Pilemon 1:24 - Nobonob Baibel

²⁴ Dahilad uɗat laippu Mak, Aristarkus, Demas amu Luk ele ag na humidtteb.

Pilemon 1:24 Referans Kwoze

Kolosi 4:14

Luk, ig lainignab, nug dokta, nug Demas ele aa ele ag humadttep.

Kolosi 4:10

Aristarkus, nug da ele oh maniguittakppa daattep, amu Mak ele aa ag humadttep. Mak, Barnabas ele aa tiilah laippu, amu ag Maknu nai aoppig. Nug ag gumatta ukka dayeb, ag nug ele laippu dayaknu oolagppa eleleib doyeg!

Aposel 19:29

Ag anam aon eeg amu ewak baag naɗinab aab okkai amuppa ahehe, danab ah oh ag muttub qenana, ag ahan oh qaiqaɗ qagmak abenppa gonana, ag Gaius, Aristarkus ele aɗualatna eeɗatna ag ele oh goppig. Aa amu Makedonia danab aɗit, aa Pol ele oh oippig.

Aposel 12:12

Nug anam ana, kobol beum amunu dabma, meu anam doyom, Jon Mak anig Maria, nug laugppa ukkom. Appa danab kuɗum ag qagmena, unuqidnana daappig.

Aposel 27:2

Ig gokkunignu ahat oolta, uub laa aab Adramitiumnu laappa temut. Uub amuam Asia dilag aab okkainu aben ilon daattebppa oiyaya eeɗkkunu gokkunu daye, ig teta gomut. Aristarkus, nug am Makedonianu aab Tesalonaika ted, nug ig ele oh gomut.

Aposel 12:25

Kayaknu nai amu anam aha ugekke, Barnabas, Saul ele aa Jerusalem daayya, maɗi ahilah maloya, eɗui Antiok gokkulahnu heya, aa Jon Mak aoeh, nug ele oh goppig.

3 Jon 1:8

Amunu ig danab amu ehanadkkunig am ena. Kobol amuppa ig ag ele doyak diig genabibnu uɗat laippu hekkunig.

Pilipai 4:3

Amu Sisigos, na oo metta ii uuak kobol dim lamidttem, amu da na amenppa attem,. Na ah aɗit amu, aa Nai Ena mehuqak uɗat haknu da ehaniɗeh, ig oh heut ukkom amunu, na aa ehanatna autna awe! Ah aɗit amu aa Klemen, amu dahilad uɗat laippu laa oh ele, Kayak Nug ag oh ag onilkad buk laa, amuam buk onig Bauklel Awa Onig Yaaknu buk, Nug buk amuppa ag onilkad yom ele amu, aa ag ele Kayaknu uɗat amu ɠagattag heppig.

Pilipai 2:25

Amu da Epaproditus, nug am da layalnab, i uɗat ihinih laippu, nug da ele Kayaknu daup danab bia daattep, nug ag Pilipai daatteb, ahilag nai awa ukkak danab, ag nug meeg, da ehaniɗkkunu uɗiom daatte amu, da nug ahilagppa meppi gokkunu ɠagattag dabmettem.

2 Korint 8:23

Taitus nuhignu amu, ag inam anidkkulag. Nug am dahil kadoi, ag ehanadkkunu dahil uɗat laippu. Aria ig lainti aɗit amu, aa am Kristen tamaniak oh dilag maɗi nid, ahilah uɗatppa aa Kristus binag mettep.

Aposel 13:13

Am Pol nug danab nug ele oh oippig ele ag Papos appanu uub aon gona, Pampilianu aab laa Perga appa goppig. Teeg amu Jon Mak nug uuata, eɗua Jerusalem ukkom.

1 Pita 5:13

Amu Kristen tamaniak laa ag bia Babilon daatteb, Kayak Nug tituanattom ele amu, ag ele humattak nai ahilagppa meeg gotte. Amu da bekkal Mak nug ele humattak nai me gotte.