Obadaia 1:12 - Nobonob Baibel

¹² Ag uug ag lailkad Juda dilagppa beum haenppa, ag amelag guhigppa ii neekkadlob am ena, amge ag anam neekkadppig. Ao, kekeɗ ag heeg, ag lailkad Juda danab ah nauhppig, ag Edom, ag gamag ahak ii doolob am ena, amge ag gamalag ahom. Uug amu Israel dilagppa be, ag Edom ag akka akka ag onilag ii humalob am ena, amge ag anam heppig.

Obadaia 1:12 Referans Kwoze

Maika 4:11

Yawe Nug appanu eɗua diiadkku, amge gemu wanppan wan kuɗum dilag daup ag, ag Israel ele ban hekkulagnu qagmeppig daatteb. Ag atteb. “Ig ag eɗadta, ig ahilag na qaknu amu, ig oonig gamag ahak okkainab doognig,” aon atteb.

Esekiel 35:15

Ag kekeɗ heeg, Israel wan hele-ettak beum, haen amuppa ag oolag gamag ahom amunu, da heppi, ag Edom, ahilag wan am anamib daakku. O Qauko Seirnu danab, da heppi, ahilag wan oh am hele-ettak daakku. Anam dayeb am, ag Edom danab, ag dooglag, da am Yawe.” Yawe Nug anam atte.

Prowerb 17:5

Danab nug daɗek awa awa aqadtte amu, nug laa Nug danab amu hattom ele, nug nuhignu, “Keeke hamunab,” dootte; am aun nug uug naunab nau, danab laa nuhigppa bettenu gamag ahatte, nug genabnab genab bu mettak ii eɗidma.

1 Samuel 2:3

Na dada danab dilag nai tuɗidna, aib mattime. Ao, na hib guitta qak nai mattiak uue! Aɗinu? Yawe, Nug Kayak genab, Nug keeke oh dootte. Ao, Nug danab dilag hak epeɗidtte.

2 Pita 2:18

Danab amu ag akka ag beɗulag human, keeke okkai heppignu hambuppun maditteb. Ag beɗulagppan kobol naunu mattiegeg, danab laa kobol tutukku digmena dim lamidtteb ele amu, ag kobol nau amunu ittag aqebeb dim lamidkkulagnu dabmetteb.

Jut 1:16

Danab amu ag naittuɗ mak naunab metteb. Ag ahilagppa kobol aɗi bette, ag amunu oolag nauhtte. Ag beɗu kobol eheɗ ahilag dim lamidtteb. Ag akka beɗulag humaglagnu oɗelag alala ebatte. Amu ag danab laa dilag keeke aoglagnu dittuanin mattan, oo eeɗaknu nai ittag ele maditteb.

Sam 37:13

Ag anam hetteb, amge Naɗi Nug ag imadtte. Aɗinu? Nug ahilag gog tak anidtte.

Sam 31:18

Danab amu ag dada danab daanna, ag genab tutukku hak danab ah dilagnu, “Keeke hamunab” doon, ag diig nau amuppa nai mattin, genab tutukku hak danab ah dilagnu hambuppuak nai maditteb amunu, ag beɗuppa tak danab nai maditteb bia tuɗidna mattimnanu, na ag oɗelag qamutkkutnu oɗ medattem.

Sam 22:17

Da am danab ebehinab tak, nug nuhig ɠagattag iitta dootte, da amubia doottem. Dahilad kekeɗ ag amelag behabe, da neekkiɗnana, “Enanagnab anam daatte,” atteb.

Job 31:29

Da kekeɗ dabmein, nug eheɗ laa awaknu anak waappa daakkunu ii ainne, hipunin amu laa ii hemi. Anam amge, da kekeɗ dahil nug na qe antten, da gamag ahak doolomlob, o iitta, da kekeɗ dahil uug nau qeum antten, diig amunu da gamal eheɗnab ahalolob amu, ⌊da Kayak eppegppa eheɗ aolom am elele, am tutukku⌋.

Revelesen 13:5

Kayak Nug nuhig oo ii neum amunu, doɗ dakkuɗ nug dada nai mattiaya, nug Kayaknu dabittak nai ele mattiom. Nug ele gumak uɗat kalam 42 hekkunu elele dayom.

