Obadaia 1:19 - Nobonob Baibel

¹⁹ Dimppa, danab ah gemu Judanu wan maha onig Negeb appa daatteb, ag wana, Esau buɗubnu wan Edom, ag wan amu aon daaglag. Danab ah ag Juda wanppa qauko okkai diigppa qauko nakok daattebppa daatteb, ag am ahan, Pilistia danab dilag wan aon, amuppa daaglag. Ag ele Israelnu wan, am Samaria ele aon daaglag. Benyamin danab ag Gileat wanppa daaglag.

Obadaia 1:19 Referans Kwoze

Jeremaia 32:44

Ge, danab ag wan imu ohppa wan maha laala silwappa daden mekkulag. Ag amu hekkulagnu ag pepa bappaidna, danab hette ele nug pepa amuppa nug onig yeeb, laa pepa amuppa aɗi aɗi nai daatte anidtteb ele, ag ele ag onilag yaappeg, ag pepa amu ɗo daatte bia qataqekkulag. Ag Benyamin wanppa, aab naunau Jerusalem talilittak daattebppa, Judanu aab ohppa, wan maha laa qauko qauko daattebppa, qauko nakok qauko okkai diigppa daatteb, aben amuam wan imu ooppa qaban uɗitteppa daatte, aben amuppa, am Negeb appa ele ag anamib hekkulag. Ag amu hekkulagnu diig am da, Yawe, da heppi, ag eɗun, ena daaglag.” Yawe Nug anam awa atte.

Esekiel 36:28

Da anam ehanadppi, ag ag mamelkad aɗi da ag wan mattami amu, ag wan amuppa daaglag. Ag dahilad danab ah daappeg, da ahilag Kayak daakkul.

Maika 7:14

O Yawe, sipsip gumak danab nug dudqak hokkat nuhigppa nuhikkud sipsip gumadtte, amubia na nahipad danab ah gumadkkutnu ool daatte. Nahipad danab ah ag am sipsip nahipad, na aut bia daatteb. Ag sipsip piɗe atuppa daattebbia daatteb, amge atu amu oh daug daug amu, wan gikkiɗah enanag ele daatte amunu, na heppe, ag wan ena Basan, am wan ena laa Gileat, ag aguppa, anukka daan oittappig bia hekkulagnu oɗ medattem.

Amos 1:13

Yawe Nug inam atte. “Amon danab ag hipunin kuɗum heppig amunu, da ool nauhtte. Da ool nauhtte amunu, da ag bu madakkul. Da oppoɗi bak dahil heppi, iitta ii mema. Hipunin laa ag heppig am, ag wan tuɗidna aoglagnu ag Gileatnu ah oolkad ele qep elabppa oolkad oppatattegeg nauhppig.

Amos 1:8

Da heppi, Pilistia dilag king laa Asdot appanu amu, nug nauheb; Pilistia dilag king laa Askelon appanu amu, nug ele nauheb; amu Pilistia dilag king Ekron appanu amu, nug ele nauhkku. Da eheɗ hadappi ukkeb ukkeb, Pilistia danab ohnab ag mauhadna malaglag.” Naɗi Yawe Nug anam awa atte.

Esekiel 25:16

Anam amunu, Naɗi Yawe Nug inam atte. “Da eppel bahien heppi, Pilistia danab ah ag eheɗ aoglag. Da heppi, Pilistia huu laa Keret danab, aria Pilistia laa ag yu ihippa tuɗidna daatteb ele amu, ag oh padal mekkulag.

Jeremaia 49:1

Amon danab ah dilagnu amu, Yawe Nug inam atte. “Israel danab ah ag nid danab laa iite menuadppig? Israel buɗub laa iite daatte? Iitta. Israel danab ah ag nid danab menuadppig. Ag buɗulkad ele amunu, gemu Amon danab, ag kayak hambuppuak Molek noobppa dup nona, nug binag metteb ele, aɗinu danab amu ag Gad wanppa daatteb? Aɗinu Amon danab ag Gadnu aabppa daatteb?” Yawe Nug oɗ ma, anam atte.

