Pilipai 2:13 - Nobonob Baibel

¹³ Aɗinu? Kayak Nug hanhan, ag Nug oo niitte bia, nuhig uɗatnu dabmaknab aon, amu hekkulagnu oolagppa uɗat hette.

Pilipai 2:13 Referans Kwoze

2 Korint 3:5

Genabnab ig ikkaib uɗat imu hekkunignu am elele iitta. Keeke anam daatte amunu, ig ikka keeke laa hemut amunu ii amata. Iitta. Kayak Nug nukka he, ig uɗat imu hekkunignu elele daattem.

2 Timoti 1:9

Kayak Nug ig eɗua awikkom, ig nuhikkud danab ah oppiaawak ele daagnignu oninigppa eum. Nug ihinig uɗat nobnu oninigppa ii eum. Iitta. Nug nukka Nug maittak awom amu, Nug nuhig ehanittak okkai hamu mettak, Kristus Jesusnu uɗatppa beum, Nug amu dabmaama, oninigppa eum. Nug ehanittak okkai hamu mettak amu ig megakkunu anukkanab, keeke ii dayom haenppa, babaitta ig mekkom daatte.

Rom 9:16

Anam amunu, Kayak Nug anam hette, amunu diig am danab laa nuhig dabmakppanu keeke iitta, uɗat ena hette amuppa ele iitta. Amuam Kayak Nug oo gai-iitta doya oo metta ehanittak kobol nuhig, Nug amuppa hette.

1 Korint 15:10

Amge Kayak Nug da ehanittak okkai hamu meɗe, da gemu attem daattem amu ehanittak nuhig amuppa da aakku daattem. Nug da ehanittak okkai hamu meɗe amu, da ii kakidmi. Iitta. Da uɗat ɠagattag hei uɗie, gemu ele hettem. Totol danab laa ag da uɗat ɠagattag hettem bia ɠagattag ii hetteb, amge da dakka ii hettem. Iitta! Kayak Nug da ehanittak okkai hamu meɗe, da amuppa amu hettem.

Jon 3:27

Anam aeg amu Jon oɗelagppa awa aum. “Kayak Nug hab aabppanu keeke laa danab eppegppa ii meeb amu, danab nug nukka nuhig dabmakppa keeke amu aokkunu elele iitta.

Epesus 1:11

Ig Kristusnu uɗat okkaippa Kayak bekkod daattem. Kayak Nug keeke oh attem bekkunu dabmette amu, anamib bette amunu, Nug ig nuhikkudnab daagnignu dabmaama meikkom daatta, ig Nug bekkod daattem.

1 Korint 12:6

Uɗat digdig, amu haknu ib piɗe piɗe ele daatte, amge Kayak laippu, Nugib uɗat amu haknu ɠagattag danab oh ag uɗat amu hekkulagnu madatte.

2 Tesalonaika 1:11

Ig amunu dabmetata, ig haen oh Kayak ahilagnu unuqidttem. Ig Kayak, Nug ag onilagppa eum amu, ig Nug ag ehanatteb, ag nuhig ewak baag amu elele dim lamidkkulagnu Nug unuqidttem. Laa ele Kayak Nug ag ɠagattag matteb, ag kobol ena oh hekkulagnu hetteb ele amu henana, ag uɗat oh Kristusnu oolagppa genab doon hetteb, amu ele genab hekkulagnu ig unuqidttem.

Epesus 1:5

Nug anukka dabmaknab awom, oo ele niiom bia amu, Nug Jesus Kristusnu uɗatppa ig tainig mawa, Nug bekkod daagnignu meikkom daattem.

Epesus 2:8

Ag Kayaknu oolagppa genab dooppig amu, amuppa Kayak Nug ehanittak okkai hamu matta, Nug ag eɗua diia, bauklel mattom. Nug ahilag uɗat, Nug amunu dabmaama ii mattom. Iitta! Nug ag ahilag daakkunu hamu mattom.

1 King 8:58

Da Nug heeb, ihinig dabmak oh nuhigppa ukkeb, geha ig oonig Nug mettota, ib ena nuhig oh ig amuppa oignignu, amu haknunab anak nuhig oh, amu ɗo iɗu iɗu oh ele Nug ig mamenkad aɗi mattom amu, ig amu dim lamidkkunignu ele ool daatte.

Sam 119:36

Da keeke nau laalanu ool ittag qeebeb aokkul am nau. Da nahip ɗo doyen dim lamidkkul, amuam ena amunu, na da ɗo nahip dim lamidkkulnu ehah meɗakkutnu oɗ medattem.

Luk 12:32

O lailad, ag aib baɗappig. Da Mamel Nug nuhig ɗo maɗoɗ ag madakkunu oo daatte.

Epesus 1:9

Anukka Kayak Nug nukka nuhig dabmaknab awakppa Kristusnu uɗatppa ehanigkkunu oo ha dabmeum amu, Nug dabmak amuib dim lamitta he, ihinigppa miag atiom.

Jon 6:65

Jesus Nug anam ana, Nug nai tuɗitta mattiaya aum. “Diig amunu da ag amelagppa ami. Laa nug nukka nuhig dabmakppa amu da gumiɗa ii doma. Iitta. Mame Nug laa ehanidtte, nug aakkuib da gumiɗa dotte,” awa aum.

Jeremaia 32:38

Ag dahilad danab ah daaglag, da ahilag Kayak daakkul.

