Obadaia 1:18 - Nobonob Baibel

¹⁸ Haen amuppa Israel danab ah ag aab ewa daatte bia daaglag. Ao, Israel danab ah ag aab dittiak bia daaglag. Ag anam daappeg, Edom danab ah ag wit keeke gumu qaɗaiettaknab bia daaglag. Aab wit keeke gumu qaɗaiettaknab ewe, iitta mette, amubia Israel ag Edom eɗadna autna aon heppeg, Edom, Esau buɗub, ag iitta mekkulag. Edom wanppa amu, danab laippu laa bau ii daama.” Yawe Nug anam aum daatte amunu, am anam bekku.

Obadaia 1:18 Referans Kwoze

Sekaraia 12:6

Amu Yawe Nug atte. “Deɗ amuppa da heppi, Judanu aab ikki ag waa ooppa aab nakok ewa ukka ukka, aab ameg qagmak eotte, o hul laa ewawa ukka, ee aeg gumu kuɗum ehagna qagmeppig eotte, ag amubia daaglag. Judanu aab ikkinu danab ag wan laala Juda wan talilittak daatteb eɗadna autna aoglag, amu Jerusalem am nuhig abenppa, appa ena, ɠagattag daakku,” awa atte.

Aisaia 10:17

Yawe, Israel dilag amahlak, Nug aab ewak bia daakku. Ao, Israel dilag Kayak Oppiaawak Ele, Nug aab aɗu bia daakku. Nug anam dayaya, aab uud keeke qaun ele qaɗaiettaknab oh ewe iitta mette, amubia deɗ laippuppa Nug heeb, Asiria dilag daup ag padal mekkulag.

Maika 5:8

Jakop buɗub ooppan oɗo yaak danab amu, ag wanppan wan ohppa daaglag. Ao, ag danab digdig oolagppa daan oiglag. Ag anam daan, ag laion atuppan doɗ dakkuɗ oolagppa daatte, ag amubia daaglag. Ao, ag laion bau sipsip oolagppa daatte, ag amubia daaglag. Laion bau anam amu, nug oiyaya, sipsip aqaaqa, guittak okkai madatta gotte, am aun laa nug sipsip amu ehanadkkunu elele? Laa iitta.

Esekiel 37:19

na ag amelagppa dahil nai inam appe doyeg! ‘Naɗi Yawe Nug inam atte. “Da Josep buɗub, Israel dilag huu okkai laa ag Josep buɗub ele ouaqattak daatteb ele dilag ad Epraim eppegppa daatte, da ad amu awe, Judanu ad ele awe, ad aɗit noolah nug noob qal mettak atulppi, ad aɗit amu da eppelppa ad laippu daakku,” ’ awa atte.

Aisaia 5:24

⌊Ag anam hetteb⌋ amunu, wit keeke gumu qaɗaiettak ewa iitta mette, amubia ag nauhkkulag. Ao, gikkiɗah qaɗaiettak aab aɗuppa ewa malatte amu, amubia ag nauhkkulag. Amu ad diɗilag beɗaeg, ad bunaɗtte; bala, ⌊uɗulag ele⌋ na qa iitta mette bia amu, ag anam nauhkkulag. Aɗinu? Ag am Yawe Nukka Ɠagattag Oh Ele, ag nuhig ɗo doyaknu uuppig oitteb. Ao, ag Israel dilag Kayak Oppiaawak Ele, ag nuhig nai dimedappig oitteb.

1 Korint 3:12

Amu danab ag lag ukku qaɗeppa lag hetteb ele amu, ag keeke laalappa, aab eokkunu elele iitta; gol, o iitta silwa, o iitta men ena amuppa lag hekkulagtai. O amu iitta ag keeke laalappa, aab eokkunu elele; ad, o iitta gikkiɗah, o iitta wit keeke gumu amuppa hekkulagtai. Amubia danab ag nai dahil aon tuɗidna uɗat hetteb.

Nahum 1:10

Aɗinu? Ag danab muɗi qaun ele ooppa dayeye, qaun nug aɗatteb bia daaglag. Ao, ag ahilag wain labeppeg, kaaka aqakku. Ge, gikkiɗah qaɗaiettak huana eotte bia, Yawe Nug heeb, ag nauhna, padal mekkulag.

Obadaia 1:16

Amunu, qauko dahilnu tituanak daatteppa, appa dahilad danab ah ag bu awak okkainab aon malappig, amubia wanppan wan laa oh ag ele bu amubia, amge amu eɗittak aoglagoitte. Ag aona, ag ii daappig bia daaglag.

Amos 6:6

Ag wain huana latteb; ag goɗen muttuɗig enanagnab, daden nob okkai ele laatteb. Ag amu oh hetteb, amge ag Israel padal mekku, ag amunu dabmena, oolag ii dootte; ag amunu dabmak nakok laa ii aotteb.

