Pilipai 1:11 - Nobonob Baibel

¹¹ Oo mauhak kobol ahilag am okkai dayebeb, haen ag wan imuppa oitteb ele, genab tutukku hak kobolppan meu, Jesus Kristus he betteb ele amu, meu amu oh ahilagppa naɗi daaglag. Amuppa ag Kayak Nug binag amahlak oppiaawak ele okkai medappeg, Nug binag naɗi ele daakku.

Pilipai 1:11 Referans Kwoze

Hibru 12:11

Danab nug ena bekkunu tolitta, bu qak aotte ele amu, haen nug aotte danab amu nug maɗoɗppan gamag ahak ii dootte. Iitta. Nug ooppa guittak dootte, amge Kayak Nug danab amu nug ena bekkunu uɗat amu ha male, danab aun nug tolitta bu qak amu pehettak aotte ele amu, nug genab tutukku hak kobol dim lamitta oiyaya maɗoɗ ele daatte.

Jon 15:8

Haen ag meulkad huanak otteb amu, ag dahil ippunittak awak danab genab daatteb. Amu amuppa da Mamel Nug binag amahlak oppiaawak ele aotte.

Kolosi 1:10

Anam dayeb amu, ag Naɗinu dabmak dim lamidkkulagnu, ag Nug oo niitte ohppa oiglagnu elele daanna, ad meu ena otte, amubia ag anen anen ag oinna, ag uɗat ena oh hekkulag, amu ag doyak Kayaknu tuɗidna aoglag.

Pilipai 4:17

Amu da keeke ahilagppanu aokkulnu ii attem. Iitta. Da ahilagppa kobol ena naɗi dayebeb, ag Kayak noobppa onig ena aoglagnu ool daatte.

Kolosi 1:6

Nai Ena wan atu ohppa ukke, danab ag doonna heeg, naɗi ma amu kobol ena, doyak digdig ena ele danab kuɗum ag aakku aon hetteb. Anamib aakku ahilagppa digmeum, deɗ amuppa Nai Ena amu nug he, ag aon, ag Kayaknu ehanittak okkai hamu megatte ele diig genab doon, ag kobol ena, dabmak ena ele aɗan oitteb.

Rom 6:22

Amge Kayak Nug ag hipuninnu kobolppanu uhuqatta, Nug ag nuhig begbeg maɗi nid maattom amunu, ag nuhig keeke ena aonna, oppiaawak danab betteb. Ag anam bettebnu gogtak amu ag bauklel hanhannu aoglag.

Aisaia 61:11

Anam amunu, ee tumu wanppanu genab digma ba, okkai mette, o dattanu keeke genab bette, amubia Naɗi Yawe Nug heeb, genab tutukku hak kobol wan atu ohppa okkai meeb, danab ah ag Nug binag mekkulag.

1 Pita 2:9

Amge ag Kristen danab ah amu, ag gatatuppa daaegeg, Kayak Nug diia amahlak enappa maattom, ag Nug ahilagppa ena heum, ag amu miag atiglagnu Nug ag tituanatte daanna, ag am mana mettak danab, king ele daatteb, ag am danab ah Kayaknu ɗo maɗoɗppa daatteb, ag danab ah nuhikkudnab ele daatteb.

2 Tesalonaika 1:12

Ib amuppa amu, ag Jesus Kristus, ihinig Naɗi, Nug onig binag amahlak ele mettana, ag nuhigppa ele binag amahlak ele aoglag. Amu oh am ihinig Kayak, amu Naɗi Jesus Kristus ele, ahilah ehanittak okkai hamu mettakppa aakku bette.

Epesus 1:14

Kayak Nug ig nuhikkud daatteb, ig dimppa gog tak haenppa ig qagaiettakppanu eɗua uhuqak megakkunu aum amu, ig megakkunu genabnab doognignu Nug nuhig Ouɗi, keeke lonnu onig awa bia ha, ig mekkom. Ig Kayak binag metu!

1 Korint 10:31

Amge ag ee le ele lakkulag, o keeke laa hekkulag amu ag keeke amu ohppa ag Kayak binag amahlak oppiaawak ele mekkulagnu aakkuib dabmenan heig!

Matyu 5:16

Amubia ag dahilad daatteb ele, laala ag ahilag kobol ena anidna, ag ag Mamelag, hab attan daatte amu, Nug binag mekkulagnu, ag ahilag amahlak danab amelagppa amahalaɗ!