Rom 9:11

amge Kayak Nug danab tituanadtte, Nug nug tituana nai qakkak amu danabnu uɗat dabmedatta ii hette, Nug nukka nuhig doyak dim lamitta hette ele amu, Nug amu miag atiak daakkunu, haen aa anilah nid aɗit amu ii menuatom amunu, aa kobol ena, kobol eheɗ laa ii hepiɗ ele,

Jeremaia 31:33

Amu Yawe Nug imu ele atte. “Anam amunu, nug tituana nai qakkak bau, da heppi, ag Israel danab ah, da ag ele haen amuppa hekkunig am inam. Da heppi, dahil ɗo oh ahilag dabmakppa daakku. Ao, da heppi, dahil ɗo oh ag oolagppa daakku. Da ahilag Kayak daakkul, ag am dahilad danab ah daaglag.

Prowerb 21:1

King nug Yawe eppegppa daatte, amuam lenag bia. Ao, Nug le ippu adeppa gokkunu he, le gotte bia, Nug kingnu dabmak attem bekkunu he bette.

Esra 1:1

Anukka Persia dilag king Sairus nug Babilon dilag king daye, nuhig king dayaknu maɗ tatamnu Yawe Nug nai Jeremaia oɗeppa mattiom ele meu okkunu, Nug Sairus nuhig dabmak maɗette, nug wan oh nug gumaama, nai laa pepappa ya me, ag oh, ahilagppa ukkom.

Esra 7:27

Yawe, ig mamenkad aɗi dilag Kayak, Nug he, king nug Yawe laug Jerusalem appa daatte, nug lag amu binag mekkunu anam dabmeum amunu, ig Kayak binag metu.

Esra 1:5

Sairus nug anam mattie, Juda baekkudppan ikki danab, Benyamin baekkudppan ikki danab, Lewi buɗubppan mana mettak danab, amu Lewi buɗubppan mana mettak danab iitta, ag ele, aria danab ah aun laa ele Kayak Nug ag eɗun gokkulagnu ahilag dabmak maɗettom ele, ag ahan gona, Yawe laug Jerusalem appa buuglagnu dabmenan, gokkulagnu bappaidppig.

2 Stori 30:12

King, nuhikkud ehanittak anuqak danab ele ag Yawe Nug ag Pasowanu aɗi hekkulagnu ippuanattom hekkulagnu haknunab appig amu, Juda appa Kayak Nug he, Juda danab ah ag nai amu dim lamidkkulagnu dabmak amu aon dayeg, dabmak amu ɠagattag dayom.

Jon 6:45

Propet dilag yaakppa, nai inam niitte. ‘Danab ah oh am Kayak nukka nuhig kobol ippunadkku.’ Aria aun aɗi Nug ag ehanatta ippuanatte, ag Mame oɗe doona, nuhig kobol aona amu, ag dahilppa dotteb.

Aisaia 26:12

Ig aɗi uɗat ena hemut ele amu, na ihinig uɗat amunu ulum mekkae, ena beum amunu, O Yawe, na heppe, nahip maɗoɗ ihinigppa ba daakku, ⌊da oolppa genab doottem⌋.

Sam 141:4

Na da ehaniɗppe, kobol nau haknu oo hak dahilppa ii daamanu oɗ medattem. Ao, na da ehaniɗppe, laa kobol nau hetteb ele amu, ag oolagppa dayaknu oo hak dahilppa ii daamanu unuqidttem. Danab eheɗ hetteb ele ag eheɗ henana, keeke aon, gamalag ahatte, amge da ag hetteb bia hepanu na ehaniɗna, na dahil ib amu oo nekkutnu oɗ medattem.

Nehemaia 2:4

Da anam ai, king nug da oɗ meɗom. “Anam, amge na aɗi hekkutnu dabmettem?” awa oɗ meɗom. Nug anam oɗ meɗe, da Kayak hab attan daatte ⌊oolppaib⌋ unuqitten,

1 Pita 1:3

Ig Kayak, Nug am ihinig Naɗi Jesus Kristus Mameg amu, ig Nug binag metu! Aɗinu? Nug ihinignu oo gai-iitta doya oo mekka ehanikkom. Jesus Kristus mauha, eɗua hibaittom, amuppa ig bau menuak mekkom. Nug ig amu mekkom amunu, ig Kayak noobppa bauklel ele daagnignu genab dootta, amunu dabmak aɗat oittem.

Aposel 11:21

Ag anam heegeg, Naɗinu ɠagattag ag ehanattette, danab ah kuɗum ag oolagppa genab doon, oolag eɗue, ag Naɗi oolag medappig.

Sam 110:3

Deɗ na kekeɗ nahip eɗadkkutnu banelag gokkut amu, nahipad ban danab ag gamag ahak doon, dim lamidkkulag. Ao, nahipad ban danab ag nid bau kuɗum, ɠagattag ele, ag genab nahipnu tituanak daatteb amu, ag na dim lamidkkulagnu buttuanab ahan daaglag.

Job 33:29

Danab eɗua, tutukku oiyaya mauhmanu, Kayak Nug ena neekkitta ehanitteb, bau daakkunu, Kayak Nug kobol amu haen laippuib danab anen anen dilagppa ii hette. Iitta. Nug haen aɗit o deɗ laala haen ewam aakku anam hette.

Luk 2:14

“Kayak Nug attannab daatte; ig Nug binag amahlak oppiaawak ele metu! Wanppanu danab, ag nuhignu daatteb amu, ag maɗoɗ mattom,” aon appig,

Rom 12:3

Kayak Nug da ehanittak okkai hamu meɗom amu, da amuppa ag anen anen amelagppa attem. Ag akka anen anen ag, “Dahil hak, dahil oiyak ele am enanag,” amge nahip hak, nahip oiyak ele am melemel amuppa ii bette amu, ag anambia aib dabmeppig. Iitta. Kayak Nug ooppa genab doyak ahilag ag anen anen matte, ag uɗat hetteb ele amu, ag amu dabmenan, ag akka anen anen ag dabmak tutukku aon oiyeg!