Pilipai 2:14 - Nobonob Baibel

^14-16 Ag anam henana, ag Kayaknu neekkakppa oolagppa kaliak laa iitta, oppiak ele wan imuppan kobol eheɗ ooppa, wan imuppan eheɗ hak danab ele oolagppa, Kayak bekkod oolagppa kaliak laa iitta ele daaglagnu, ag aɗi hetteb ele amu, ag naittuɗ mak, a ona a doak ele uuna heig! Ag hoɗoppai gatatuppa amahalna, miag atiak daatteb, amubia ag am Kayaknu danab daatteb, doyak amu miag atiak daakkunu ag nai bauklel ele aɗan, wan imuppanu danab laa, ag kobol tutukku uuna, eheɗ hetteb ele amu, ag amu ippunadkkulagoitte. Ag anam hekkulag dayeb amu, da Kristusnu deɗppa ahilagnu oo gamag ahak dookkulnu, da uɗat hamu ii hein, ɠagattag dahil hamu ii kakidmi ele dookkulnu elele daakkul.

Pilipai 2:14 Referans Kwoze

1 Pita 4:9

Ag lailkad dilagnu nug ehanittak kobol naittuɗ mak iitta ele dim lamidna heig!

1 Korint 10:10

Amu ag Kayaknu naittuɗ, Israel oolagppa danab ah laala heppig bia aib heppig. Ag Kayaknu naittuɗ nai mattieg amu aqakkunu engel nug aqe mauhppig.

Pilipai 2:3

Ag akka akka ahilagnuib dabmenan, keeke laa aib heppig. Amu ele ag akka hamu onilag humanna, keeke laa aib heppig. Ag akka ag onilag qeppeg neeb, danab laa dilagnu, “Da ag eɗadttem,” aib dooppig.

Jems 5:9

O lailad, ag lailkad ele aib nug naittuɗ meppig. Ag kobol amu hekkulag amu, Kayak Nug ag epeɗiatta, nob nau madakku. Amu Epeɗiak Danab Nug dokkunu haen miagnab malom daatte.

Rom 12:18

Maɗoɗ dayaknu amu, ag aɗi aɗi heppe, maɗoɗ ba daakkunu daatte amu, ag amu henana, laa dilag ele maɗoɗ daaglagnu ib daatte ele, ag ib amu dim lamitteg!

1 Tesalonaika 5:15

Danab ag ahilagppa kobol nau laa heppeg, ag amunu eɗun nob nau aibnab meppig. Ag haen oh kobol ena, lailkad amu danab laa ele ahilagppa hekkulagnu ɠagattag dayeg!

Jems 1:20

Aɗinu? Danabnu oo nauhak am genab tutukku hak kobol, Kayak Nug ig amu dim lamidkkunignu oo hette amu, am kobol amu he ii bette.

Galesia 5:26

Ig aɗi kobol hepput, ig lainkad oo nauhak dooglag amu, ig kobol amu ii hemata. Ig laa dilagnu ameg qe oo elele ii dayak kobol ele ii hemata. Ig amubia ii hetata amu, ig dada kobol ele aib hemut.

Galesia 5:15

Amge ag oolagppa akka akka naippa nug qemananu, ag nug emalak hemananu amu dabmeig! Ag anam hekkulag am ag oh padal mekkulag!

Jems 3:14

Amge laa dilagnu amelag qe oolag elele ii dayak kobol ninig ele ag oolkadppa daatte dayeb, amu akka akka ahilagnuib dabmak awak kobol ag oolkadppa ele daatte dayeb amu, nau amu tonattepnu ag dada mattiak, nai hambuppuak ele aib madippig.

Rom 14:1

Aria, danab laa nug ooppa genab doyak nuhig ɠagattag iitta dayeb amu, ag nug aon tamaniak ahilag ooppa omalna noig! Amge ag dabmak laala, dabmak amuam keeke anuqaknu iitta, danab oh ag amunu ele dabmak laippu ii aotteb amu, ag nug ele amunu aib nai appeg ona appeg doum.

Sam 106:25

Ag wan amuppa nokkulagnu elele, amge ag peh ahilkadppa daan, naittuɗ meppig. Ag pehppa daanna, naittuɗ menana, Yawe oɗe doon hekkulagnu uuppig.

Jut 1:16

Danab amu ag naittuɗ mak naunab metteb. Ag ahilagppa kobol aɗi bette, ag amunu oolag nauhtte. Ag beɗu kobol eheɗ ahilag dim lamidtteb. Ag akka beɗulag humaglagnu oɗelag alala ebatte. Amu ag danab laa dilag keeke aoglagnu dittuanin mattan, oo eeɗaknu nai ittag ele maditteb.

1 Pita 3:11

Nug eheɗ hak dimetta, kobol ena haɗ! Ao, nug laa ele maɗoɗ ele daaglagnu wagai maɗ!

