Pilipai 2:12 - Nobonob Baibel

¹² Aria gamalad, anukka da ag ele daamut, haen amuppa ag hanhan Kayak oɗe dim lamidttappig, amubia gemu da ag ele ii daattem, da laih daattem amu, gemu ele ag nai nuhig dim lamidkkulagnu huana dabmenana heig! Amu Kayak Nug ag eɗua diiom, ag amu gogppa tekkunu ag nuhignu ag ebehilag oh bodoetta le meeb, ag oolag ottaiebeb, ag Nug oɗe dim lamitteg!

Pilipai 2:12 Referans Kwoze

1 Korint 15:58

Anam amunu O lailad, ag ɠagattag dayeg! Bittumttum amu aib goppig! Ag hanhan Naɗinu uɗat yagbak ele heig! Aɗinu? Ag dootteb, ag Naɗinu uɗat hetteb, amu geha hamu ii qettoɗma.

Hibru 4:11

Amunu ig ele hik awak amu aot daagnignu Kayak Nug amunu aɗi atte amu ig hetu! Ig anukka Israel ag Kayak oɗe tappaeg neum bia padal mekkunignu ii hemata.

1 Pita 2:11

O lailad, ag laihnu danab, aab diig danab iitta wan imuppa daatteb amunu, da ag beɗulagnu kobol nau, kobol amuam ag hanhan ig Kayak amegppa danab ena daamtanu wagai metteb ele amu, ag kobol amu ii hemananu dabmak maɗettak nai iikku madattem.

Matyu 11:29

Ag gugappan tuqai dahil aon gukkalagppa mewona, ag dahilppa dabmak aweg! Aɗinu? Da am wagai mak danab iitta, amu da am oo doyak ele. Ag anam henana, ag oolagppa uug iitta oiglag.

Pilipai 1:27

Anam, amge aɗi kobol bekku amu, ahilagnu keeke anuqak daatte am, ag oiyak ahilagppa, ag Kristusnu Nai Ena ag amu attem oiglagnu ippunadtte amu, ag anam dim lamidnana tutukku eleleppa oiyeg! Ag anam heppeg amu, da ag anadkkulnu gokkultai, iitta da naippulagib dookkultai am keeke okkai iitta, amge da ag oolag laippu ele daanna, ag dabmak laippu tamanin, ag nug ehanidnana, Jesusnu ooppa genab doyak ahilag aɗan daatteb dookkul.

Aisaia 66:2

Da keeke amu oh hattami amunu, ag beppig daatteb.” Yawe Nug anam atte. Amu Yawe imu ele atte. “Aun laa nug nukka nug onig qe ne, nug nug binag ii mette, nug dahil nai dim lamidkkunu dabmak tippalmanu baɗatte amu, da nuhignu enanagnab doottem.

2 Pita 3:18

Amge ihinig Naɗi Jesus Kristus, Nug am ihinig Padal ii maknu ehanittak daatte, ag nuhig ehanittak okkai hamu mettak, amu nuhig doyak ena ele, amu waappa ena daanna, amuppa okkai mekkulagnu uɗat heig! Ig Nug binag naɗi gemu, haen oh ele metu! Genab.

Hibru 5:9

Jesus Nug uug amu oh mawom amuppa Nug mana mettak ikki danab daakkunu elelenab mettom, amu Nug danab oh nuhig nai dim lamidtteb ele amu, Nug am ahilag ehanatta eɗua diiak hanhannu diig beum daatte.

2 Timoti 2:10

Amunu amu, da ool ɠagattag qetten, da Kayak Nug danab ah nuhikkud tituanattom, ag ele Kristus Jesusnu eɗua awikkak aon, haen oh hab aabppa daaglagnu, da ag ehanadkkulnu heinne, uug imu oh maottem.

Prowerb 13:4

Danab bahi iittanab ele nug keeke aokkunu dabmak okkai aotte, me nug aɗitai laa ii aotte; amge danab nug yagbak doya uɗat hette, nug keeke oh oo hette ele, nug elele aotte.

Hibru 4:1

Aria, Kayaknu hik awaknu nai, nug amunu nai qakka aum amu, nai amu gemu ele daatte amunu, danab laa ag oolagppanu nug hik awak amu etta ii aomanu amu, ig dabmeta autta aotu!

Hibru 12:1

Aria, ihinignu amu ig anukkanu danab kuɗumnab ag ig ooppa genab doyak kobol ippunikkeg anidttem amunu, ig ooppa genab doyak ippu tutukku dim lamidtu! Ig danab laa ag nug eɗid eɗid qaiettan gotteb ele ag keeke oh beɗulag uug medatte ele, ag amu buɗieg ukke, qaiettan gotteb, amubia ig aɗi keeke, ig amu aɗat ooppa genab doyaknu ippu tutukku ii dim lamidkkunig amu, ig keeke amu buɗipput ukkeb, ig aɗi hipunin, nug ig beɗunigppa ta aɗaikkom daatte ele, ig amu ele qepput na ukkeb, ig Kayak Nug ippunig mekkom amu, amuppa bahi yaak ele iittappa qaiettat gotu!

