Pilipai 1:8 - Nobonob Baibel

⁸ Kayak Nug Jesus Kristus ihinignu oo mauhak dootte, amubia da ahilagnu oo mauhak doye, da ag anadkkulnu ool okkai daatte amu, Nug dootte; Nug ab dooglagnu elele.

Pilipai 1:8 Referans Kwoze

Pilipai 4:1

Amunu O lailad, da ahilagnu ool mauhe, anadkkulnu ool daye, da ahilagnu dabmeinne, maɗoɗppan gamag ahak dooi, ittag ele iutte amu, ag da ami bia ag Naɗi toppa ɠagattag hippaidna dayeg!

Rom 1:9

Amu Kayak, da meul ohppa Nug waappa dayeye Nug oɗe dim lamittette, Nug Bekkanu Nai Ena mehuqttem amu, Nugnab da nai yaattem imuam genabib yaattem doya malom daatte amunu da iikku yaattem. Am inam.

2 Timoti 1:4

Da ⌊na uuittitti⌋ na amen leb neum amu amelppa doodo, da maɗoɗppan gamag ahak ambak ele dookkulnu na gumitten gokkulnunab dabmettem.

1 Tesalonaika 2:8

Ig ahilagnu oonig huana mauhom amunu, ig Kayak toppanu Nai Ena apput dooglagnu oonig dayeye heta, ig ag ena daaglagnu mauhlom amunu ele elele doomut. Aɗinu? Ig ahilagnu am ig lainkadnab doomut.

Rom 9:1

Da Kristusnu dayeye, da nai imu genabib madittem. Da ham-ii-bubuttem. Kayak Ouɗi Nug da oolppan oiyak ippunittaknu ulum gumeme, amuppa ele da ham-ii-bubuttem doottem.

Pilemon 1:12

Gemu da nug, da nuhignu ool huana mauhtte amu, da nug mei, nug eɗua na gumitta gotte.

Jeremaia 31:20

Ag anam atteb, amge Israel danab ah ag am da bekkalad, da ahilagnu oo doyaknab iite doottem? Da ahilagnu ool huana iite mauhtte? Da ahilag eheɗ haknu dabmein, bu madakkulnu haen kuɗum attem, amge da amu heinne, da ahilagnu dabmettem, ahilagnu daul ii atitte. Da amu hettem amunu, da ag ele laippu daagnignu ool naɗi daatte. Da ahilagnu ool doyeb, ool matten ehanadkkul.” Yawe Nug anam awa atte.

Kolosi 2:1

Da ag Kolosi danab, Laodisia danab, amu danab oh da iɗul ii anidppig ele, da ag imu dooglagnu ool daatte. Da Kayak ag ehanadkkunu, da haen oh uɗat heɗiag ele hettem.

Galesia 4:19

O nid dahilad, da ag Kristen bekkulagnu guittak naɗi, ah nid menukkunu guittak dootte, amubia doomi, amu gemu da ag Kristus daatte bia bekkulagnu guittak amubia baula doottem.

Galesia 1:20

Nai imu gemu da ahilagnu yaattem amu, da Kayak noobppa nai genab attem, da ag ii buppualadttem.

2 Korint 7:15

Taitus nug ag gumatta ukke, ag nuhignu oolag ena doonna, ag eheɗ laa hemananu baɗan, ag nug aon amu ag oh nuhig nai amu dim lamidppig. Ag anam heeg, nug ag anam heppig amu dabmaama, tatam nug ahilagnu oo mauhom, gemu nug ahilagnu oo mauha auta aotte.

2 Korint 6:12

Ig ahilagnu amu ig oonig mauhtte ippunadttem, amge ag ihinignu oolag mauhtte amu, ag amu ig ii ippunigtteb.

Luk 1:78

Kayak ihinig Nug oo gai-iitta doya oo metta ehanittak kobol naɗi ele amunu, Nug ig ehanigkku. Geha Nug heeb, hab aabppanu amahlak uɗia, ig amahaligkku.

Aisaia 63:15

O Yawe, na hab attan daattem. Na daattemppa amu, aben amuam oppiaawak ele, am binag amahlak oppiaawak ele. Amu na neegppe neeb, ⌊uug nau digdig ihinigppa bette⌋ anidkkutnu oɗ medattem. Na anukka nahip ɠagattag okkai eleppa ehanigme amu, gemu na anam ehanigkkutnu yag-nab-bak anukka doome bia iitai doottem? Na anukka ihinignu kobol qinonob hak ele, oo bodoetta le mak kobol eleppa ehanigme, amge gemu na anam bia ii hettem.

Aisaia 16:11

Anam amunu, da oolppa Moap wannu da uug eheɗ naunab doottem. Ao, da oolppanab da Kirheresnu anam doottem.

1 Jon 3:17

Amge danab laa nug wanppanu enub ele amu, nug layag keekenu daɗek daatte anitta, nug oo bodoetta le mak ii dootte ele dayeb amu, Kayaknu oo mauhak nug ooppa daattete? Iitta.

Pilemon 1:20

Ao layal, Naɗi onigppa na dahil dabmak dim lamidkkutnu oɗ medattem. I oh am Kristusnu daattep amunu, na kobol amuib heppe, da ool ena daakku.

1 Tesalonaika 2:5

Ag dootteb, ig haen laippu laa oo eeɗaknu ittag nai laa ii mattimut. Ig uɗat hettem ele amu ig hetata, ahilag keeke lokkumta aognignu laa ele ii hemut. Kayak Nug anigtte ele amu, Nug ele amu madikkun elele.

Kolosi 3:12

Amu ag am Kayaknu danab, Nug ahilagnu oo mauhe, ag tituanattom daatteb amunu, ag kobol imu dim lamitteg! Ag laa dilagnu oo bodoetta le meeb, ahilagnu oo bodoettak kobol dim lamidna, ag akka ag onilag qeppeg neeb, ag lailkad dilagppa oo bodoetta wagai ii mak kobol dim lamidna, ahilagnu ele oo maɗoɗ kobol heig!

Pilipai 2:26

Aɗinu? Nug ag anadkkunu oo okkainab daatte. Ele amu, ag nug am oɗe elenu dooppig amunu nug amunu oo uug ele daatte.

Pilipai 2:1

Aria, ag Kristusnu daatteb, amu Nug he, ag oolag ɠagattag qak dootteb. Kayaknu oo mauhak am ag oo mak madatte. Kayak Ouɗi Nug he, ag tamaniak laippu daan, ag nug oo bodoettak, amu ag nug oo bodoetta le mak ele doon daatteb.

2 Korint 13:9

Ig am ɠagattag iitta daautut, ag ɠagattag daaegeg amu, ig amunu gamanig ahatte. Haen oh ig ag tutukku elelenab ahan daaglagnu Kayak unuqidttem.

Job 16:19

Da aɗi heminu nai am gemu, geha iikku hab aabppa daatte. Ao, dahilnu nai Kayak amegppa hab attan daatte.

Galesia 3:26

Ag oh Kristus Jesusnu oolagppa genab dooppig amunu, ag Kayak bekkod daatteb.