1 Pita 4:14

Amu ag Kristus onig ɠagattag aɗatteb amunu, danab laa ag ahilagnu nai eheɗ akkulag amu, ag itittak ena aoppig daatteb. Aɗinu? Kayak Ouɗi, Nug binag amahlak oppiaawak ele, Nug ag ele daatteb.

1 Pita 2:12

Amu ag danab laa Kayak baekkudppa ii daatteb ele amu, ag ag oolagppa daanna, kobol ena tutukkuib heig! Ag anam hebeppeg, danab amu ag ahilagnu nai nau akkulagtai, ge ag ahilag kobol ena amu anidna, haen Naɗi Nug ig danab ig ehanigkkunu uɗikku amu, ag ele Nug binag mekkulag.

1 Pita 2:5

Nug he, ag ele men bau daatte bia beegeg, Kayak Nug nuhig tamaniak, lag bia, ahilagppa hette. Amuppa ag mana mettak danab oppiaawak ele daanna, ag keeke Kayak oo niitte ele, Jesus Kristus onigppa mana mettak bia Kayak keeke amu mettaglag.

Epesus 2:10

Amu Kayak Nug nuhig doyakppa he, ig bemut. Ge, Kayak Nug he, ig Kristus Jesusnu daatta, ig kobol ena hekkunignu daattem amunu, ig ig oninig humagnignu elele iitta. Kayak Nug ig amuppa oignignu anukka babaitta mekkom.

Epesus 1:12

Nug ig Kristusnu anuqta, nuhignu oonigppa genab doot Nug dim lamidttem amu, ig Kayak onig okkai humagnignu, ig binag amahlak oppiaawak ele nug mettagnignu tituanikkom.

2 Korint 9:10

Kayak, Nug ee eppaknu danab ee tumu madatte, Nug ee digdig danab oh lakkulagnu ele madatte amu, Nug geha ag keeke oh elele matteb, ag laa madappeg, aria ag Korint ag geha genab tutukku hak kobol ahilag amu nug tuɗid okkai maama, ag laa daɗek daatteb keeke kuɗum mattaglagnu elele daaglag.

Jon 15:16

Ag da ii tituaniɗppig. Iitta! Da ag tituanadmi. Anam amu, da ele ag gona, meu ii nauhtte ele okkulagnu, da uɗat amu ag mattami. Ag anam hekkulag dayeb amu, Mama Nug aɗi keeke ag da onilppa Nug oɗ medappeg amu, Nug ag madakku.

Jon 15:2

Mame Nug dahilppa eppeg oh meu ii niitteb ele okkulatta geɗadtte. Eppeg laa meu niitteb ele, ag meu huana okkulagnu Nug bappaladtte.

Aisaia 60:21

Ag Juda danab ah oh ag genab tutukku hak kobolib dim lamidnana, ag ahilag wan aon, amuppa hanhan daaglag. Laa ag ahilag wan baula ii gumamna. Danab nug ee eppe, qaɗu ba okkai me, nuhig daatte, amubia ag Juda ag dahil daaglag. Danab keeke eppegppa he, nuhig daatte, amubia ag dahil daaglag. Da danab ah laa oh ag dahil binag amahlak oppiaawak ele anidkkulagnu da hak anam hekkul.

Sam 1:3

Danab nug anam Kayak dim lamidtte ele amu, nug am ad laa le daugppa ebappig daatte, hanebppa meu owawa, uɗug ii nauhtte, nug anam bia daatte. Nug aɗi hette, am enaib bette.

Aisaia 5:2

Nug wan buue be, men oh akke ukke, muɗi grep eppeg enaib epeɗia eppom. Dad amu gamagppa nug neekkeb ukkeb, aɗi uɗitte anttaknu lag attan ta ukkak menppa hak laa heum. Amu nug dad ooppa nug grep meu tappa leppu awaknu aben laa heum. Nug keeke amu oh ha malowa, nug “Muɗi grep dahil imu geha meulag ena, ubuhi ele daaglag,” dabmeum. Nug anam dabmeum, amge anam iitta. Muɗi grep amu meu ena ii oppig, meulag doɗo naunau oppig; lanaknu am mua ele, ena iitta.

Rom 15:28

Amunu da uɗat amu heppi gog tekkunu gottem. Da keeke ena amu Jerusalem danab da eppelagppanab maattoya amu, da geha Spen gokkulnu ugekke, ag ele anattoya gokkul.

Taitus 3:14

Aria ihinig danab, ag Kristen, ag uɗat hekkulagnu, ag amuppa bau dayaknu keeke aoglagnu dooglagoitte. Ag hamuib daaglagnu am aib.