Obadaia 1:11 - Nobonob Baibel

¹¹ Ag Edom, ag Israel ele ag tiilag laippu bia, ag lailkad am ag, amge kekeɗ ag Israel eɗattegeg, ag Edom ag Israel nakok laa ii ehanatteg, kekeɗ, ag aab diig daup iitta amu, ag ban hena, Israel dilag keeke aon goppig. Ao, kekeɗ laihnu amu ag Jerusalem appa aun nug keeke hamu awa, mawa gokku dooglagnu om yaaegeg, ag Edom ag hamuib hippaidna daanna, Israel ehanadkkulagnu uun daappig. Ag Israel dilag kekeɗ laa bia heppig.

Obadaia 1:11 Referans Kwoze

Sam 137:7

O Yawe, Edom ag deɗ Babilon dilag ban danab ag Jerusalem eɗittegeg, ag aɗi henan daappig na dautppa dob, ⌊bu madakkutnu⌋ oɗ medattem. Deɗ amuppa amu, Edom danab ah ag, “Loppaɗppeg naɗ! Loppaɗna autnanab aoppeg naɗ!” eppig.

Nahum 3:10

Aab Tebes am ɠagattag anam dayom, amge kekeɗ ag uɗin, appan ban danab eɗadna, ag appan danab kuɗum aɗualadna, ag diia ukka laih me dayak danab ah daaglagnu wan laappa diin goppig. Aabnu ib oɗatle ohppa kekeɗ ag nid yuɗ aɗualadna, buɗiatteg wanppa noeg, beɗulag oh aoɗna, hupu hupu neppig. Ag anuqak danab dilagppa attem attem hekkulagnu om yaappig. Ao, kekeɗ ag aab amunu danab okkai senppa qakkaladppig.

Joel 3:3

Ag amu henana, ag dahilad danab ah ag aunnu laa maɗi nid daaglagnu tituankkulagnu, ag om yaan, ag ib baag ah ele oiglagnu nid danab aon, ib baag ahnu maɗi nid daakkunu ag nid danab amu nug eppegppa mettanna, ag wain daden mena lakkulagnu nid ahin aon, danab wain me, daden metteb ele, nid ahin amu nuhig maɗi nid daakkunu nug eppegppa meppig.

Sam 50:18

Haen na yab danab laa anidna amu, na nug ele layam batatep. Na danab ag laa waalkad ele niitteb amu, na amu dilag ele laippu daattem.

2 King 25:11

Am Nebusaradan, nug daup Nebukatnesar gumappig dilag okkai amu, nug danab ah haen amuppa Jerusalem appa daappig, am laa ag akka ahan gona, ag beɗulag Babilon dilag daup eppelagppa meppig ele, amu danab ah laa oh ele, nug ag oh diia, Babilon appa ag diia ukka laih me dayak danab ah daaglagnu ukkom.

Sam 83:5

Ag amu hekkulagnu amu, ag oh oɗelag ooho, ag amu hekkulagnu atteb. Ao, ag nahip-ppa amu hekkulagnu nai ana qagappig.

Sam 83:6

Amu heppig ele amu Edom, Ismael, Moap, Hagri,

Esekiel 35:10

Amu Yawe Nug atte. “Ag Edom ag Israel wan, Juda wan ele dilahnu, ‘Wan aɗit amu ihinig daaglah. Ig gota aognig,’ appig. Ag da wan aɗit am ohppa daami, ag amu ii dabmenan, ag anam appig,” awa atte.

Amos 1:6

Amu Yawe Nug inam atte. “Pilistia danab Gasa daatteb ag hipunin kuɗum heppig amunu, da ool nauhtte. Da ool nauhtte amunu, da ag bu madakkul. Da oppoɗi bak dahil amu heppi, iitta ii mema. Hipunin laa ag heppig am, ag dahilad danab ah dilag aab kuɗum eɗadna, appan danab, ah, nid ele aɗualadna, diin gona, Edom danab dilag maɗi nid daaglagnu maatteg, Edom danab ag daden maadppig.

Amos 1:9

Yawe Nug inam atte. “Tair danab ag hipunin kuɗum heppig amunu, da ool nauhtte. Da ool nauhtte amunu, da ag bu madakkul. Da oppoɗi bak dahil amu heppi, iitta ii mema. Hipunin laa ag heppig am, ag dahilad danab ah ele layam batan, nug tituanna nai qagappig, amge ag nai amu lopaɗna, ag dahilad danab ah dilag aab kuɗum eɗadna, aab amunu danab, ah, nid ele oh aɗualadna, diin gona, Edom danab ah dilag maɗi nid daaglagnu maatteg, Edom danab ag daden maadppig.

Sepanaia 2:10

Moap danab, Amon danab ele ag dada danab daatteb; ag Yawe Nukka Ɠagattag Oh Elenu danab ah aon aon aqadppig. Ge, ag awa awa qettak nai naunab ahilagnu madippig amunu, ag nob imu aoglag.