Pilipai 1:13 - Nobonob Baibel

¹³ Amunu daup oh, Sisarnu lag enanagnab gumatteb ele, amu danab laala oh ele, ag da Kristusnu dayeye, diig amunu da hippalak daattem amu, ag aakku dootteb.

Pilipai 1:13 Referans Kwoze

2 Timoti 2:9

Da Nai Ena imu madittem amunu, danab ag dahilnu, “Nug am danab nau,” ana, uug digdig meɗatteb. Ao, ag amu oh henana, ag da maniguittakppa ele meiɗppig, amge Kayak nai amu maniguittak daakkunu elele iitta.

Epesus 3:1

Diig amunu amu da Pol, da iitta aɗi ag ehanadkkulnu Kristus Jesusnu maniguittak danab daattem.

Pilipai 1:7

Amu haen laa da maniguittakppa dayeye, haen laa da dimittim dayeye, da danab laala Jesusnu nai tabappeg nekkunu hetteb amu, nuhig nai nemanu da wagai mein, da ele nuhig nai ɠagattag qedette, Jesusnu Nai Ena ele madittem, haen amu oh amu da ag ele, ig oh Kayaknu ehanittak okkai hamu megatte ele amu aomut amunu, da oolppa ahilagnu enanag doottem am kobol ena; kobol tutukku.

Epesus 6:20

Ao, da Nai Ena imu madittem amunu da maniguittakppa daattem. Ge, da amu madikkulnu uɗat ele amunu amu, ag Kayak Nug heeb, da helom bia da baɗak iitta dayen, nuhig nai madikkulnu unuqitteg!

Aposel 26:29

Nug anam a amu Pol nug aum. “Da haen elab madikkul o da haen tutu madikkul, amuam keeke okkai iitta. Keeke okkai amu na da daattem bia daakkut, amu da amunu Kayak unuqidttem. Na nakka iitta. Gemu danab laa imu oh ag dahil nai dootteb, ag ele anam daaglagnu unuqidttem. Sen imu aakkuib am ag aoglagnu da ool ii daatte,” awa aum.

Pilipai 4:22

Kayaknu danab ah oppiaawak ele oh ippanu, ag ag Pilipai daatteb ele humadtteb, amge Kristen danab ag Sisar laugppa uɗat hetteb ele, ag humattak amu hekkulagnunab hetteb.

Aposel 28:30

Maɗ aɗit Pol nug nukka lag daden meum amuppa dayaya, danab ah oh ag nug gumidna uɗippig uɗiegeg, nug ag ele laippu dayaknu ooppa eleleib doya, diieye daappig.

Aposel 28:20

Diig amunu da ag gemu daatteb, da ag ele mattit, appi anidna dooglagnu am da ag anadkkulnu ele ool daye onilagppa emi. Da Israel dilag dabmak aɗa ameg ma dayak, ⌊amuam Kristus uɗikkunu dabmak⌋ da amunu gemu sen imuppa da eppel qakkak daattem,” awa aum.

Aposel 28:17

Pol nug appa dayeye, deɗ ewam uue nug Juda dilag ikki danab onilagppa ee uɗin qagmeeg, nug amelagppa inam aum. “O lailad, da ihinig huu amu tappadppi nokkulagnu o iitta ig alankad dilag kobol amu nau ainne maute ukkaknu laa ii hemi. Da anam laa ii heme, amge Juda ag da Jerusalem appa hippaliɗna Rom danab eppelagppa meiɗppig.

Aposel 26:31

dimittim gona, akka akka inam madippig. “Danab umu nug keeke laa, nug maniguittakppa daakkunu o qepput mauhkkunu laa ii hette.”

Epesus 4:1

Da Naɗinu uɗat hettem amunu, da maniguittakppa daattem. Da anam dayeye amu, da Kayak, Nug ag onilagppa eum, da amunu dabmein, da ag ahan, ewak baag amu attem oiglagnu ippuanadtte, ag amu dim lamidnana tutukku eleleppa oiglagnu iikku ahilkad dabmak maɗedattem.

Pilipai 1:30

Amu ag uug da haen matu matu maomi anidppig, gemu ele da uug amuib mawewe daaiyi, ag dootteb amunu, ag da ele layam ena daat, uug amuib maotu!