Nehemaia 9:6 - Nobonob Baibel

⁶ Ag nai amu ana malaeg, ⌊Esra aha, inam Yawe unuqittom.⌋ “Na nakka am Yawe. Na hab, hab waappa, hab attan ukke ukke, adekku batatte ele, na amu oh hattame. Na habppan hoɗopai oh, wan, wanppa aɗi aɗi keeke daatte, yu, yuppan keeke oh ele hattame. Na keeke oh bau daatteb ele bau madattem. Hab aabppan daup, ag kuɗumnab ele, ag oh na noomppa dup nona binan metteb.

Nehemaia 9:6 Referans Kwoze

Aisaia 37:16

“O Yawe Nakka Ɠagattag Oh Ele, na Israel dilag Kayak, na Tituanak Nainu Kunupnu engel okkai-kerubim aɗit dottolah gamalahppa sia king nahip-ppa daattem. Na hab, wan ele hatame. Yawe, na aakkuib am wan ohppan Kayak daattem.

Genesis 1:1

Digmak haenppa Kayak Nug hab, wan ele heum,

Revelesen 4:11

“O Naɗi, ihinig Kayak, Na keeke ohnab heme. Nahip doyakppaib na keeke oh he beppig. Gemu keeke amu oh nahip doyakppaib ele iikku daatteb amunu, binag amahlak oppiaawak, ɠagattag, binag ele nahip-ppa daakkunu, na elele daattem.” Ag anam aegeg anidmi.

Duteronomi 10:14

Antteg! Hab, hab waappa, hab attan ukke ukke, adekku batatte, aria wan, am wanppan keeke oh ele amu, amu oh am Yawe, ahilag Kayak, nuhigib daatteb.

Duteronomi 6:4

O Israel danab ah, ag daulag human doyeg! Yawe Nug ihinig Kayak daatte; Nug nukka Kayak daatte.

Aisaia 44:8

O danab ah dahilad, ag aib ebehilag hahaɗeb baɗappig. Anukka da ⌊aɗi keeke bekkunu dayom amu,⌋ da amunu mattii, ag iite dooppig? Da ag amelagppa amunu iite ami? Ag am dahilad laa aɗi heehe anttomnu mattiak danab ah daatteb. Da aakkuib am Kayak, ahilag ehanittak, daattem. Da laa anam daattenu ii doottem,” awa atte.

Aisaia 44:6

Yawe, Nug Israel dilag king, Nug Israel dilag qagaiettakppanu eɗua uhuqaknu ehanittak, Nug Yawe Nukka Ɠagattag Oh Ele, Nug inam atte. “Da hanhan daattem; anuqakppa, batakppa ele da daattem. Kayak laal ii daatte.

2 King 19:15

Hesekaia nug kola me dayeye, nug Yawe inam unuqittom. “O Yawe, na Israel dilag Kayak, na Tituanak Nainu Kunupnu engel okkai-kerubim aɗit dottolah gamalahppa sia king nahip-ppa daattem. Na hab, wan ele hatame. Na aakkuib am wan ohppan Kayak daattem.

Genesis 2:1

Amu Kayak Nug hab, wan, amuppan keeke oh ele anam heum.

Aisaia 43:10

Amu Yawe Nug ele atte. “Ag Juda danab ah, ag am da aɗi aɗi hei anidppig amu, ag laa amelagppa amunu mattiglagnu danab ah dahilad daatteb. Laa ele amu, ag am dahil maɗi nid daatteb. Da ag dahil maɗi nid daaglagnu tituanadmi. Ag da dooiɗkkulagnu, ag dahilnu oolagppa genab dooglagnu, ag da am Yawe, ag amunu diignu doyak tutukku aɗaglagnu ele da anam tituanadmi. Da haen oh daami. Kayak laa dayeye, dimppa da ii uɗimi. Iitta! Da haen oh daami. Da malappi, kayak laa ii daama. Iitta! Da haen oh daakkul. Da dakka, da Yawe daattem.