Hibru 12:14

Amu ag danab laala ele ag oh maɗoɗ ele daanna oiglagnu uɗat ɠagattag hena, ag oppiaawak kobolppa daaglagnu ele wagai meig! Aɗinu? Danab laa nug oppiaawak iitta ele, nug Naɗi anidkkunu elele iitta.

Rom 16:17

O lailad, nai ag aoppig amu, danab laala ag nai amu tappaeg neene, ag heeg, tamaniak ooppa obatak obatak daatteb, danab ah dilag ooppa genab doyak ele kobolitteb amu, da ag Rom daatteb, da danab amu dilagnu dabmena autna aoglagnu dabmak ahilkad maɗedattem. Ag danab amu dilagnu awaidna, dekkaɗnana dayeg!

Aposel 15:2

Ag anam aon aeg, Pol, Barnabas ele nai amu dooya, amunu ena ii dooya ahaeh, Juda ele huanak aeg ona aeg doum amunu, Kristen ag Pol, Barnabas amu danab laala oolagppa genab dooppig ele ag ahan, Jerusalem goppeg, totol danab amu ikki danab ele ag nai amu bappaidkkulagnu otiadppig.

Aposel 6:1

Ag Jesus Kristusnu Nai Ena mehuqegeg, haen amuppa danab kuɗum Jesusnu oolagppa genab doyegeg, tamaniak amu tuɗittegeg okkai meum. Anam beebe, tamaniak danab ah oolagppa ameg laa ag Grik nai madittappig, ag ahan ameg laa Hibru nai madittappig, ag ag ele aeg ona aeg do amelagppa appig. “Ag deɗ oh uɗat imu tippaltteb. Ag ah qab ahilkad, ag ee iitta ele, ag ee madatteb, amge ag ihinkad ah qab daatteb amu, ag ii ehanadtteb,” aon appig.

1 Tesalonaika 5:13

Ahilag uɗat, diig amunu amu ag ahilagnu oolagppa ena doonna, ahilagnu oo mauhak ele doon autna aweg! Ag akka akka lailkad ele maɗoɗppaib daanna oiyeg!

Namba 14:27

“Danab ah nau imu ag da hettemnu haen kuɗum naittuɗ meegeg uɗie, gemu ele hetteb; amu haen gane laa ele ukkeb, ag amu hak uuglag. Israel danab ah imu, ag am naittuɗ mak danab ah, da ahilag naittuɗ mak amu doomi.

2 Korint 12:20

Haen da ag gumatte ukke tein, da ag danab attem daaglagnu ool daatte amu, da anam bia ii anadkkulnu, ag ele da aniɗna, da danab attem daakkulnu oolag daatte, ag anam bia ii aniɗkkulagnu amu, da ool ii daatte. Da nai a ona a doak kobol, dahil doya laa aomanu doyak aɗa dayak kobol, nai hak kobol, obatak obatak dayak kobol, baeg qak kobol, dimug nai mattiak kobol, beɗuppa tak kobol, Kristen tamaniak kaboliak kobol ele amu, da amu anidkkulnu ool ii daatte.

Aposel 15:39

Pol anam doyom amu, aa amunu nai okkai mattiya hepiɗ amunu, aa uɗatppa laippu baula ii oidpiɗ. Iitta. Barnabas nug Jon Mak awe, aa uub laappa teya, Saiprus gopiɗ.

Aposel 15:7

Qagmena ag amunu nai kuɗum mattin hena, Pita nug aha amelagppa aum. “O lailad, ag imu dootteb. Anukka Kayak Nug uɗat ig mekkowa, Nug da iitta aɗi amelagppa Nai Ena appi, ag doon oolagppa genab dooglagnu otiɗom.

Mak 14:5

Nug leppu amu meeb, danab laa nug maɗ laippunu uɗat nob eɗittak daden meeb, men doɗo amu daɗek danab mattalo am ena,” aon appig. Ag anam anana amu, ag ah amu eheɗ aidppig.

Matyu 20:11

Haen ag anam aona amu, ag dad mameg aidna,

Prowerb 13:10

Dada hak danab nug laa oɗeppanu ulum ena awaknu uutte amunu, nug laa ele, ag nug uɗa aoɗtteb; amge laa nug ulum ena awa, ooppa mette amu, nug am doyak dabmak ena ele.

Mak 9:14

Jesus Nug nuhikkud ippunittak awak danab ewam ele ag anam anana amu, ag nuhikkud ippunittak awak danab laa gumadna gona, ag danab ah kuɗumnab qagmena, ippunittak danab laa taliliadna daaegeg, ɗo mehuqak danab laala ag Jesusnu ippunittak awak danab ele ag a ona a doak nai madippig ele anadppig.

Luk 5:30

Laegeg amu ɗo gumak danab-Parasia amu ɗo mehuqak danab laala, ag ɗo gumak danab-Parasia huuppa daappig ele amu, ag ele Jesusnu ippunittak awak danab noolagppa nai hena, amelagppa appig. “Aɗinu ag takis awak danab, danab ag ihinig ɗo oh ii dim lamidtteb ele, ag ele oh daanna ee, le ele latteb?” aon appig.