Obadaia 1:10 - Nobonob Baibel

¹⁰ Amu Yawe Nug inam atte. “Aɗinu ag Edom danab, ag anam aoglag? Diig am iikku. Ag ag lailkad Israel danab ah guittak nau mauhnoak madappig. Ag amu heppig amunu, uɗa nak ag tonatta daakku. Ao, geha ahilkad kekeɗ ag ag oɗoɗadppeppeg, ag nauhna autna aoppeg, hanhan anamib daakku.

Obadaia 1:10 Referans Kwoze

Amos 1:11

Yawe Nug inam atte. “Edom danab ag hipunin kuɗum heppig amunu, da ool nauhtte. Da ool nauhtte amunu, da ag bu madakkul. Da oppoɗi bak dahil heppi, iitta ii mema. Hipunin laa ag heppig am, ag lailkadnab, am Israel danab ah amu, ag ag aqaglagnu qep elab aɗan, lamadna, ag oo bodoetta le mak nakok laa dooglagnu ii doonna uuppig. Ag uueg, ahilag oo nauhak am aab ewawaib daatte bia dayeye; ag lailkadnab dilagnu oppoɗilag be amelag kokoɗ eppa dayom.

Esekiel 35:9

Da amu heppi, ahilag wan amu hanhan hele-ettak daakku. Danab o ah laa baula ahilkad aabppa ii daama. Da amu oh heppi, ag dooglag, da am Yawe.” Yawe Nug anam awa atte.

Sam 89:45

Nug kaino ii meum, amge na hee, nug kaino meum. Ao, na nug danab ah noolagppa uɗa nak mettame. Sila.

Genesis 27:41

Jakop anam he amu, Esau nug mameg Jakop itittak ena mettomnu Jakopnu oo nauhom. Oo nauhe, nug aum. “Da mamel nug haen elab iitta, am mauhkku. Nug mauheb, nuhignu oo doyak hewota, dimppa da Jakop qeppi mauhkku,” awa aum.

Sam 137:7

O Yawe, Edom ag deɗ Babilon dilag ban danab ag Jerusalem eɗittegeg, ag aɗi henan daappig na dautppa dob, ⌊bu madakkutnu⌋ oɗ medattem. Deɗ amuppa amu, Edom danab ah ag, “Loppaɗppeg naɗ! Loppaɗna autnanab aoppeg naɗ!” eppig.

Maika 7:10

Yawe Nug anam heeb, ihinkad kekeɗ ag anidna, ag uɗa nak naunab nau dooglag. Ao, laa ag ig amenigppa, “Yawe, Nug am ahilag Kayak, Nug adeppa daatte?” appig ele amu, ag uɗa nak anam dooglag. Ag anam nena qekkulag, ig amenigppanab ahilag na qak anidkkunig. Ao, haen amuppa Yawe Nug heeb, danab lekkoh tappa gotte, amubia danab ag ihinkad kekeɗ baelagppa tappaladna oiglag.

Joel 3:19

Ag Israel, ahilagppa amu ena anam daakku, amge Isip wan am hele-ettak daakku. Edom wan ele atu taɗaknab daakku. Aɗinu aa anam daaglah? Ag Juda wanppan danab ah guittak nau mauhnoak mattanna, appa ag danab ah eheɗ laa ii heppig ele aqaeg mauhppig.

Esekiel 7:18

Ag lamen heɗiag ele takkaglag. Ag baɗak eheɗ nau doon, ag hahaɗkkulag. Ag uɗa nak nau doon, ag ⌊mahiak okkai henan,⌋ ikkilag uɗug hoyadkkulag.

Gayak Nai 4:21

Ag Edom danab ah, ag gemu gamag ahak doyeg! Ao, ag Us wanppa daatteb, ag gemu gamag ahak doyeg! Amge uug naunab, ig Juda ihinigppa beum amu, uug amu ahilagppa ele bekku. Ge, danab nug le ɠagattag la, kaaka qe, lamen iitta beɗu miag ele oitte, amubia ahilagppa ele bekku.

Jeremaia 51:51

⌊Ag Israel danab ah, ag atteb.⌋ “Wan laihnu danab ag Yawenu mettid lag, amuppa Oo Gun ele, Oo Gunnab Ele, aben amu oh am Yawenu tituanak daattep amu, ag amu ooppa noppig. Ao ag noppig amunu, danab laa ag eheɗ aon aon iqaeg, diig amunu ig uɗa nak nau guittak ele doottem. Uɗa nak ig tonikkom daatte,” aon atteb.

