Biblia Todo Logo
Bib sou entènèt

- Piblisite -




Pilipai 1:20 - Nobonob Baibel

20 Amu da keeke laa hekkulnu dabmak aɗe daattem, am keeke amu ele da genab hekkulnu maittak aomi daattem amu, amuam da uɗat, Kayak da hekkulnu meɗom amu, da uɗat amu eleleib hein maloya, da uɗat heminu uɗa nak laa ii doopa. Yo, da geha iikkunab, am haen oh ele, da aɗi hekkul amu, da ii baɗeɗe heinne, da amuppa Kristus Nug binag okkai medakkulnu ool naɗi daatte. Da bau daakkulte, iitta da mauhkkulte, amuam keeke okkai iitta, amge da beɗulppa keeke oh bekku ele amu, da keeke amu ohppa Kristus binag okkai medakkulnu ool daatte.

Gade chapit la Kopi




Pilipai 1:20
41 Referans Kwoze  

Amge danab nug Kayak baegppa dayaya, amuppa nug guittak aotte dayeb amu, nug uɗa aib neum. Iitta. Nug onig Kayak baegppan danab daatte amunu, nug Kayak binag maɗ!


Aɗinu? Kayak Nug ag hipuninnu qagaiettakppanu eɗua uhuqadkkunu daden maattom amunu, ag Kayak binag mekkulagnu, ag beɗulkadppa ele Kayak binag meig!


Ag baula uɗa nak ii doomna amunu, ag aib baɗappig. Ao, danab laa ag baula heppeg, ag laa noolagppa uɗa nak nau guittak ele ii doomna amunu, ag dabmak kuɗum aib aoppig. Aɗinu? Yawe Nug heeb, uɗa nak ag nid, nid ahin bau daan, kobol kobol heppignu dootteb amu, ag uɗa nak amu daulag atikku. Ao, Yawe Nug heeb, ag ah laa, gamu mauhe, daɗek nau dayaya oiye, danab laa nuhignu nai nau appig, amubia laa ag ahilagnu madippig amu, ag nai amu baula dab-ii-memana,” awa atte.


Kayak, Nug aakkuib am oo maɗoɗ diig, Nug nukkaib heeb, ag beɗulag dimittim, oolagppa ele oppiaawak daaglagnu ool daatte. Nugib ag ouɗilag, dottolag, amu beɗulag ele atognobob, ihinig Naɗi Jesus Kristus eɗua uɗikku haenppa ag oolagppa kaliak laa iitta ele daaglagnu, ig Kayak unuqidttem.


Ao, nid naunau dahilad, haen Nug miag atieb, ig ɠagattag daagnignu, ig uɗa nak ele ii aomtanu amu, ag Nug ele laippu dayeg!


Ag Jesusnu oolagppa genab dootteb, diig amunu ag Kayak waappa daan, Nug oɗe dim lamidtteb. Anam amu, amuam ag doɗ manan Kayak medatteb bia. Aria, da am wain gokkaɗaknu ofa ahilag mana mettak amu qaɗeppa gokkaɗaknu bia daakkul dayeb amu, da maɗoɗppan gamag ahak doottem, amu da ag ele maɗoɗppan gamag ahak amu dooglagnu ool daatte.


Amunu keeke oh Kayak hattom ele, keeke amu oh am, ig Kayak bekkod, ig geha miag atiak bekkunignu haen ameg mena, ikkilag human neegna daatteb.


Am Naɗi Nug ig ahilag ooppa genab doyak ɠagattag qettagnignu uɗat amunu ehah mekkom. Ig anam hepput, ahilag ooppa genab doyak na qekkunu ii mekkom amunu, da ehah amu onig okkai humattem dayeb amu, da uɗal ele ii nema. Da aɗi hekkulnu attem am da hekkul.


Ig danab laa oh ag Jesusnu bauklel ihinigppa anidkkulagnu ig Jesus Nug haen oh mauhak ib oɗeppa dayom bia ig mauhak ib oɗeppa daattem.