Pilipai 4:1

Amunu O lailad, da ahilagnu ool mauhe, anadkkulnu ool daye, da ahilagnu dabmeinne, maɗoɗppan gamag ahak dooi, ittag ele iutte amu, ag da ami bia ag Naɗi toppa ɠagattag hippaidna dayeg!

Rom 2:7

Danab laala ag binag amahlak oppiaawak ele, bau hanhan dayak, binag ele mattinna, kobol tutukku hetteb amu, geha Kayak Nug danab amu bauklel hanhannu madakku.

Sam 119:120

Da nahipnu ebehil oh eheɗ bodoetta le meeme, da beɗul hahaɗtte. Da nahip ɗo tippalen eheɗ heppi, na bu meɗamnanu baɗattem.

2 Korint 7:15

Taitus nug ag gumatta ukke, ag nuhignu oolag ena doonna, ag eheɗ laa hemananu baɗan, ag nug aon amu ag oh nuhig nai amu dim lamidppig. Ag anam heeg, nug ag anam heppig amu dabmaama, tatam nug ahilagnu oo mauhom, gemu nug ahilagnu oo mauha auta aotte.

1 Korint 2:3

Anukka da ukkai, ag ele daamut, haen amuppa da oolppa elele ii doyen, da uɗat pehettak ii heppi, meu elele ii bemanu ool baɗa auta awom.

Epesus 6:5

Begbeg maɗi nid ag wan imuppan gumak danab ahilkad dilagnu ena elele doon, ag ⌊Kayaknu neekkakppa eheɗ hemanananu ag⌋ baɗan, oɗelag dim lamitteg! Ag oolag aɗitppa uɗat aib heppig. Ag Kristus oɗe dim lamidtteb, amubia ahilkad okkai dilag ele anam heig!

Aisaia 66:5

Ag laa, ag Yawenu nai doon, ag tippalmananu baɗatteb ele, ag nuhig nai imu doyeg! “Ag lailkad ag ahilagnu nau ninig ele dootteb amu, ag da onilnu geɗadna, inam aon aon aqan, deɗ laala appig. ‘Yawe Nug heeb, ig nuhig ɠagattag anidtu! Nug anam heeb, ag oolag gamag aheb anidtu!’ Ag anam deɗ laala appig, amge da heppi, ag uɗalag nekku.” Yawe Nug anam atte.

Prowerb 10:16

Genab tutukku hak danab dilag nob am bau dayak; amge nau hak danab dilag nob am ahilag hipuninnu bu awak.

Matyu 11:12

Jonnu haen uɗie uɗie gemu ele Kayaknu ɗo maɗoɗ nug okkai mekkunu wagai mette, amu wagai mak danab ag ele Kayaknu ɗo maɗoɗ aɗaglagnu wagai metteb.

Esra 10:3

Anam amunu, dahil naɗi, na laa ele ag na hettem bia, ag Kayaknu ɗonu ebehilag oh bodoetta le mette ele amu, na, ag ele oh, ag ulum nai aɗi laa ig megappeg, ig amu dim lamidta, ig ah laihnu diimut ele, ig ag, ahilkad nid ele apput, ag gokkulagnu, ig, na, nahipad ehanittak amu ele, ig ihinig Kayak noobppa nug tituanta nai qagatu! Ɗo ippunigtte bia ig hetu!

Pilipai 1:5

Aɗinu? Ag i ele oh Nai Enanu uɗat laippu digmakppanu heut, otala ukke, gemu ele ig iikku anam daattem amunu, unuqittak dahilppa da maɗoɗppan gamag ahak huan doyeye, da Kayak ag ehanadkkunu unuqittette,

Aposel 9:6

Amge na ahan, aab okkai ooppa nona daabppe, geha na keeke aɗi hekkutnu amu, danab laa nug na amenppa akku,” awa aum.

Pilipai 2:19

Amu Naɗi Jesus Nug oo dayeb, nakoknab laa ele, geha da Timoti ahilagppa meppi ukka, ⌊eɗua uɗieb,⌋ ag attem daatteb ab doyen amu, da ool ena daakku.

1 Korint 4:14

Da heppi, ag uɗalag nekkunu ii yaattem. Iitta! Ag nid naunau dahiladnab bia, ag eheɗ gomananu amu, da ag ib ippunadkkulnu hettem.

Pilipai 4:15

Amu ag Pilipai danab ag imu dootteb; ag Nai Ena tatam dooppig, haen gamag amuppa amu, da uɗat amu ahilagppa, ⌊laa dilagppa ele⌋ hei ukke, da Makedonianu ahami amu, haen amuppa Kristen tamaniak attentai laa da ehaniɗa, keeke nob tuɗittak ele laa ii meɗom. Iitta. Ag Pilipai akka aakkuib ehaniɗppig.

Aposel 16:29

A amu maniguittak gumak danab nug doya, amahlaknu ewa, maniguittak lag ooppa noa, nug ottaia baɗaɗa, nug Pol, Silas ele baelahppa na qeum.

Pilipai 1:6

da imu am genabib genab doottem. Kayak Nug ahilagppa uɗat enanag digmeum amu, Nug uɗat amu tuɗitta heeb ukkeb ukkeb, Kristus Jesusnu deɗppa gog tekku.