletai dookkul.

Aposel 16:2

Listranu Kristen am Aikoniamnu Kristen ele ag hak nuhig anidna, “Timoti nug danab ena,” aon appig.

Rom 5:4

Amu ig anam beta hebupput ukkeb amu, ig danab diig ena ele bekkunig. Aria, ig amubia ele beta hebupput ukkeb amu, ig keeke ena bekkunu dabmak aɗa dayak danab bekkunig.

1 Korint 16:10

Timotinu amu, nug Naɗinu uɗat da hettem amubia hette ele amunu, nug ahilagppa ta dayebeb, ag tutukku dabmeppeg, nug geha oo maɗoɗ ele ag oolagppa dayaɗ!

Pilipai 1:5

Aɗinu? Ag i ele oh Nai Enanu uɗat laippu digmakppanu heut, otala ukke, gemu ele ig iikku anam daattem amunu, unuqittak dahilppa da maɗoɗppan gamag ahak huan doyeye, da Kayak ag ehanadkkunu unuqittette,

Pilipai 1:7

Amu haen laa da maniguittakppa dayeye, haen laa da dimittim dayeye, da danab laala Jesusnu nai tabappeg nekkunu hetteb amu, nuhig nai nemanu da wagai mein, da ele nuhig nai ɠagattag qedette, Jesusnu Nai Ena ele madittem, haen amu oh amu da ag ele, ig oh Kayaknu ehanittak okkai hamu megatte ele amu aomut amunu, da oolppa ahilagnu enanag doottem am kobol ena; kobol tutukku.

Pilipai 1:12

O lailad, da ag imu tutukku dooglagnu ool daatte. Kobol da beɗulppa beum ele am Nai Ena ii tappe nette. Iitta. Amu he, Kristusnu nai naɗi mette.

Pilipai 1:16

Danab dabmak ena ele amu, ag am da Nai Ena ɠagattag qedakkulnu ippa maniguittakppa daattem dootteb amunu, ag dahilnu oolag mauhe, ag nai mehuqtteb.

1 Timoti 4:6

Na mattiak imu i laintad amelagppa madikkut dayeb, na tuɗidna, ooppa genab doyaknu nai, ippunittak nai ena aome ele aɗan dabmenan dim lamidkkut dayeb amu, na Kristus Jesusnu maɗi nid ena daakkut.