Pilipai 2:17 - Nobonob Baibel

¹⁷ Ag Jesusnu oolagppa genab dootteb, diig amunu ag Kayak waappa daan, Nug oɗe dim lamidtteb. Anam amu, amuam ag doɗ manan Kayak medatteb bia. Aria, da am wain gokkaɗaknu ofa ahilag mana mettak amu qaɗeppa gokkaɗaknu bia daakkul dayeb amu, da maɗoɗppan gamag ahak doottem, amu da ag ele maɗoɗppan gamag ahak amu dooglagnu ool daatte.

Pilipai 2:17 Referans Kwoze

2 Timoti 4:6

Dahilnu amu, da mauhkkulnu haen miag do, da gokkulnu aakku haen malom; danab ag wain gokkaɗaknu ofa Kayak medatteb, da amubia daattem.

Rom 15:16

da iitta aɗi ag oolagppa uɗat hekkulnu Kristus Jesusnu maɗi nid bemi. Da iitta aɗi ag Kayak Nug oo daatte amubia daaglagnu, Kayak Ouɗi Nug heeb, ag oppiaawak danab bena daaglagnu, da ag diie, Kayak medakkulnu mana mettak danab bia bein, Kayaknu Nai Ena mehuqttem.

2 Korint 12:15

Aria, da am dahil keeke oh ahilagnu agappi gokkunu uug laa ii doottem. Am dahil bau dayak ele, ag ehanadkkulnu maoppi gokkunu uug ii doottem. Da oo mauhak ahilagnu huanak doottem dayeb, ag amu anidna, ag dahilnu oo mauhak nakokib dooglagte?

Kolosi 1:24

Amu da gemu beɗulppa guittak maottem imu amu, da amunu maɗoɗppan gamag ahak doottem. Aɗinu? Da Kristusnu Kristen tamaniak, amuam Nug beɗu aakku amu, da tamaniak amu ehanidkkulnu ool daatte. Guittak Kristus Nug Kristen tamaniak ehanidkkunu mawom amuam daatte, amge guittak da dakka beɗulppa maottem imuam da amuppa hei, Kristus Nug guittak mawom amu aakku ambette.

Pilipai 1:20

Amu da keeke laa hekkulnu dabmak aɗe daattem, am keeke amu ele da genab hekkulnu maittak aomi daattem amu, amuam da uɗat, Kayak da hekkulnu meɗom amu, da uɗat amu eleleib hein maloya, da uɗat heminu uɗa nak laa ii doopa. Yo, da geha iikkunab, am haen oh ele, da aɗi hekkul amu, da ii baɗeɗe heinne, da amuppa Kristus Nug binag okkai medakkulnu ool naɗi daatte. Da bau daakkulte, iitta da mauhkkulte, amuam keeke okkai iitta, amge da beɗulppa keeke oh bekku ele amu, da keeke amu ohppa Kristus binag okkai medakkulnu ool daatte.

2 Korint 7:4

Da nai tutukku miag ag amelagppa attem, da ag tutukku oittemnu oolppa genabnab doottem. Da ahilagnu enanagnab doottem. Da oo ɠagattag qettak doottem. Uug kuɗum ihinigppa betteb, amge amu ohppa da maɗoɗppan gamag ahak huanak doottem.

1 Jon 3:16

Kristus Nug ihinignu mauhom, amuppa ig oo mauhak kobol doottem. Amubia ig ele ig lainkad dilagnu mauhkkunignu daatte.

Rom 12:1

Amunu O lailad, Kayak Nug ahilagnu keeke okkainab heum amunu, da ag akka ag danab nug doɗ mana Kayak medatte, amubia ag bau daanna, meulkad oh Nug mettaglagnu unuqadttem. Ag meulkad oh ag Kayaknu oppiaawak ele daanna, Kayak oo niitte bia ele daanna, ag Nug metteg! Ib amuppa ag genab Nug noobppa dup nona binag mettaglag.

1 Pita 2:5

Nug he, ag ele men bau daatte bia beegeg, Kayak Nug nuhig tamaniak, lag bia, ahilagppa hette. Amuppa ag mana mettak danab oppiaawak ele daanna, ag keeke Kayak oo niitte ele, Jesus Kristus onigppa mana mettak bia Kayak keeke amu mettaglag.

1 Tesalonaika 2:8

Ig ahilagnu oonig huana mauhom amunu, ig Kayak toppanu Nai Ena apput dooglagnu oonig dayeye heta, ig ag ena daaglagnu mauhlom amunu ele elele doomut. Aɗinu? Ig ahilagnu am ig lainkadnab doomut.

Pilipai 4:18

Ag Epaproditus eppegppa keeke meeg dahilppa uɗiom amu, da awen, da keeke kuɗumnab, elelenab daattem. Keeke ag meɗappig ele, keeke amuam mana mettak muttuɗig ena ele ag Kayak medappig bia daatteb. Kayak Nug mana mettak anam awa amu, Nug oo enanag ele daatte.

Pilipai 2:30

Aɗinu? Nug Kristusnu uɗatppa mauhkkunu miagnab dayom, amge nug bau daakkunu am anuqak dab-ii-meum. Iitta. Nug ag da ehaniɗkkulagnu elele iitta daaeg doya, nug amu elele medakkunu am anuqaknu dabmak okkai awa, uɗat amu heum.

Aposel 21:13

Ig anam amut, amge Pol nug aum. “Ag aɗinu anam gaan, aakku da oolppa guittak okkai meɗatteb? Da Naɗi Jesus onig attan ta daakkunu Jerusalem appa maniguittakppa daakkulnu am elele doottem, amge amu aakkuib iitta. Da Jerusalem appa, Naɗi Jesus Nug onig attan ta daakkunu mauhkkulnu ele elele doottem,” awa aum.

Aposel 20:24

Amge da amunu ii dabmettem. Da beɗul bau daakkunu amu, da dabmak amu ɠagattag ii aɗattem. Iitta! Da ib Naɗi Jesus ippuniɗa, uɗat ele meɗom amu, da amuib tuɗitten oiyeye gog tekkulnu dabmettem; amuam Kayak Nug nuhig ehanittak okkai hamu megakka, eɗua awikkunu Nai Ena, nai amu mehuqppi danab ah dooglag.

Namba 28:6

Mana mettak amuam manaknu ofa, ag deɗ deɗ hekkulagnu, Yawe Nug qauko Sinai appa anam hena mettaglagnu aum. Mana mettak amuam Yawe mettaknu aab aɗunu ofa; nuhig muttuɗignu Yawe Nug ooppa ena dootte.

Namba 28:7

Ag sipsip gaiɗ mainna amu, ag 1 lita wain aon, ag wain gokkaɗaknu ofa heig! Amuam wain gokkaɗaknu ofa aakku; ag Yawe, ag nuhig mettid haknu peh lakka appa gokkaɗna, Nug mettaglag.

2 Korint 6:10

Ig am oonigppa uug elenab, amge haen oh ig maɗoɗppan gamag ahak doottem. Ig daɗek danab bia daattem, amge ig am danab kuɗum keeke kuɗum madattem. Ig am eppenigppa keeke laa ii daatte bia, amge keeke oh am ig aɗattem.

Pilipai 2:18

Anam amunu ag ele maɗoɗppan gamag ahak doobppeg, ag da ele oh ig maɗoɗppan gamag ahak dootu!

2 Korint 4:12

Anam amunu, ig mauhak ibppa daatta, Jesusnu nai mehuqutut, ag Korint, ag nai amu oolagppa genab doona, bauklel aotteb.