Nehemaia 9:19 - Nobonob Baibel

¹⁹ Kayak, na nahipad danab ah dilagnu oo bodoetta le mak kobol dim lamidna, atu taɗakppa danab ah amu uuatte, hamu ii oippig. Amunppa na hee, lombig teppu ele attan takppa ag ib ippuanattette, tuqan aab ewak okkai attan tak ib atten aon gokkulagnu ippuanattom.

Nehemaia 9:19 Referans Kwoze

Sam 106:45

Nug ahilagnu dabmak anuqak doyaya, Nug he, ag Nug ele nug tituana nai qakkak heppig, Nug amu dabmetta ehanattom. Nug ag dabmadatta, Nug nuhig oo mauhaknab kobol dim lamittatta, ag tuɗid, uugppa daamnanu uua ehanattom.

Nehemaia 9:27

Ag nau amu oh heppig amunu, na uuatte, ahilkad kekeɗ ag eɗatteg, ag kekeɗ eppelagppa daappig. Daaegeg, kekeɗ ag eheɗ hadappig. Kekeɗ ag anam eheɗ hadappig, amge haen amuppa ag nahipnu gaaeg, hab attan, na appa daattem amu, appa na ahilag gayak doon, na ahilagnu oot bodoetta auta autanab awa, le me, na hee, ehanittak danab ahan heeg, ag ahilkad kekeɗ eppelagppa ii daappig.

Malakai 3:6

Yawe atte. “Da am Yawe, da baoliak ii hettem, diig amunu Jakop buɗub, ag nauhna, iittanab ii meppig.

Nehemaia 9:12

Amunppa na lombig teppu ele attan takppa daan, noolag aon gonana, tuqan na aab ewak okkai attan takppa daan, noolag aonna, amahlak mattan, atten atten oiglagnu daye ippunadnana, noolag aon gome.

Daniel 9:18

O Kayak dahil, na daut human, dahil unuqittak dookkutnu oɗ medattem. O Kayak, na neegppe ukkeb, aab okkai na onin amuppa daatte amu, na aab amu nauhakib daatte anidkkutnu oɗ medattem. Ig genab tutukku hak danab ah amunu, ig oɗmak imu ii hettem. Iitta. Ig danab ah tutukku iitta, amge na danab ah dilagnu oot gai-iitta doon, oot mattan ehanadttem amunu, ig oɗmak hettem.

Daniel 9:9

Ig na dimettat, nahip nai tappaut neum. Ig na, Yawe, na ihinig Kayak, ig na oɗen ii dim lamidmut. Ig nahip ɗo, na nahip propet, ag nahip maɗi nid amu, na ag oɗelagppa ɗo amu ig mekkaeg, ig amu dabmetata, ii dim lamidmut, amge O Naɗi, na ihinig Kayak, na danab dilagnu oot gai-iitta doon oot mattan ehanadttem. Na danab ah dilag hipunin uhuqna madattem.

Namba 14:14

Na danab ah imu heppe, padal mekkulag dayeb amu, Isip ag danab ah wan ig gottemppa daatteb, ag amu amelagppa nahip ɠagattag okkaippa danab ah imu ehanatte, ag Isip uun uɗieg, ippa na hee, padal mena, iitta meppig appeg dooglag. O Yawe, ig gottem ele, danab wan amuppanu ag na danab ah imu ag ele daattem amu, ag dooppig daatteb. O Yawe, danab wan amuppanu, ag na Israel, na ahilagppa tulan wae anidttebnu amu, ag dooppig. Nahip lombig am Israel, ag tonatta daattenu amu, ag dooppig. Na amunppa lombig teppu ele attan tak amuppa daanna, noolag aon omaladna gonana, tuqanppa na aab ewak okkai attan takppa daanna, ag noolag aon omaladna gottem amu, ag dooppig.

Esekiel 20:22

Amge da ii hemi. Da amu dabmein ami, amge da onilnu dabmak anuqak doyen, da onil wanppan wan ohppan danab ah ag da Israel Isipnu diien, omalatti uɗieg anidppig amu, danab ah amu ag da onilnu, am keeke hamu bia doomnanu, da amu ii hemi.

Esekiel 20:14

Da amu dabmein ami, amge da onilnu dabmak anuqak doyen, da onil wanppan wan ohppan danab ah ag da Israel Isipnu diien, omalatti uɗieg anidppig amu, danab ah amu ag da onilnu, am keeke hamu bia doomnanu da amu ii hemi.

Gayak Nai 3:22

Keeke ena bekkunu dabmak aɗa oiyak amu, amuam Yawe Nug ihinignu oo mauhaknab dootte amunu, ig padal meta autta ii aottem. Ge, oo gai-iitta doya oo metta ehanittak kobol nuhig ii iitta mette, diig amunu ig padal meta, autta ii aottem.

Aisaia 44:21

Amu Yawe Nug atte. “O Israel danab ah, ag am dahilad maɗi nid maɗi ah ele amunu, ag Jakop buɗub, ag keeke imu ag daulagppa doaɗ! Da ag huu laippu daaglagnu hemi, ag am dahilad maɗi nid maɗi ah ele; da ahilagnu daul ii atima.

Nehemaia 9:31

Amge O Kayak, na oo bodoette enanag maɗoɗ ele hak kobol dim lamidna, na danab ah dilagnu oo gai-iitta doya oo matta ehanittak kobol ele dim lamidttem amunu, na ig mamenkad aɗi dilagnu oot gai-iitta doon oot mattan ehanadna, na hee, ag ii padal meppig; na ag ii uuatte hamu daappig.

Eksodas 40:38

Anam amunu, Yawenu lombig am amunppa mettid haknu peh lag attan dayeye, tuqan amu aab ewak am lombigppa dayeye, Israel danab ah ag anam anidppig. Lombig anamib aakku dayeye, ag gona, wan Yawe Nug ag madakkunu aum, ag amuppa teppig batak.

1 Samuel 12:22

Ag Yawe aib dimedappig. Iitta. Ag Nug dim lamidkkulag. Aɗinu? Yawe Nug amunu ena doya, Nug ag danab ah nuhikkud daaglagnu tituanattom amunu, Nug onignu dabmak anuqak awa, Nug ag, ag am nuhikkud danab ah amu, Nug ag uuatta, di-ii-mattama.

Eksodas 40:36

Aria, haen oh Israel ag oippig ele amu, Yawe Nug he, lombig nug mettid haknu peh lag ikkippanu aha ukke anidna amu, Israel ag ahan, keeke oh aon, lombig dim lamidna goppig,

Duteronomi 8:2

Yawe, ahilag Kayak, Nug maɗ 40 oh anuqa omalattette, atu taɗakppa oippig amu daulagppa dayaɗ! Nug ag onilag qeeb nekkunu, ag ma anttak mettak ele aoglagnu, Nug amu heum. Nug ma anttak mettak digdig ag diilag miag atikkunu matta, nug ag genabte haknunab anak nuhig am tutukku dim lamidkkulagtai, o iittatai amu anidkkunu heum.

Sam 136:16

⌊Ig Yawe,⌋ Nug danab ah nuhig omalatte, atu taɗakppa wana goppig amu, ⌊ig Nug amegppa, “Ena heme,” atu!⌋. Aɗinu? Nuhig oo mauhaknab kobol hanhan alet daatte.

Esekiel 20:17

Ag nau amu heppig, amge da ahilagnu ool gai-iitta doye, ool matte, ehanatte, da hei, padal ii meppig. Da hei, ag atu taɗakppa oinna, padal mena, iitta ii meppig.