Revelesen 14:7

Nug baag okkaippa aum. “Ag Kayaknu ebehilkad oh bodoetta le meeb, ag Nug binag amahlak oppiaawak ele Nug metteg! Aɗinu? Nuhig hettoɗiakppa danab ah epeɗiadkkunu haen aakku neum. Ag laa Nug hab, wan, yu, le, amu le qeppuɗiattak ele he beppig amu, ag Nug noobppa dup nona binag meig!” awa aum.

Sam 36:6

Nahip genab tutukku hak kobol amu naɗinab, qauko attannab hume tak, amubia daatte. Ao, nahip nai doya mala hettoɗia epeɗia elele mettak kobol am naɗinab, am yu gamag unuqagnab noa ukkak bia daatte. O Yawe, na danab ah atognoadnana, doɗ ele atognoadttem.

1 King 8:27

Solomon nug anam unuqitta mala, nug tuɗitta inam ele unuqittom. “Amge, O Kayak, na am genab nena, wan imuppa daakkut-te? Hab, hab waappa, hab attan ukke ukke, adekku batatte, aben amu ohppa aben laa, na amuppaib daakkutnu elele laa iinab daatte amunu, nahip mettid lag da hemi imu am, nahipnu elelete? Am iittanab iitta.

Hibru 1:3

Aam lettod ye, amahlak amia ukke, danab ah anidtteb, amubia Kayak Bekka Nug Kayak binag amahlak oppiaawak ele he, danab ah anidtteb, amu Nug Mameg daatte, amubianab daatte. Nug keeke oh nuhig naippa ɠagattag aqadtte. Nug nuhig mauhakppa Nug danab dilag hipunin uhuqa mattaknu ib ooɗom. Nug ib amu ooɗowa, Nug eɗua hab aabppa ta, Nug Kayak, Nug dagom onig ɠagattag ele, Nug Nug eppeg naɗiap-ppa daatte.

Hibru 1:6

Laa ele amu Kayak Nug Bekka naanaeg wanppa meeb uɗikkunu haaha, Nug inam ele aum. “Kayaknu engel oh ag Nug noobppa dup nona binag meig!” awa aum.

Aisaia 37:20

Ag kayak hambuppuak amu dilagnu anam heppig amunu, O Yawe, ihinig Kayak, na wan atu ohppan danab ah ag na, O Yawe, na nakka, na Kayak daattem dooglagnu, na ig Asiria dilag king eppegppanu awigppe, ig ena daagnignu od medattem.” Hesekaia nug anam unuqittom.

Sam 86:10

Ag amu hekkulagnu diig am, na onin ɠagattag ele, na kobol danab hekkunu elele iitta okkai okkai hettem. Na aakkuib am Kayak.

2 King 19:19

Ag kayak hambuppuak amu dilagnu anam heppig amunu, O Yawe, ihinig Kayak, na wan atu ohppan danab ah ag na, O Yawe, na nakka, na Kayak daattem dooglagnu, na ig Asiria dilag king eppegppanu awigppe, ig ena daagnignu od medattem.” Hesekaia nug anam unuqittom.

Esekiel 20:11

Ag ukkaeg, da dahil ɗo iɗu iɗu matten ippunadmi. Da amu heminu diig am, danab nug amu dim lamidtte ele, nug amuppa bau daakku; padal ii mema.

Sam 146:6

Yawe, laa iitta, Yawe Nug keeke oh, amuam hab, wan, yu ele, amu keeke oh amuppa daatteb ele, Nug amu oh hattom. Ao, Yawe, laa iitta, Yawe Nug hanhan oo metta ii uuak kobol dim lamidtte.

Sam 103:21

Ag hab daup nuhikkud oh, ag Yawe binag meig! Ao, laa oh ag nuhig maɗi nid daan, nuhig dabmak awakppa Nug ag aɗi hekkulagnu atte amu, ag Nug binag meig!