Jems 3:5

Amubianab danab lemaɗu am nug beɗu laih laala oh oolagppa keeke nakok, amge nug keeke okkainabnu hamu naiib maditte. Aria ag dootteb, aab atokkak nakoknab nug atuppa ewa naɗinab ma, ad oh ewadkkunu elele.

Luk 19:41

Jesus anam ana Nug ukka, Jerusalem guguitta wana, Nug aab okkai amu antta, ameg leb ne,

Gayak Nai 4:21

Ag Edom danab ah, ag gemu gamag ahak doyeg! Ao, ag Us wanppa daatteb, ag gemu gamag ahak doyeg! Amge uug naunab, ig Juda ihinigppa beum amu, uug amu ahilagppa ele bekku. Ge, danab nug le ɠagattag la, kaaka qe, lamen iitta beɗu miag ele oitte, amubia ahilagppa ele bekku.

Aisaia 37:24

Na he, nai awa ukkak danab nahipad ag da, da Naɗi, ag da aon aon naunab iuppig. Na amu hena amu, na inam ame. ‘Da bannu karis kuɗumnab dahilppa da wan oh eɗadmi; danab nug Lebanon qauko okkai okkai igippa ta, ad sida elab elab, laa oh eɗattak, amu ad pain enanag, nug ad amu okkula aotte, da amubia hemi. Da danab nug qauko attannab, laa oh eɗattak, danab laa appa ii oitte bia, appa ad enanagnab daatteb, nug aguppa ta, ad okkula aotte, da amubia hemi.

Sam 92:11

O Yawe, na da ehaniɗe, dahil kekeɗ ag nena qeeg, amelppa anidmi. Ao, Yawe, na ehaniɗe, dahil kekeɗ, ag nau hak danab amu, ag oolnana, eegeg doomi.

Sam 59:10

Kayak dahil Nug dahilnu oo mauhaknab dootte amunu, Nug uɗia da ehaniɗkku. Nug da ehaniɗa heeb, da kekeɗ dahil oh eɗadkkul.

Sam 54:7

Da anam hekkulnu diig am, da uugppa daaiyi, na da ehaniɗe, qagaiettak ii aomi. Ao, na da ehaniɗe, dahil kekeɗ eɗadmi.

Job 18:20

Danab ah qaban uɗitteppanu daatteb, ag nau hak danabnu aɗi aɗi bette anidna, ag dabmak huanak aotteb. Ao, danab ah kaɗag uɗitteppanu daatteb, ag nau hak danabnu aɗi aɗi bette anidna, ag ameg iɗuak dootteb.

Sam 35:15

Amge gemu da uugppa daai, ag gamalag ahatte. Ag gamalag huananab ahe, ag da iuglagnu hetteb. Danab ah ag da banel uɗin hetteb. Ag hanhan da onil nauhkkunu nai nau maditteb.

Gayak Nai 2:16

Juda danab ah amu, ahilag kekeɗ oh ag aon aon aqadtteb. Ao, ag aon aon aqan, ahilagnu nai nau anana, ag aelkad emalna daatteb. Ag amu henana, ag atteb. “Ig Juda eɗadmut; ig amu hekkunignu oonig okkai haen elab daye, ig iikku bau daat anidmut,” aon atteb.

Esekiel 35:12

Da amu heppi, Edom ag da Yawe, da nai nau ag Israel, Juda dilag appig doomi amu, ag dooglag. Haen amuppa ag appig. ‘Kekeɗ ag uɗin, wan aɗit ag heeg nauhakib daattep. Laa ag ig appa gota, wan amu ihinig daakkunu aognignu heppig,’ aon appig.

Esekiel 36:5

Naɗi Yawe Nug ag oh amelagppa inam atte. “Da oo nauhaknab doyeye, wan ohppan danab ah amu heppig amu, ag ahilag hak naunu bu aoglagnu da ain malami, amge Edom ag genabnab genab bu anam aoglag. Aɗinu? Kekeɗ ag Israel eɗatteg, Israel nena qeppig, haen amuppa Edom ag oolag gamag eheɗ ahe, Israel dilagnu oolagppa oo aeg bak doon, ag dahil wan ahilag daakkunu aoppig,” awa atte.