Pilipai 2:2 - Nobonob Baibel

² Aakku amu, gemu ag heppeg, da maɗoɗppan gamag ahak elelenab dookkulnu, ag inam hekkulagnu nakok ɠagattag unuqadttem. Ag dabmak laippu doyak ele laippu aona, ag akka akka oo mauhak laippu doona, ag laippu daan, neekkak laippuppa oiyeg!

Pilipai 2:2 Referans Kwoze

Rom 12:16

Ag oh laippu daan, oolag maɗoɗ ele dayeg! Ag dada kobol aib dim lamidppig. Iitta. Ag danab binag okkai iitta ele oh oiyeg! Ag akka ahilagib dabmena, “Da dakka iikku doyak ena ele,” aib appig.

1 Korint 1:10

O lailad, da Naɗi Jesus Kristus onigppa ag unuqadttem, ag obatak obatak daamnanu ag oolag laippu dayeg! Ag dabmak laippu, aɗi haknu laippu ele daaglagnu ag oolag laippunab dayeg!

2 Korint 13:11

O lailad, da gemu nai bagqein, da ag humadttem. Ag tutukku elelenab bena daaglagnu dabmak aon oiyeg! Ag da nai attem imu doona, ag dabmak laippu aɗan, oolag laippu mena, maɗoɗ dayeg! Ag anam heppeg amu Kayak, Nug oo mauhak diig, oo maɗoɗ diig ele daatte, Nug ag ele oh daaglag.

3 Jon 1:4

Ao, dahilad nid ag haen oh doyak diig genabib dim lamidna oitteb doyen amu, da maɗoɗppan gamag ahak okkai aottem; maɗoɗppan gamag ahak laa am maɗoɗppan gamag ahak amu eɗidkkunu elele iitta.

Aposel 2:46

Ag anam henan, ag oh oolag laippu daanna, deɗ oh Kayaknu mettid lakka gonana, Kayaknu nai dooppig. Amge ag laulkad anen anen oh oina, ag oo gamag ahak doonna, ag Kayak amegppa, “Ena hen mekkame,” anana, ee lappig.

2 Jon 1:4

Ao, da nahipad nid naunau laala ag doyak diig genabib Mame Nug ig anam dim lamidkkunignunab aum ele amu, ag amu dim lamidna daatteb doyena, da maɗoɗppan gamag ahak okkainab doottem.

2 Tesalonaika 2:13

Amge O ig lainkad ag, Naɗi Nug ahilagnu oo mauhtte amu, ig ahilagnu hanhan Kayak amegppa, “Ena heme,” aot akkunignab. Aɗinu? Kayak Nug digmakppanu ag eɗua diikkunu tituanattom; amu eɗua diiak amunu diig laa am Kayak Ouɗi Nug he, ag oppiaawak daatteb, diig laa am ag doyak diig genabibnu oolagppa genab dootteb.

Kolosi 2:5

Da ag ele oh ii daattem, amge da dahil dabmakppa amu da ag ele oh daattem bia doyeye, da ag uɗat ena tutukku hena, ag Kristusnu oolagppa genab ɠagattag dootteb ele amu, da amu oh anidttem amunu da enanagnab doottem.

Pilipai 4:2

Amu aa Yuodia, Sintike ele, aa nai imu dooya autya aoglahnu unuqat-ttem. Aa Naɗi onigppa aa oo mak laippu aoya dayeɗ!

Pilipai 2:20

Da danab laa Timoti bia iitta; Nug nukka aakkuib ag ena daaglagnu dabmak genab aotte.

2 Korint 7:7

Am Taitus uɗiom amuppaib ig oonigppa oo mak ii doomut. Iitta. Ag Taitus oo mak mettaeg, nug nai amu awa uɗia, ig amenigppa mattie, ig oonigppa oo mak doomut. Am laa amu, Taitus nug ig amenigppa ag da aniɗkkulagnu oolag huan daattenu, kobol naunu ag oolagppa eheɗ doyona gaattebnu, ag dahilnu dabmak huan aottebnu aum amunu, da maɗoɗppan gamag ahak huana doomi.

2 Korint 2:3

Da nai matu ahilagnu yaami amu, da diig imunu yaami. Ag da maɗoɗppan gamag ahak meɗaglagnu daatteb, amge ⌊ag uug laala ii bappaidppeg da ahilagppa golom amu, da oolppa uug doolom amunu,⌋ haen da ukken, ag uug laala ii bappaidppig anttena, da oolppa uug doopanu nai amu yaami. Ahilagnu amu, da ag aɗi kobol tutukku hekkulagnu maɗoɗppan gamag ahak meɗatte dootteb amu, da ag ele amunu maɗoɗppan gamag ahak dootteb genab doomi.

Aposel 5:12

Aria, haen amuppa danab ah oh ag Jesusnu oolagppa genab dooppig ele ag hanhan Kayaknu mettid lagnu aɗ ooppa, aben laa Solomonnu Aben atteb, amuppa qagmedappig. Qagmenan oinna, totol danab 12 ag aabppan danab oolagppa Kayak dabmettaknu kobol danab haknu elele iitta kuɗum digdig, amu uɗat ɠagattagnab ele heppig.

Aposel 1:14

Danab amu ag oh oolag laippu mena, haen kuɗum danab ah laala ele oh qagmena, unuqidnana daappig. Danab ah amuam Jesus anig Maria, Jesus amakkud amu ah laala ele.

Pilipai 1:4

Da ag oh, ahilagnu unuqittette, da hanhan maɗoɗppan gamag ahak doyeye unuqidttem.

Jon 3:29

Amunu amu da am nid baunu kadoi bia. Nid bau nug ah aotte amu, ah amuam nuhigib, amge kadoi nuhig nug layag ah aotte doya, maɗoɗppan gamag ahak dootte. Nid baunu kadoi nug maɗoɗppan gamag ahak amu dootte, amubia da Jesusnu oolppa maɗoɗppan gamag ahak okkainab doottem.

2 Timoti 1:4

Da ⌊na uuittitti⌋ na amen leb neum amu amelppa doodo, da maɗoɗppan gamag ahak ambak ele dookkulnu na gumitten gokkulnunab dabmettem.

Aposel 2:1

Aria, haen Juda dilag deɗ okkai onig Pentikos, deɗ amu uɗie, laa Jesusnu oolagppa genab dooppig, ag oh aben laippu appa qagmeppig.

Pilemon 1:20

Ao layal, Naɗi onigppa na dahil dabmak dim lamidkkutnu oɗ medattem. I oh am Kristusnu daattep amunu, na kobol amuib heppe, da ool ena daakku.

Sam 122:8

Da baeladppa, da lailad ele Jerusalem ippa ina daatteb amu, da ahilagnu dabmak anuqak awen, da, “Jerusalem ippa maɗoɗ daakkunu ool daatte,” attem.