Pilipai 1:10 - Nobonob Baibel

¹⁰ Amunu diig am, ag amuppa geha kobol atten am enanagnab daatte epeɗidkkulagnu elele daaglag. Ag anam heppeg ukkeb ukkeb, Kristusnu deɗppa ag oppiak, Kayaknu neekkakppa danab oolagppa kaliak laa iitta ele daaglag.

Pilipai 1:10 Referans Kwoze

Rom 12:2

Danab laa ag wannu haen imuppan kobolnuib guattak oitteb, ag amubia aib oippig. Iitta! Kayak Nug heeb, ahilag dabmak ena bau beeb, ag oiyak bauppa oiyeg! Ag anam henana, ag Kayak, Nug ag aɗi hekkulagnu dabmaknab aotte, ag amu dooglag. Ag amu doona, ag Kayak Nug aɗi haknu ena dootte, aɗi haknu enanag dootte, aɗi haknu elelenab dootte amu, ag amu ele dooglag.

1 Tesalonaika 3:13

amu deɗ Naɗi Jesus Nug nuhikkud oppiaawak danab ah ele eɗun nekkulag amu, deɗ amuppa ag ig Mamenig Kayak, ag Nug toppa danab ah oolagppa kaliak laa iitta, ag Kayaknu danab ah oppiaawak ele daaglagnu, Naɗi Nug heeb, ag oolag ɠagattag daaglagnu oonig ele daatte.

1 Tesalonaika 5:23

Kayak, Nug aakkuib am oo maɗoɗ diig, Nug nukkaib heeb, ag beɗulag dimittim, oolagppa ele oppiaawak daaglagnu ool daatte. Nugib ag ouɗilag, dottolag, amu beɗulag ele atognobob, ihinig Naɗi Jesus Kristus eɗua uɗikku haenppa ag oolagppa kaliak laa iitta ele daaglagnu, ig Kayak unuqidttem.

Rom 2:18

ag Kayaknu ɗonu ippunittak aoppig daatteb amunu, ag Kayak oo daatte doonna, ag ib ena aakkuib dim lamidkkulagnu, ag amunu ena doona,

1 Jon 4:1

O gamalad, propet hambuppuak kuɗum ag ihinigppanu qatin gona wan imuppa oitteb amunu, ag danab ag, “Da Kayak Ouɗi oɗe awen madittem,” atteb ele, ag amu oh dilag nai oolagppa genab aib dooppig. Iitta. Ag nai dootteb ele ag ouɗi aun laa nai maditteb ele ehanatte, ag nai maditteb, ag amu pehettan epeɗin, aun nug Kayak Ouɗippa nai maditte anidna, ahilag naiib ag oolagppa genab doyeg!

Pilipai 1:6

da imu am genabib genab doottem. Kayak Nug ahilagppa uɗat enanag digmeum amu, Nug uɗat amu tuɗitta heeb ukkeb ukkeb, Kristus Jesusnu deɗppa gog tekku.

1 Tesalonaika 5:21

Nai oh, amu keeke oh ele ag epeɗin, aɗi am ena aakkuib, ag aɗeg!

1 Korint 1:8

Naɗi Jesus Kristus Nug ag ehanatteb ukkeb, ag ɠagattag daappeg, haen malakppa batakku amunu, ihinig Naɗi Jesus Kristusnu deɗppa ag Kayak noobppa, ag danab oolagppa kaliak laa iitta ele daaglag.

Revelesen 2:2

Da nahip hak, uɗat ɠagattag nahip, amu na uɗat amu hekkutnu ii uun, tuɗidna hettem ele amu, da doottem. Na danab nau dilag ele oot iinab hette. Amu laa ag, ‘Ig am totol danab,’ hambuppun appig amu, na ma anttak matte, ag am hambuppuak danab daatteb anidme.

Epesus 5:27

amu Kristen tamaniak Nug noobppa enanagnab, dubuttid, o keeke nau laa ele iitta, enanag, oppiaawak, ooppa kaliak laa iitta ele, ba dayebeb aokkunu, Kristus Nug bau dayak nuhig uua mauhom.

Jon 1:47

Pilip nug anam a, Nataniel nug Jesus anidkkunu uɗieye, Jesus Nug antta, Nug aum. “Antteg! Umu am Israel ted genab. Nug ooppa am hambuppuak laa iitta,” awa aum.

Matyu 16:23

Pita anam awa a amu, Jesus Nug eɗua Pita amegppa aum. “Satan, na dimulppa gona, da ippulppa aib daame! Na Kayaknu dabmak ii dim lamidttem; na danab dilag dabmak dim lamidttem,” awa aum.

Josua 24:14

Amu Josua nug nai amu mattiowa, nug tuɗitta aum. “Gemu amu, ag Yawenu ebehilag oh bodoetta le meeb, ag Nug waappa daan, Nug oɗe dim lamidkkulagnu oo metta ii uuak kobol tutukkuppa heig! Ag mamelkad aɗi Yupretis le laih appa, Isip wanppa ele kayak hambuppuak noolagppa dup nona binalag meppig ele amu, ag kayak hambuppuak amu oh agappeg goppeg, ag Yawe, Nugib waappa daan, Nug oɗe dim lamitteg!

2 Korint 1:12

Aria, ig keeke laanu maɗoɗppan gamag ahak doottem. Ihinig ooppan oiyak ippunittaknu ulum am keeke amuam genab ippunigtte. Keeke amuam inam. Ig wanppa oimut, gemu ele oittem amu, ig Kayaknu oppiaawak kobol amu nuhig hambuppuak iitta kobol ele aot oimut. Ig danab dabmakppa ii hemut. Iitta. Ig Kayaknu ehanittak okkai hamu megatte, ig amuppa hetata amu, ig ag Korint daatteb oolagppa huana hemut.