Aria, amuppa nug nuhig dabmak am laippu ii daatte, oppatak aɗit daatte. Ah danab iitta, am ah makkun o ah qab, nug Naɗinu keeke dabmaama, nug nug beɗuppa, nug ouɗippa ele nug Naɗiib dim lamidkkunu hette. Amge ah nug danab awom ele amu, nug wannu keeke dabmaama, nug gamu aɗi keekenu oo hette amu, nug amu hekkunu hette.


⌊Amge⌋ Naɗi Yawe Nug ehaniɗtte amunu, ⌊gog tak haenppa⌋ auntai laa dahilnu nai eheɗ laa aabob, da uɗa nak nau guittak ele ii doopa. Ge, Naɗi Yawe Nug ehaniɗeb, da uɗa nak nau guittak ele ii doopa amunu, da nuhig nai dim lamidkkulnu dabmak ɠagattagnab awe daattem; amu diig amunu ⌊gog tak haenppa⌋ da uɗa nak laa ii aopanu doottem.


O Yawe, da bau daakkulnu, na nai ɠagattag qettan, da ehaniɗkkutnu ame, na anam hekkutnu oɗ medattem. Na ehaniɗppe, da bau daakkulnu amu, da dabmak amu aɗe oittem, amu na heppe, anamib bekkunu unuqidttem.


Amu keeke ena bekkunu dabmak aɗa dayak amu heeb, meu okku; ig meu amu genab anidkkunig. Aɗinu? Kayak Nug nuhig Ouɗi ig mekka, nuhigppa amu Kayak Nug nuhig oo mauhak ig oonigppa me ambette.


Amge Yawe Nug Israel ehanatteb, ag padal iinab memana. Ehanitteb, padal ii mak amuam hanhannu; iitta ii mema. Ao, ag Israel, ag uɗa nak ii aomna; laa noolagppa uɗa nak nau guittak ele ii daamna. Ag hanhan anamib daaglag.


Amu da gemu beɗulppa guittak maottem imu amu, da amunu maɗoɗppan gamag ahak doottem. Aɗinu? Da Kristusnu Kristen tamaniak, amuam Nug beɗu aakku amu, da tamaniak amu ehanidkkulnu ool daatte. Guittak Kristus Nug Kristen tamaniak ehanidkkunu mawom amuam daatte, amge guittak da dakka beɗulppa maottem imuam da amuppa hei, Kristus Nug guittak mawom amu aakku ambette.


Amunu O lailad, Kayak Nug ahilagnu keeke okkainab heum amunu, da ag akka ag danab nug doɗ mana Kayak medatte, amubia ag bau daanna, meulkad oh Nug mettaglagnu unuqadttem. Ag meulkad oh ag Kayaknu oppiaawak ele daanna, Kayak oo niitte bia ele daanna, ag Nug metteg! Ib amuppa ag genab Nug noobppa dup nona binag mettaglag.


Amu da lailad kuɗum, ag Naɗinu oolagppa genab dootteb ele, ag da hippalakppa daattemnu dabmeeg, ag oolag ɠagattag qette, ag oolagppa ɠagattag doon, baɗak iitta Kayak nai mehuqtteb.


Da anukka Taitus amegppa ag hettebnu ag onilag humami, amu ag anamib ena heppig amunu, da uɗal ii nette. Iitta. Nai oh ig ag amelagppa mehuqmut am nai genab dayom, anamib aakku ig Taitus noobppa ag onilag humamut, am nai amu oh ele am genabib.


Nug danab oh abenlagppa mauhomnu diig am, Nug danab oh daatteb, ag akka ahilagnuib dabmena ii oimnanu heum. Iitta. Ag am laa, Nug danab ehanatta mauhe, Kayak he, Nug eɗua hibaittom amu, ag nuhignu dabmenana oiglag.


O lailad, deɗ deɗ ohppa da mauhak ib oɗeppa oittem. Nai laa imu, ig oh ihinig Naɗi Jesus Kristusnu daattem amunu, da ahilagnu maɗoɗppan gamag ahak doottem, nai amuam genab, amubia da deɗ deɗ ohppa mauhak ib oɗeppa oittem am ele genab.


Kayak naippa, nai amunu inam daatte. “Antteg! Sion appa da men laa eppami daatte. Men amuam men laa danab ippulagppa dayeye, danab ag men amuppa baelag qena, nena qetteb bia daatte. Ao, men amuam, men laa he, danab ag nena qetteb bia daatte. Amge aun laa nug nuhignu ooppa genab dookku, nug geha uɗa nak iinab aoma,” awa atte.


