Pilipai 1:7 - Nobonob Baibel

⁷ Amu haen laa da maniguittakppa dayeye, haen laa da dimittim dayeye, da danab laala Jesusnu nai tabappeg nekkunu hetteb amu, nuhig nai nemanu da wagai mein, da ele nuhig nai ɠagattag qedette, Jesusnu Nai Ena ele madittem, haen amu oh amu da ag ele, ig oh Kayaknu ehanittak okkai hamu megatte ele amu aomut amunu, da oolppa ahilagnu enanag doottem am kobol ena; kobol tutukku.

Pilipai 1:7 Referans Kwoze

2 Korint 7:3

Da nai imu attem amu, da ag beɗulagppa nai yaak ii hettem. Iitta. Amge da matu ami aakku. Ig oonig amu ag madattem amunu, ag mauhkkulag amu, aria ig ag ele oh mauhkkunignu uug ii doottem. Am ag bau daaglag amu, aria ig ag ele oh bau daagnignu uug ii doottem.

Pilipai 1:5

Aɗinu? Ag i ele oh Nai Enanu uɗat laippu digmakppanu heut, otala ukke, gemu ele ig iikku anam daattem amunu, unuqittak dahilppa da maɗoɗppan gamag ahak huan doyeye, da Kayak ag ehanadkkunu unuqittette,

2 Timoti 2:9

Da Nai Ena imu madittem amunu, danab ag dahilnu, “Nug am danab nau,” ana, uug digdig meɗatteb. Ao, ag amu oh henana, ag da maniguittakppa ele meiɗppig, amge Kayak nai amu maniguittak daakkunu elele iitta.

Kolosi 4:18

Da Pol, da dakka da eppelppa humattak nai uɗug imuppa iikku yaattem. Da maniguittakppa daattem amunu, Kayak dahilnu unuqidkkulagnu aib daulag atiom. Kayaknu ehanittak okkai hamu mettak ahilagppa dayaɗ!

Pilipai 4:14

Amge ag da ou iun, dahil uug ag ele maoppig amu, amuam kobol ena.

Epesus 6:20

Ao, da Nai Ena imu madittem amunu da maniguittakppa daattem. Ge, da amu madikkulnu uɗat ele amunu amu, ag Kayak Nug heeb, da helom bia da baɗak iitta dayen, nuhig nai madikkulnu unuqitteg!

Epesus 3:1

Diig amunu amu da Pol, da iitta aɗi ag ehanadkkulnu Kristus Jesusnu maniguittak danab daattem.

Aposel 20:23

Amge imuib amu da doottem, da aabaab ohppa oittem amu, Kayak Ouɗi Nug nau aomanu dabmettak nai, da amelppa inam maditte. ‘Geha ag na maniguittakppa meidppeg, na uug kuɗum aokkut,’ awa atte.

1 Jon 3:14

Ig lainkad dilag oonig mauhtte amunu, ig amuppa doottem, ig mauhak kobol uuta, ig bauklelppa daattem. Am laa nug layagnu oo ii mauhtte amu, nug mauhakppa daatte.

2 Pita 1:13

Da amu hekkulnu am kobol tutukku doottem. Anam amunu, da bau daattem haen imuppa, da keeke amunu baubau ag amelagppa, dabmak ahilag maɗedakkulnu amu madikkul.

1 Pita 4:13

Iitta. Dimppa Kristus binag amahlak oppiaawak ele miag atiak bekku, haen amuppa ag maɗoɗppan gamag ahak naɗi dooglagnu, ag uug mawak haenppa ag uug anamppa ag Kristus uug mawom bia ag uug maotteb doonna, maɗoɗppan gamag ahak doyeg!

Hibru 3:1

Amunu O ig lainkad, ag Kayaknu danab ah oppiaawak ele, Nug ag ig ele hab aabppa daagnignu tituanikkom amu, ag Kristus Jesus, Nug am ihinig ooppa genab doyaknu mana mettak ikki danab, Nug am ihinig ooppa genab doyaknu totol danab daatte ele amu, ag nuhignu atognona dabmena autna aweg!

2 Timoti 1:8

Amunu amu na ihinig Naɗinu madikkutnu uɗan aib neum. Da nuhig nai mehuqen, maniguittakppa daattem amu, dahilnu ele na uɗan aib neum. Iitta. Kayaknu ɠagattag amu ehanittebeb, da na ele i oh uug laala Nai Ena mehuqaknu betteb amu, uug amu oh i maoɗ oiɗu!

1 Tesalonaika 5:5

Ag oh am amahlak bekkod. Yo, ag am amun bekkod. Ig am tuqan danab, o gatatu danab iitta.

Kolosi 4:3

Ag ihinignu ele, ig Kayaknu dabmak Kristusnu, tatam lokkumak dayom, ig nai amu mehuqkkunignu amu, ag Kayak Nug ib babaitta megakkunu unuqitteg! Da nai amu mehuqaknu amu, da maniguittakppa daattem.

