Nehemaia 9:21 - Nobonob Baibel

²¹ Ag atu taɗakppa maɗ 40 oiyegeg, na atognoadna autna aome amunu, ag keeke laanu tutu ii meppig. Lamen ahilag alag ii me, ag baelkad ele ii titiɗadppig.

Nehemaia 9:21 Referans Kwoze

Duteronomi 2:7

Amu aɗinu ⌊Yawe Nug ag ee, le ele daden mekkulagnu aum⌋? Yawe, ahilag Kayak, Nug ag aɗi aɗi eppelagppa heppig ele amu, Nug uɗat amu oh itattom. Nug ag atu taɗak naɗi amuppa gonana, keeke ohnu heegeg, Nug ag atognoattom. Maɗ 40 imu ooppa, Yawe, ahilag Kayak, Nug ag ele daanna, aɗi keeke ag amu aon, bau daaglagnu doyom amu, Nug amu elele matte, ag keeke laanu ii tutu meppig.

Duteronomi 8:4

Am maɗ 40 amu ohppa, lamen ahilkad alag ma ii pattiɗattom, ag baelkad ele ii titiɗom.

Sam 34:10

Am laion bau ag haen laala enug aqadtte, amge aun aɗi ag Yawe anidna dim lamidkkulagnu Nug maditteb amu, ag keeke ena laanu tutu ii memana.

Aposel 13:18

Nug eɗua diia uɗieye amu, atu taɗakppa nug ahilag hak nau amu maɗ 40 Nug mawom.

Amos 5:25

O Israel danab ah, ag atu taɗakppa maɗ 40 oinna, ag ⌊oolag genab meɗan, da ool hette bia⌋ ofa iɗu iɗu meɗappigte. Iitta.

Duteronomi 29:5

Amu Yawe Nug atte. “Maɗ 40 oh da, Yawe, da ag omalatti, atu taɗakppa oimut. Ag oiyegeg, ag ahilkad lamen, baelkad gaɗa ele ii nauhppig.

Duteronomi 8:2

Yawe, ahilag Kayak, Nug maɗ 40 oh anuqa omalattette, atu taɗakppa oippig amu daulagppa dayaɗ! Nug ag onilag qeeb nekkunu, ag ma anttak mettak ele aoglagnu, Nug amu heum. Nug ma anttak mettak digdig ag diilag miag atikkunu matta, nug ag genabte haknunab anak nuhig am tutukku dim lamidkkulagtai, o iittatai amu anidkkunu heum.

Eksodas 16:35

Am Israel ag maɗ 40 maana laeg ukke, ag haen amuppa gona, Kanan wanppa, danab ah appa daappig amu, ag daaegeg, ag gona appa tena, ag maana baula ii lappig.