Pilipai 2:1 - Nobonob Baibel

¹ Aria, ag Kristusnu daatteb, amu Nug he, ag oolag ɠagattag qak dootteb. Kayaknu oo mauhak am ag oo mak madatte. Kayak Ouɗi Nug he, ag tamaniak laippu daan, ag nug oo bodoettak, amu ag nug oo bodoetta le mak ele doon daatteb.

Pilipai 2:1 Referans Kwoze

Kolosi 3:12

Amu ag am Kayaknu danab, Nug ahilagnu oo mauhe, ag tituanattom daatteb amunu, ag kobol imu dim lamitteg! Ag laa dilagnu oo bodoetta le meeb, ahilagnu oo bodoettak kobol dim lamidna, ag akka ag onilag qeppeg neeb, ag lailkad dilagppa oo bodoetta wagai ii mak kobol dim lamidna, ahilagnu ele oo maɗoɗ kobol heig!

1 Jon 4:12

Genab danab laippu laa nug Kayak ii anttom, amge ig nug oo mauhak kobol hettem dayeb, Kayak Nug ig oonigppa dayeye, nuhig oo mauhak kobol ihinigppa elelenab mette.

2 Korint 13:14

Naɗi Jesus Kristusnu ehanittak okkai, Nug ig hamu megatte, Kayaknu oo mauhak, nuhig Ouɗi ele oo laippu dayak ele, keeke amu oh, ag oh ahilagppa daaglagnu ool daatte.

Kolosi 2:2

Da ag Kolosi, laa da ii aniɗppig ele, ag diignu doyak tutukku oh en okkai bia aoglagnu, da ag oh oo ɠagattag qak aon, nug oo mauhak ele dooglagnu, da diig amunu uɗat anam hettem. Ag diignu doyak tutukku oh en okkai bia aoglagnu diig am, amuppa ag Kayaknu dabmak lokkumak dayom, amuam Kristus aakkuib dooglag.

1 Korint 12:13

Kayak Ouɗi Nug he, ig oh beɗu laippu bia daattem. Laala am Juda danab, laala am iitta aɗi danab. Laala am begbeg maɗi nid, laala am begbeg maɗi nid iitta. Yo, ig oh Kayak Ouɗi Nugib aomut.

Sam 133:1

Danab ah ag maɗoɗ ele laippu, nug oo awak ena ele daatteb, kobol amuam enanag!

Galesia 5:22

Beɗunu kobol am aakku, amge Kayak Ouɗi Nug he, oiyak ihinigppa meu laala imu bette. Oo mauhak kobol, maɗoɗppan gamag ahak kobol, maɗoɗ dayak kobol, dagom kobol, oo bodoettak kobol, ena hak kobol, oo metta ii uuak kobol,

Galesia 4:6

Gemu ag Kayak bekkod daatteb amunu, Kayak Nug Bekka Jesusnu Ouɗi me, Nug ig oonigppa dayaya ehanikke, ig Kayak amegppa, “Mame, Mame!” attem.

Aposel 4:32

Danab ah ag oolagppa genab dooppig ele ag anam aakku henana, ag oh dabmak laippuppa oolag laippu dayeye, amu danab laa nug keeke ele nug nuhignuib ii aɗom. Iitta. Keekeppa amu ag nug ehanitteg,

1 Jon 3:24

Anam amunu, laa ag Kayaknu ɗo dim lamidtteb amu, ag Kayak nuhigppa daatteb, amu Kayak Nug ele danab amu, ahilagppa daatte. Kayak Nug nuhig Ouɗi ig mekkom amunu, amuppa ig doottem, Nug ihinigppa daatte.

Jon 17:13

Da gemu na gumitte gokkulnu daattem, amu dahilad danab ag maɗoɗppan gamag ahak dahil oh aoglagnu amu, da amunu wanppa dayeye, nai imu madittem.

1 Jon 4:16

Ig Kayak Nug ihinignu oo mauhtte doottem, amu ig oo mauhak amunu oonigppa genab doottem. Kayak Nug oo mauhak kobolnu diig daatte. Laa nug oo mauhakppa daatte, nug aakku Kayak, nuhigppa daatte, amu Kayak ele nuhigppa daatte.

Pilipai 3:3

Aɗinu ag amu dilagnu dabmena autna aoglag? Ag am gaɗa otaɗak danab genab iitta. Ig Kayak Ouɗippa Kayak noobppa dup nota binag meta, ig Kristus Jesusnu uɗatppa aakkuib ig padal mematanu ehanittak aognignu dabmeta, ig beɗunignu kobol ig ehanigkkunu elele oonigppa genab ii doottem ele amu, ig ikka am gaɗa otaɗaknu kobolnu danab genab daattem.