Sam 33:6

Yawe Nug a, hab beum daatte. Nug oɗeppa nai mattieye, hoɗopai keeke beppig daatteb.

1 King 22:19

Ahap nug Jehosapat amegppa anam a amu, Mikaia nug nai amu tuɗitta, nug aum. “Na daut human daappe, geha da Yawenu nai appi doye! Yawe Nug sia king nuhigppa dayeye, nuhikkud engel hab aabppa daatteb oh ag Nug talilidna, naɗiap-ppa nanehppa ele hippaidna daaegeg anadmi.

Jon 10:30

Da Mamel ele amu i am laippu,” awa aum.

Genesis 32:2

Uɗa teeg anatta, Jakop nug aum. “Imuam Kayaknu daup,” awa aum. Nug anam anana, nug aben amu onig Mahanaim ataɗom.

Aposel 4:24

Amu haen ag oh amu doona amu, ag baalag laippu mena, Kayak unuqidna inam appig. “Naɗi Yawe, na hab, wan, yu ele, amu keeke oh amuppa daatteb ele, keeke amu oh na hattame.

Nehemaia 9:5

Ag anam heeg, Lewi buɗubppan mana mettak danab iitta, ag oolagppan laa onilag Jesua, Katmiel, Bani, Hasapnea, Serebia, Hodia, Sebania, Petahia ele, ag appig. “Ag oh ahan hippaidna daan, ag Yawe, ahilag Kayak, ag Nug binag meig! Nug hanhan daatte. Nug digmak iitta, batak ele iitta,” appig. Ag anam awona, ag tuɗidna, Yawe amegppa appig. “O Yawe, na binan amahlak oppiaawak ele, amu danab ag na onin dabmenan humappeg, attannab, itittak ena oh, binag mak oh eɗittak daakkunu oonig daatte,” aon appig.

Sam 24:10

King Nug binag amahlak oppiaawak ele amu, Nug am aun? Nug am Yawe Nukka Ɠagattag Oh Ele. Yawe Nukka Ɠagattag Oh Ele Nug am King binag amahlak oppiaawak ele. Sila.

Sam 102:25

Keeke oh digmak haenppa, na wan heme. Ao, na eppenppa hab ele heme.

Sam 115:15

Yawe, Nug hab, wan ele heum amu, Nug ag itadkkunu ool daatte.

Aisaia 45:12

Da, laa iitta, da wan hemi. Da hein, da danab ah aguppa daan oiglagnu ele hattami. Da eppelppa hab hein, da aam kalam hoɗoppai ele appa daatteb ele hattami.

Jona 1:9

Ag anam aeg, Jona nug amelagppa aum. “Da Hibru danab. Da Yawe, Nug Kayak hab attan daatte, Nug yu, wan ele heum amu, da Nug noobppa dup noin Nug binag mettem,” awa aum

Genesis 1:9

Keeke amu anam ba daye, Kayak Nug aum. “Le wanppa daatte, amuam aben laippu qagmeeb, wan qaɗaiettak ele miag atiaɗ!” awa aum. Kayak Nug a amu, am anam aakku beum.

Duteronomi 32:39

Antteg! Da dakka, da Kayak laippu daattem; kayak laa ⌊ag ehanadkkunu⌋ da heqolppa ii daatte. Da dakka Kayak daattem. Da danab bau dayak madattem, amu da bau dayak amu eɗue aɗattem. Da danab eheɗ hedattem, amu da danab ehanatti, ena daatteb. Auntai laa, dahil hak nuhigppa hekkulnu hettem, nug amu qe-eɗitta, oola gokkunu elelete? Iitta!

Sam 124:8

Yawe Nug ig ehanigtte. Nug hab, wan ele haatom.

Jeremaia 32:17

“O Naɗi Yawe, na ɠagattag nahip-ppa, nakka ebehinppa ele hab, wan ele heme. Aɗi keeke uug ele na hekkutnu elele iitta laa ii daatte.