Rom 12:9

Ag lailkad dilag oo mauhak genabppa oolag mauhaɗ! Ag aib hambuppuak bia heppig. Ag kobol eheɗnu nau ninig ele doyeg! Ag kobol ena amuib aɗan autna aweg!

Rom 8:7

Anam daattenu diig am, danab nug oo alagnu keekenu dabmak anuqak aotte ele, nug aakku Kayaknu kekeɗ daatte. Aɗinu? Nug Kayaknu ɗo waappa ii daatte, amu nug anam hekkunu ele, elele iitta

Matyu 26:33

Amge Pita nug oɗeppa awa aum. “Danab laa oh ag nahipnu uug doon, uuidna oolna gokkulagtai, amge da am anam ii hepa,” awa aum.

Maika 3:2

Amge ag, ag keeke enanu nau ninig ele doon, keeke naunu amu, ag oolag mauhtte. Ag am danab nug doɗ gaɗa doɗ beɗuppan aagtte, amubia ag dahilad danab ah eheɗ nau madatteb. Ao, ag danab nug teppu ebehippanu hihia aotte, ag amubia dahilad danab ah eheɗ nau madatteb.

Job 34:3

Danab nug miti ena, o nau dookkunu ee lemaɗuppa nakok ya, amuppa mitinu ma anttak medatte, amubia danab nug daugppa nai doya, nai ena, o nau ma anttak medatte amunu,

Job 12:11

Ig daunigppa nai doottem. Ao, ig lemaɗunigppa eenu miti doottem.

Genesis 20:5

Ah gamu nug ahnu, ‘Nug am da appinal,’ aum, amu ah nug danabnu ele, ‘Nug am da awal,’ aum. Da heinne, beɗulppa aab iitta doomi,” awa aum.

Pilipai 1:16

Danab dabmak ena ele amu, ag am da Nai Ena ɠagattag qedakkulnu ippa maniguittakppa daattem dootteb amunu, ag dahilnu oolag mauhe, ag nai mehuqtteb.

Epesus 6:24

Amu Kayaknu ehanittak okkai Nug hamu megatte amu, amuam danab oh ag ihinig Naɗi Jesus Kristusnu ii daye daye oolag mauhtte ele, am ahilagppa dayaɗ!

Epesus 4:15

Iitta. Ig oo mauhak dootta, nai genab miag maditta, ig keeke ohppa ihinig ikki Kristus, Nug oitte amubia ig oignig.

Galesia 5:11

O lailad, genab da danab ag gaɗalag otaɗkkulagnu nai mehuqttem dayeb amu, aɗinu laala ag da eheɗ heiɗtteb? Am da nai anam mehuqlom, da ig padal mematanu ehanittak Jesus ad emaitakppa mauhomppanu aottem mehuqlom, laa ag dahil nainu dabmak eheɗ aolobte? Iitta.

2 Korint 8:8

Da ami amuppa amu, da ag ɗo ii madattem. Iitta. Amge da danab laala ag uɗat pehettak hetteb ele andette, ag Korint ag aɗi heppeg ele anttena, da ahilag oo mauhak am keeke hamutai o iitta keeke genab eletai dookkul.

2 Korint 6:3

Ig uɗat imu hetata daattem amu, danab ag ig anigna, uɗat imunu eheɗ doomnanu amu ig oiyak ihinig atognotata, danab ag ib apiɗidna nena qekkulagnu kobol laa ii hettem.

2 Korint 2:17

Danab kuɗum laa ag oinna, Kayak naippa men doɗonu uɗat hetteb ele amu, ig amubia ii hettem. Iitta. Ig Kristusnu daatta, maɗi nid Kayak maatte gotteb bia, ig oonig oppiaawak eleppa Kayak noobppa nai amu mehuqttem.

1 Korint 10:32

Ag Juda danab laa, Grik danab laa, amu Kayaknu Kristen tamaniak dilag laa ele kobol ahilagppa heppeg, ag nena qemananu, ag tutukku daan oiyeg!

1 Korint 8:13

Anam amunu da doɗ teppu ag main, kayak hambuppuak medappig ele, da amu lappi, kobol amunu da layal nug hipunin hekku dayeb amu, aria da doɗ teppu amu baula ii lapa. Da hanhan amu dimetten oippi ukkeb, wan haen iitta mekku. Aɗinu? Da heppi, layal nug hipunin hemanu dabmettem.

Rom 16:17

O lailad, nai ag aoppig amu, danab laala ag nai amu tappaeg neene, ag heeg, tamaniak ooppa obatak obatak daatteb, danab ah dilag ooppa genab doyak ele kobolitteb amu, da ag Rom daatteb, da danab amu dilagnu dabmena autna aoglagnu dabmak ahilkad maɗedattem. Ag danab amu dilagnu awaidna, dekkaɗnana dayeg!

Rom 7:22

Aɗinu? Da dahil dabmak unuqagppa amu, da Kayaknu ɗonu enanagnab doottem,

Rom 7:16

Aria, da kobol oh, da hekkulnu ool ii hette ele, da kobol amu hettem dayeb, da dahil kobol amuppa da, “Ɗo am ena,” awe attem

Aposel 24:16

Amunu da hanhan deɗ oh da oolppa keeke eheɗ laa Kayak noobppa, danab ah amelagppa ele ii daamanu, da wagai mettem.

Jon 3:20

Anam amu, danab oh ag hak nauppa daatteb amu, ag amahlaknu nau ninig ele dootteb. Ahilag hak nau miag atimanu amu, ag amahlakppa daaglagnu oolag ii daatte.