Epesus 4:1

Da Naɗinu uɗat hettem amunu, da maniguittakppa daattem. Da anam dayeye amu, da Kayak, Nug ag onilagppa eum, da amunu dabmein, da ag ahan, ewak baag amu attem oiglagnu ippuanadtte, ag amu dim lamidnana tutukku eleleppa oiglagnu iikku ahilkad dabmak maɗedattem.

Galesia 5:6

Danab nug Kristus Jesus ele ouqak daattep amu, nuhigppa gaɗa otaɗak kobol, o iitta gaɗa ii otaɗak kobol, aɗit amu oh am keeke hamu. Nuhigppa keeke laippuib am okkai daatte. Amuam danab nug ooppa genab doya, laa dilagnu oo mauhtte.

2 Korint 3:2

Am danab laala ag ig dooigkkulagnu uɗug yaak, amuam ag Korintib aakku. Yaak amuam uɗugppa ii yaak. Iitta. Kristus Nug ig oonigppa ye, danab oh ebqekkulagnu daatte.

1 Korint 13:7

Danab nug oo mauhak dootte ele nug uug oh maotte, nug hanhan ooppa genab doyak ele oitte. Nug hanhan Kayak nug ehanidkkunu dabmak aɗa daatte. Nug uug doyaya eɗittaknuib dabmak hanhan aotte.

1 Korint 9:23

Am Nai Ena aha okkai mekkunu, da nai amuppan itittak ena aokkulnu ele, da uɗat anam anam hettem.

Aposel 21:33

Uueg, ban daup dilag ikki anuqak nug gumatta wana, Pol aɗa, daup amelagppa, “Ag nug sen aɗitppa qakkeg!” ana, nug Juda danab oɗ mattom. “Imu danab aun, nug aɗi heum?” awa oɗ mattom.

1 Pita 5:1

Nai imunu amu, da ahilkad ikki danab ag oolagppa daatteb, da ahilagnu nai imu iikku yaattem. Da ele am ikki danab daattem, amu da amelppanab Kristus Nug uug mawe anitten, amunu da aɗi heehe anttomnu mattiak danab daattem. Da ag ele, ig oh geha Kristusnu binag amahlak oppiaawak ele heeb miag atieb, ig amu ooppa daagnig amunu, da ag ikki danab ag uɗat inam hekkulagnu ag maɗadakkulnu nai imu yaattem.

Pilipai 1:12

O lailad, da ag imu tutukku dooglagnu ool daatte. Kobol da beɗulppa beum ele am Nai Ena ii tappe nette. Iitta. Amu he, Kristusnu nai naɗi mette.

Pilipai 1:13

Amunu daup oh, Sisarnu lag enanagnab gumatteb ele, amu danab laala oh ele, ag da Kristusnu dayeye, diig amunu da hippalak daattem amu, ag aakku dootteb.

Pilipai 1:14

Amu da lailad kuɗum, ag Naɗinu oolagppa genab dootteb ele, ag da hippalakppa daattemnu dabmeeg, ag oolag ɠagattag qette, ag oolagppa ɠagattag doon, baɗak iitta Kayak nai mehuqtteb.

Pilipai 2:22

Amge ag dootteb, Timoti nug am danab enanag. Nug am nid mameg ele uɗat hettep, amubia nug da ele Nai Ena mehuqak uɗat heuɗ ukkom.

Pilipai 4:3

Amu Sisigos, na oo metta ii uuak kobol dim lamidttem, amu da na amenppa attem,. Na ah aɗit amu, aa Nai Ena mehuqak uɗat haknu da ehaniɗeh, ig oh heut ukkom amunu, na aa ehanatna autna awe! Ah aɗit amu aa Klemen, amu dahilad uɗat laippu laa oh ele, Kayak Nug ag oh ag onilkad buk laa, amuam buk onig Bauklel Awa Onig Yaaknu buk, Nug buk amuppa ag onilkad yom ele amu, aa ag ele Kayaknu uɗat amu ɠagattag heppig.

Pilipai 4:15

Amu ag Pilipai danab ag imu dootteb; ag Nai Ena tatam dooppig, haen gamag amuppa amu, da uɗat amu ahilagppa, ⌊laa dilagppa ele⌋ hei ukke, da Makedonianu ahami amu, haen amuppa Kristen tamaniak attentai laa da ehaniɗa, keeke nob tuɗittak ele laa ii meɗom. Iitta. Ag Pilipai akka aakkuib ehaniɗppig.

Pilemon 1:13

Da Jesusnu Nai Ena mehuqiqi, ag da hippaliɗppig daattem amunu, da maniguittakppa haen imuppa daabppi, Onesimus nug na out dayaya, nug da ehaniɗebeb daagnihnu ool dayom.