Obadaia 1:14 - Nobonob Baibel

¹⁴ Ag Edom ag ib oɗatleppa daanna, Israel oolppig aqadkkulagnu ii daalob am ena, amge ag amu heppig. Ge, uug naunab amu haenppa, haen amuppa Israelnu laa ag kekeɗ eppelagppa ii mauhppig, ⌊ag oolna ukkaegeg,⌋ Edom ag, ag aɗualadna, kekeɗ eppelagppa ii maadlob am ena, amge ag anam heppig.

Obadaia 1:14 Referans Kwoze

Obadaia 1:12

Ag uug ag lailkad Juda dilagppa beum haenppa, ag amelag guhigppa ii neekkadlob am ena, amge ag anam neekkadppig. Ao, kekeɗ ag heeg, ag lailkad Juda danab ah nauhppig, ag Edom, ag gamag ahak ii doolob am ena, amge ag gamalag ahom. Uug amu Israel dilagppa be, ag Edom ag akka akka ag onilag ii humalob am ena, amge ag anam heppig.

Amos 1:9

Yawe Nug inam atte. “Tair danab ag hipunin kuɗum heppig amunu, da ool nauhtte. Da ool nauhtte amunu, da ag bu madakkul. Da oppoɗi bak dahil amu heppi, iitta ii mema. Hipunin laa ag heppig am, ag dahilad danab ah ele layam batan, nug tituanna nai qagappig, amge ag nai amu lopaɗna, ag dahilad danab ah dilag aab kuɗum eɗadna, aab amunu danab, ah, nid ele oh aɗualadna, diin gona, Edom danab ah dilag maɗi nid daaglagnu maatteg, Edom danab ag daden maadppig.

Amos 1:6

Amu Yawe Nug inam atte. “Pilistia danab Gasa daatteb ag hipunin kuɗum heppig amunu, da ool nauhtte. Da ool nauhtte amunu, da ag bu madakkul. Da oppoɗi bak dahil amu heppi, iitta ii mema. Hipunin laa ag heppig am, ag dahilad danab ah dilag aab kuɗum eɗadna, appan danab, ah, nid ele aɗualadna, diin gona, Edom danab dilag maɗi nid daaglagnu maatteg, Edom danab ag daden maadppig.

Jeremaia 30:7

Haen amuam haen nau. Haen laa am haen amubia ii dayom, gemu ii daatte, butti aɗi ele anambia ii daama. Haen amuppa amu, Jakop buɗub ag uug nau aoglag, amge da ehanadppi, ag ii padal memana.

Aisaia 37:3

Ag gona, ag Aisaia amegppa appig. “Hesekaia nug inam atte. ‘Gemu am deɗ nau, uug nau tonikkaknu deɗ. Deɗ imuppa ig Yawenu daug batak aottem. Ig gemu uɗa nak nau guittak ele doottem. Amu ig ah laa, nuhig haen iitta me, nug nid aokkununab daatte, amge nuhig ɠagattag iitta me, nug nid aokkun elele iitta, ig anam bia daattem.

Sam 31:8

Na da uuiɗe, da dahil kekeɗ eppegppa ii wami. Iitta. Na awiɗna, aben okkai enanagppa meiɗe daami.

Genesis 35:3

Ag anam heppeg, ig ahat, Betel gota, appa ig Kayak noobppa dup nota binag mekkunignu da nuhig qaɗab qekkul. Nug da anukka uug nau ele daami, haen amu dimppa ele da adeppa adeppa oimi amu, Kayak Nug atognoiɗom,” awa aum.

Matyu 22:9

amunu, ag gona, ib oɗatleppa danab ah oh ag anadna appeg, ewau matulak hobul imuppa uɗieg!’ awa aum.

Aisaia 16:3

⌊Amu Juda dilag okkai na,⌋ na ulum nai matte! Na nai doya mala hettoɗia epeɗia elele mettak kobol dabmenan he! Danab ah ag aam gakkaɗaknu aam ameg tutukkuppa ad ilonppa hik aon daatteb bia, na ad lokko gatatu manak laa bia ahilagnu daye! Moap danab ah ag oolna, laih daaglagnu gokkulag ele amu, ag aben ena amuppa gona daappeg, na ag lokkumatte! Na aben amu kekeɗ aib ippunadme!

Aisaia 16:4

Na Moap danab ah ag wan ahilagppanu oolna gona, laih daaglagnu gokkulag amu, ag uɗin, nahip wanppa daaglagnu, “Ao,” a! Yo, na ag ena daaglagnu, kekeɗ aqamanu, na ahilag guppiɗ daye! Danab nug Moap eheɗ hadakku, nug ag nug waappa daaglagnu wagai mekku amu, nug geha iitta mekku. Nug geha iitta meeb, wan he nauhaknu kobol amu ele iitta mekku. Haen amuppa laa nug Moap danab ah tappalatteb nokkulag amu, nug wanppa baula iinab daama.