Pilipai 1:19 - Nobonob Baibel

¹⁹ Aɗinu? Da doottem, ag Pilipai daatteb amu, unuqittak ahilkad, amu Jesus Kristus Ouɗi, nuhig ehanittak ele, keeke aɗit amu aa hepeɗ, da maniguittakppanu uhuqak aokkul.

Pilipai 1:19 Referans Kwoze

Rom 8:28

Amu ig doottem, Kayak Nug danab aun aɗi ag nuhignu oolag mauhtte, Nug kobol ena bekkunu ag ele uɗat hetteb. Nug aɗi bekkunu matu dabmeum amu, nug amu dabmaama, ag onilagppa eum.

Aposel 16:7

ag gona, Misia tomppa appanu ag ahan Bitinia gokkulagnu heeg, Jesus Ouɗi Nug appa ele gomananu ib oo neum.

Galesia 4:6

Gemu ag Kayak bekkod daatteb amunu, Kayak Nug Bekka Jesusnu Ouɗi me, Nug ig oonigppa dayaya ehanikke, ig Kayak amegppa, “Mame, Mame!” attem.

Rom 8:9

Amge ag Rom danab, ahilagnu amu, Kayak Ouɗi Nug ahilagppa daatte dayeb, ag oo alag waappa ii daatteb. Iitta. Ag Kayak Ouɗi waappa daatteb. Amu danab laa nug ooppa Kristusnu Ouɗi iitta, nug am Kristusnu danab iitta.

1 Korint 4:17

Diig amunu da Timoti meppi, ahilagppa gokkunu hettem. Nug dahil nid danab, da nuhignu ool huana mauhtte. Nug Naɗinu oo metta ii uuak kobol dim lamidtte. Nug da Kristus Jesusnu daattem, nuhig kobol dim lamidttem ele amu, nug kobol amu ippunadkku. Da kobol anamib Kristen tamaniak aben ohppa ippunadttem.

1 Pita 1:11

Kristus Ouɗi propet, ahilagppa dayom amu, Nug Kristus uug maokkunu, amunu binag amahlak oppiaawak ele dimppa uɗikkunu elenu dabmak mattom amunu, propet ag amunu haen, amu nuhig keeke laa ele hettoɗidttappig.

Galesia 3:5

Ib attenppa Kayak Nug nuhig Ouɗi ag matta, ag oolagppa kobol danab hekkunu elele iitta laala hette? Nug ag ɗonu uɗat hetteb, amuppa Nug anam hettetai? O iitta, Nug ag Nai Ena doon, ag oolagppa genab dooppig, ib amuppa anam hettetai? Ib laa iitta, Nug ooppa genab doyak aguppaib hette.

Pilipai 1:18

Amge amunu am nai iitta. Kobol ohppa, hambuppuak kobolppa, kobol genabppa ele, ag Kristusnu nai mehuqtteb amunu, da maɗoɗppan gamag ahak doottem. Yo, da geha maɗoɗppan gamag ahak eleib doyeye daakkul.