Amu dabmak ahilag ɠagattagnab ii qeum amunu, da danab ihinig kobol laappa imu ippunadkkulnu heinne attem. Anukka ag genab tutukku hak kobol uuna, ag beɗulkad laih oh ag kobol dubuttid ele, ɗo tappe naknu kobol ele, ag amunu begbeg maɗi nid maadna, ag ɗo tappe nak kuɗum digdig, nau ahilag tuɗitta naunab gotte amu, ag kobol amu ele tuɗidna hekkulagnu heppig. Gemunu amu, ag oppiaawak danab bekkulagnu ag ag beɗulkad laih oh kobol tutukkunu begbeg maɗi nid maatteg!


Ag anen anen ag kobol nau hekkulagnu, ag beɗulkadnu laih laih oh hipunin eppegppa aib meppig. Iitta! Ag danab mauhppig eɗun hippaidppig bia daatteb amunu, ag beɗulkad laih ohppa genab tutukku hak kobol hekkulagnu, ag meulkad oh Kayak metteg!


Ig anam amut, amge Pol nug aum. “Ag aɗinu anam gaan, aakku da oolppa guittak okkai meɗatteb? Da Naɗi Jesus onig attan ta daakkunu Jerusalem appa maniguittakppa daakkulnu am elele doottem, amge amu aakkuib iitta. Da Jerusalem appa, Naɗi Jesus Nug onig attan ta daakkunu mauhkkulnu ele elele doottem,” awa aum.


Amge da amunu ii dabmettem. Da beɗul bau daakkunu amu, da dabmak amu ɠagattag ii aɗattem. Iitta! Da ib Naɗi Jesus ippuniɗa, uɗat ele meɗom amu, da amuib tuɗitten oiyeye gog tekkulnu dabmettem; amuam Kayak Nug nuhig ehanittak okkai hamu megakka, eɗua awikkunu Nai Ena, nai amu mehuqppi danab ah dooglag.


Jesus nai amu mattiom, amuppa Nug dimppa Pita nug ib attemunppa mauha, nug Kayak binag amahlak oppiaawak ele amuppa mekku, Nug amunu aum. Nai amu oh dimppa Jesus Nug, “Pita na da dim lamiɗe!” awa aum.


Aɗinu? Na anam hekkut dayeb amu, genabnab genab na butti aɗi ena daakkutnu dabmak aɗan oikkutnu elele; amu laa heeb, butti aɗi ena daakkutnu dabmak aɗa oiyak amu iitta iinab mema.


Genab tutukku hak danab ag oo gamag ahak anidkkulag; amge nau hak danab ag aɗi keeke laa ena bekkunu dabmak aɗan oitteb amu, ag amu ii anidmana.


Da uɗa nak ii doopanu amu, da nahip ɗo dim lamidppi, nahip neekkakppa da oolppa kaliak laa ii daamanu ool daatte.


Da Kayak Nug da ehaniɗeb, dahilppa ena bekkunu dabmak aɗe oittem amunu, da Nug noobppa dagom daattem.


Da na Kayak, da nahipnu aakkuib tutukku oolppa genab doottem. Na heppe, laa ag da eɗilppeg, uɗal ii nemanu unuqidttem. Ge, na kekeɗ dahil uuadppe, ag da eɗilon, oolag gamag ahamanu oɗ medattem.


Ag unuqidna bagqeeg, lag ag daappig ele amu uɗalele, Kayak Ouɗi ag oolagppa ambe, ag ii baɗana, Kayak nai mehuqppig.


Ig tituanak bauppa ehanittak aognignu dabmak aɗat oittem amunu, ig ii baɗat, nai miagib madittem.


Da nai tutukku miag ag amelagppa attem, da ag tutukku oittemnu oolppa genabnab doottem. Da ahilagnu enanagnab doottem. Da oo ɠagattag qettak doottem. Uug kuɗum ihinigppa betteb, amge amu ohppa da maɗoɗppan gamag ahak huanak doottem.


Swiv nou:

Piblisite


Piblisite