1 Korint 3:16

Ag am Kayaknu mettid lag, Kayak Ouɗi Nug ag oolagppa daatte amu, ag amu iite dootteb?

Rom 8:26

Kayak Ouɗi Nug ele ig danab ig ɠagattag iitta ehanigtte. Ig aɗi keekenu unuqidkkunig amu, ig ii doottem, ig oonigppaib gaattem, ig miag matulta ii attem, amge Kayak Ouɗi Nug ig ehanikka, ihinignu Kayak unuqidtte.

Rom 5:5

Amu keeke ena bekkunu dabmak aɗa dayak amu heeb, meu okku; ig meu amu genab anidkkunig. Aɗinu? Kayak Nug nuhig Ouɗi ig mekka, nuhigppa amu Kayak Nug nuhig oo mauhak ig oonigppa me ambette.

Aposel 2:46

Ag anam henan, ag oh oolag laippu daanna, deɗ oh Kayaknu mettid lakka gonana, Kayaknu nai dooppig. Amge ag laulkad anen anen oh oina, ag oo gamag ahak doonna, ag Kayak amegppa, “Ena hen mekkame,” anana, ee lappig.

1 Pita 1:2

Ag Jesus Kristus oɗe dim lamidkkulagnu, Jesus tiigppa oppiak bena daaglagnu amu, Kayak, ig Mamenig, Nug anukka ag doyattom, amu amuppa Nug, ag nuhikkud danab ah daaglagnu tituanatte, nuhig Ouɗi he, ag oppiaawak daatteb. Ag amu, Kayaknu ehanittak okkai hamu mettak, amu nuhig maɗoɗ ele ahilagppa naɗi daaglahnu ool daatte.

Hibru 6:18

Aria, gemu keeke aɗit amu aakku daattep; laa am Kayak Nug keeke genab hekkunu nai qakka aum, laa am Nug nuhig nai Nug Nug onigppa ɠagattag qettom. Keeke aɗit amu aa baolikkulahnu elele iitta. Kayak ele hambubukkunu elele iitta. Aria, ig laa, ig Kayak Nug ig gog tak haenppa bauklel mekkeb aognignu dabmak aɗat daat, ameg mettem ele amu, keeke aɗit amu aa ig oonig ɠagattag qedattep.

Pilipai 1:8

Kayak Nug Jesus Kristus ihinignu oo mauhak dootte, amubia da ahilagnu oo mauhak doye, da ag anadkkulnu ool okkai daatte amu, Nug dootte; Nug ab dooglagnu elele.

Epesus 4:4

Ig Kristen oh, ig Kristus beɗu daattem, amu beɗu laippuib daatte. Kayak Ouɗi ele laippuib daatte. Amu keeke laa, Kayak Nug ig Kristen, ig keeke laa aognignu dabmak aɗat daagnignu oninigppa eum daatte, amuam bauklel amu, dabmak amu aɗa dayaknu am ele laippuib daatte.

2 Korint 2:14

Am gemu da Kayak amegppa, “Ena heme,” awe attem. Nug ig ehanikkekke, ig Kristusnu ɠagattagppa ban eɗidtata, Kayak nai mehuqutut, danab ag aakku Kristusnu dootteb. Doyak amuam muttuɗig enanag aben ohppa gotte, amubia hette.

1 Korint 15:31

O lailad, deɗ deɗ ohppa da mauhak ib oɗeppa oittem. Nai laa imu, ig oh ihinig Naɗi Jesus Kristusnu daattem amunu, da ahilagnu maɗoɗppan gamag ahak doottem, nai amuam genab, amubia da deɗ deɗ ohppa mauhak ib oɗeppa oittem am ele genab.

Jon 14:27

Da maɗoɗ awe ii gopa. Iitta! Da maɗoɗ ag madattem. Ge, da dahil maɗoɗ ag madattem. Wan imuppan maɗoɗ am laa, da amubia ii madattem amunu, ag oolag uug aib qeum. Ag aib baɗappig.

Jon 14:18

Da ag nid laa, nug anig mameg ele mauhpiɗ, nukkanab daatte, da amubia ii uuadpa. Iitta. Da gumatte uɗikkul.

Luk 2:25

Haen amuppa danab laa Jerusalem dayom, nug onig Simeon. Nug Kayak noobppa tutukku oiyaya, Kayak binag ena maama, Israel dilag ehanattak danab ameg meum. Kayak Ouɗi nuhigppa dayom.

Aisaia 16:11

Anam amunu, da oolppa Moap wannu da uug eheɗ naunab doottem. Ao, da oolppanab da Kirheresnu anam doottem.