Amos 5:15

Ag kobol enanu amu, ag oo mauhak doon, ag kobol naunu, ag nau ninig ele doyeg! Ag hettoɗiakppa nai doya mala hettoɗia epeɗia elele mettak kobol ele dim lamitteg! Ag anam hebeppeg amu, Yawe Kayak Nukka Ɠagattag Oh Ele, Nug geha ag Israel danab ah, oɗo yaak daaglag, Nug ahilagnu oo gai-iitta doya oo matta ehanadkkutai.

Joel 2:5

Tap-lokus ag qauko eɗadna ukkaegeg, ahilag oqotti am bannu karis ukkaegeg, oqotti otte bia, o qahak ewewe, oqotti otte, anam bia, o daup huanaknab ban hekkulagnu qagmetteb, am amubia oqotti otte.

Esekiel 37:16

“Danab bekka, na ad maha laa aon, amuppa na, ‘Ad imuam Juda buɗub, aria Israel laa ag Juda buɗub ele ouqak daatteb ele, ad ahilag daatte,’ yaakkut. Na amu hewon, na ad maha laa aona, na amuppa, ‘Ad imuam Josep buɗub, am Israel laa ag Josep buɗub ele ouqak daatteb, ahilagnu ele Epraim atteb, am ad ahilag,’ yaakkut.

Aisaia 47:14

Amge iitta! Danab amu ag wit keeke gumu qaɗaiettak, aab paha ewe iitta mette, ag amubia daan, paha nauhkkulag. Ag agakka ehanadna ena daaglagnu elele iitta; wit keeke gumu nug nukka aab ewakppa ha ena daakkunu elele iitta, amubia. Wit gumu ewak amuam aab gakkaɗaknab. Danab nug aab amu guguittaknab dayaya, beɗu gakkaɗak aokkun am iitta. Aab amuam danab nug uɗikka dayaya, ena daakkunu iitta. Amubia uug ag Babilon ahilagppa bekkun daatte am naunab nau ele.

Aisaia 31:9

Asiria ag eheɗ nau baɗaglag amunu, ahilag ɠagattag oh iitta mekku. Ao, ag da Yawe, da ag eheɗ hadakkulnu at anidna, ahilag daup dilag okkai ag eheɗ baɗan abenlagppa daan, ban iinab hemana.” Yawe Nug anam atte. ⌊Yawe, Nug amu atte ele amu, Nug oppiaawak, ɠagattag ele daatte, amu ɠagattag, oppiaawak amu ele aa aab ewak bia daattep.⌋ Amu aab amu Sion appa daatte. Ge! Aab amunu qaɗab am Jerusalem appa ana daatte.

2 Samuel 19:20

Aɗinu? Da doottem, da hipunin hemi, amu diig amunu gemu da Israel laa oh oolagppanu da anuqe uɗien, dahil naɗi, dahil king, da nug uɗa tekkulnu uɗimi,” awa aum.

Aisaia 9:18

Amu nau hak kobol am aab aɗu bia. Aab aɗu keeke qaɗaiettaknab ele ewawa ukka, atuppan ad, keeke laa oh ele ewewe, aab kah huanaknab tette, ⌊amubia hipunin hak kobol am danab ah heeb nauhna autna aoglag.⌋

Aisaia 9:19

Am Yawe Nukka Ɠagattag Oh Ele, Nug oppoɗi beeb, Israel danab ah eheɗ anam madakku. Atu ewa, keeke oh ewa iitta mette, amubia Nug heeb, wan danab ele nauhkkulag. Danab ah ag aab ewaknu aab bia daaglag. Haen amuppa laa nug awag, o amag laa ii ehanidma. Iitta!

Jeremaia 11:23

Da heppi, bu awak haen ahilagppa uug naunab Anatot danab dilagppa nekku amunu, ag padal mena, danab kobol nau amu hetteb oolagppa laippu laa ii daama, buɗulkad ele laippu laa iinab daama,’ awe attem.” Yawe Nug anam awa atte.

Amos 1:8

Da heppi, Pilistia dilag king laa Asdot appanu amu, nug nauheb; Pilistia dilag king laa Askelon appanu amu, nug ele nauheb; amu Pilistia dilag king Ekron appanu amu, nug ele nauhkku. Da eheɗ hadappi ukkeb ukkeb, Pilistia danab ohnab ag mauhadna malaglag.” Naɗi Yawe Nug anam awa atte.

Malakai 4:1

Yawe Nukka Ɠagattag Oh Ele Nug atte. “Anam amunu, dahil deɗ naɗi aakku uɗitte. Deɗ amuam aab dittiak bia daakku. Deɗ amuppa aab amuam beɗuppa tak danab, amu eheɗ hak danab ele ag wit keeke gumu qaɗaiettak eotte bia ewadkku. Ge, ad laa, ebekkud oh, diɗi ele oh ewa mala nauhtte bia, ag nauhkkulag.

Eksodas 5:12

Anam daye, aria Israel danab ag akka brik hekkulagnu gikkiɗah bunaɗak mattin, qagmena akkan uɗiglagnu Isip dilagppa aben ohppa goppig.