Sam 69:35

Aɗinu? Kayak Nug danab ah ag Sion daatteb ele ehanatteb, ag padal ii memana. Ao, Nug heeb, danab ah ag Juda aab okkai baula buualadkkulag. Ge, danab ah nuhikkud ag appa daan, ag heppeg, wan ag eppelagppa eɗua daakku.

Esra 4:17

Daup dilag okkai danab Rehum, nug laikkud ele ag pas amu meeg ukke, King Artekserksis nug antta, nug nai imu pasppa eɗua me, ahilag ukkom. “Nai imuam daup dilag okkai Rehum, nai yaak danab Simsai ele, aria ahilti ehanittak laala Samarianu, am le Yupretis heqo laihnu wanppa aben laalappa daatteb ele amu, nai imuam ahilagnu. Da ag humadttem.

Esra 4:2

ag ahan, Serubabel, amu Israelnu baelkadppan danab okkai ele gumadna wana, ag appig. “Ig ag hetteb bia, ig ahilag Kayak noobppa dup nota, Nug binag mettem. Ig Asiria dilag king Esarhadon he, ig uɗit daamut, haen amuppa ig doɗ mait, Nug mettagnignu digmeta heut uɗie, gemu ele hettem amunu, ag appeg, ig ag ehanadpput, ig oh Yawe laug imu buugnig,” aon appig.

1 Stori 5:26

Israel dilag huu okkai Ruben, Gad, Manase mahaib ele ag eheɗ amu heeg, Kayak, Nug Israel dilag Kayak, Nug he, Asiria dilag king Pul, nug onig laa am Tiklat Pileser, nug Asiria dilag king, nug aha, Israel dilag huu okkai Ruben, Gad, Manase mahaib ele eɗatta, appanu wan laappa diia ukka maatte, appa ag diia ukka laih me dayak danab ah daappig. Wan nug diia ukke daappig ele am Hala, Habor, Hara, amu le Gosan guguittak ele. Nug diia ukka, amuppa maatte daaeg uɗie, gemu ⌊nai imu yaak haenppa⌋ ele, ag appa ana daatteb.

2 King 17:24

Israel ag anam gona daaegeg amu, Asiria dilag king nug danab ah Babilonnu, Kutanu, Awanu, Hamatnu, am Separwaimnu ele diia ukka, Israelnu aab anen anenppa maatte, Israel oulag daaglagnu daappig. Danab ah amu ag Israel wan ahilag daakkunu aon, ag Israelnu aab anen anenppa aakku daappig.

Josua 15:33

Aab laala Josua, nuhig ehanittak ele ag Juda madappig ele am qauko nakok qauko okkai diigppa daatteb, Kanan wan ooppa qaban uɗitteppanu dayom amu, aab amu aguppa daappig. Aab amuam, Estaol, Sora, Asna,

Josua 15:21

Aab amu laala ag wan amuppa yau uɗitteppanu umanab ukkak daaegeg, Josua nuhig ehanittak ele ag Juda danab ah madappig. Aab amu ag Edomnu tom guguittak daappig. Aab amu onilag amu Kapsel, Eder, Jagur,

Josua 13:31

Moses nug ag Gileat maha laih, amu Basannu King Ognu king dayaknu aab okkai, Astarot, Edrei ele ag mattom. Moses nug Gileat wan amu oh am Makir buɗubppan, ag baelkadppan danab mattom. Makir nug am Manase bekka.

Josua 13:25

Nug wan onig Jaser, amu Gileat ⌊maha yau uɗitteppanu daatte, am amunu⌋ aab oh, amu wan maha laih Amon dilag ele mattom. Aab onig Aroer am aakku Amon dilag wan tom dayom. Aroer amu Raba guguittak.

Namba 1:32

Josep bekoɗ Epraim, Manase elenu amu: Epraim huuppan danab oh, ag maɗ 20, o iitta maɗ 20 eɗittak, ag ban daup ooppa daanna, ban hekkulagnu elele ebaqappig. Ag onilkad anen anen, ag baelkadppa onilkad, amu ag ahilkad aab ikki onilkad ele waappa yaappig. Amu Israel dilag huu okkai Epraim, huu amuppa, danab amu 40,500 daappig.