Jeremaia 49:13

Amu Yawe atte. “Da dakka, da onil awen, dahil nai ɠagattag qetten, da attem. Kekeɗ ag heppeg, Edomnu aab Bosra nauhakib daakku. Danab ah laa ag amu anidna, ag ameg iɗuak doon, ag Edom danab ah aon aon aqanna, ag Edom danab ah eheɗ laa awaknu anak waappa daaglagnu anana oiglag. Amu Edomnu aab oh amu nauhattak hanhan daaglag.” Yawe Nug anam atte.

Jeremaia 3:25

Ig Yawe, ihinig Kayak, ig nuhigppa hipunin hemut; ig am ig mamenkad ele. Anukkanab ig mamenkad aɗi ag amu digmeeg, uɗie uɗie, gemu ig ele ig oh Yawe, ihinig Kayak, ig Nug oɗe ii dim lamidmut. Anam amunu, ig uɗa nak nau doottem. Ao, uɗa nak nau guittak ele ig tonikkom daatte,” aon atteb.

Sam 132:18

Da heppi, nuhig kekeɗ ag uɗa nak naunab aoglag. Ge, kekeɗ ag anam daaglag, amge king da tituankkul, nug binag okkainab ele daakku.” Yawe Nug anam aum.

Sam 109:29

Danab nug lamen tagatte, amubia uɗa nak nau guittak ele am dahilad kekeɗ tonatteb daaglag. Ao, danab nug ulahnu lamen mette, amubia dahilad kekeɗ ag uɗa nak aoglag.”

Sam 69:7

Da na dim lamidttem, diig amunu amu, laa ag dahilnu, “Keeke hamunab,” dootteb. Ao, diig amunu ag da uɗa nak nau meɗatteb.

Genesis 27:11

Rebeka anam a amu, Jakop nug oɗeppa awa aum. “Amge da awal Esau nug beɗu uɗig alala ele, da am beɗul uɗig iitta.

Duteronomi 23:7

Ag Edom dilagnu, Isip dilagnu ele oolagppa uuaknab aib dooppig. Aɗinu? Edom ag ele amu, ag am eamag bia. Aria, Isipnu amu, ag appa wan laihnu danab ah ag oolagppa daappig.

Prowerb 10:6

Am genab tutukku hak danab ag Kayak eppegppanu itittak ena okkai aotteb; amge nau hak danab amu, laa guittak nau mauhnoak mettaknu nai ag oɗelagppa ambak daatte ⌊amunu, ag itittak ena, Kayak eppegppanu, danab eppelagppanu ele ii aomna⌋.

Duteronomi 23:8

Menuattak huu laippu bia ewam batak amu, menuattak amuppan Isip danab ah, Edom danab ah ele, ag Isipnu, o Edomnu ahan uɗippig ele, ag ag, Yawenu danab ah, Israel, ag ag ele laippunab daaglagnu elele.

Prowerb 17:5

Danab nug daɗek awa awa aqadtte amu, nug laa Nug danab amu hattom ele, nug nuhignu, “Keeke hamunab,” dootte; am aun nug uug naunab nau, danab laa nuhigppa bettenu gamag ahatte, nug genabnab genab bu mettak ii eɗidma.

Jeremaia 12:14

Yawe Nug atte. “Da wan laa dahilad danab ah, Israel, ag aulag daakkunu da ag mattami, amge danab laa ag kekeɗ meɗappig, wan amu talilidna daatteb ele amu, ag uɗin, Israel ele ban henana, Israel dilag keeke aon goppig. Ag anam heppig amunu, danab uud hiɗa buɗie gotte, amubia da heppi, laa da kekeɗ meɗappig amu, ahilag kekeɗ ag uɗin, ag diin goppeg, laa da kekeɗ meɗappig ele ag wan laappa diia ukka laih me dayak danab ah daaglag. Amu da Juda danab ah ehanadppi, ag ag eppelagppa baula ii daamna.

Gayak Nai 4:22

O Juda danab ah, ahilag bu awak am iitta mekku; ag gemu wan laappa diia ukka laih me dayak danab ah daatteb, amge Yawe Nug ag anam daaglagnu haen eeɗeb, elab ii goma. Anam, amge o Edom danab ah, Nug ag ahilag hipuninnu bu madakku; Nug ahilag hak nau heeb, miag atikku.